2 Samuele 20:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Bualu kabuena nunku, kadi muntu wa ku mikuna ya Efelayima, dina diandi Sheba, muana wa Bikili, wakatombokela mukelenge Davidi mene; anji kumufila mu bianza bianyi, tuetu netumuke tushiya musoko. Mukashi wakambila Yoaba ne, Mona, nebele mutu wandi kûdi ku nyima ha lumbu.

MUKANDA WA MYIDI MUKULU

²¹ Tshiena ne dijinga dia kuenza nanku to. Kadi ndi nkeba anu muntu mukuabu wa mu buloba bua mikuna bua Efrayime, Sheba, muana wa Bikri, udi mutombokele mukalenga Davide. Mpeshayi anu Sheba nkayende. Nanku nengumuke muaba ewu. Mukaji kuandamuna ne: — Eyowa, mbimpe. Tudi tukuimanshila mutu wa Sheba pa mutu pa tshimana munudi amu.

2 Samuele 20:21 ပူးပေါင်းရင်းမြစ်များ

2 Samuele 20:1

Muntu mubi wakadiku, dina diandi Sheba, muana wa Bikili, Muena Benyamina; yeye wakela mpungi, Wamba ne, Tuetu katuena ne tshituha kudi Davidi, katuena ne buhianyi kudi muana wa Yishai, nuenu Bena Isalele, muntu ne muntu ahingane ku ntenta wandi.

2 Samuele 20:2

Nunku Bena Isalele bonso bakalekela kulonda Davidi, bakalonda Sheba, muana wa Bikili; kadi Bena Yuda ba ku Yadene tô ne ku Yelushalema bakalamata mukelenge wabo.

2 Samuele 20:20

Yoaba wakamukudimuna ne, Bualu ebu kabuikadi kundi bua kumina anyi bua kushiha.

2 Samuele 23:18

Abishai, muanʼabo ne Yoaba muana wa Seluya, wakadi ku mutu kua bantu basatu. Yeye wakela bantu nkama isatu difuma diandi, wakabashiha; nunku wakadi ne dina dinene munkatshi mua aba basatu,

1 Bakalenga 11:26

Yalobama, muana wa Nebata, Muena Efelayima wa mu Zeleda, wakadi muntu wa Solomo, ne mamu wandi wakadi Seluya, mukashi wa mu lufuila, wakatombokela mukelenge kabidi.

2 Bakalenga 10:7

Hakafika mukanda kudibo, bakakuata bana balume ba mukelenge makumi muanda mutekete, bakabashiha, bakateka mitu yabo mu bisaka, bakamutuminayi ku Yizelele.

2 Bakalenga 5:22

Yeye wakamuitaba ne, Malu mimpe. Mukelenge wanyi wakuntuma kûdi bua kukuambila ne, Anu katataka bansongalume babidi ba bana ba baprofete ba ku mikuna ya Efelayima bakafika kundi; ndi nkusengelela ne, Bimpe ubampele ntalanta wa argent ne bilulu bibidi bitambe buimpe.

Yirmeya 4:15

Bualu bua dî didi difuma ku Dana, didi diamba lumu lubi lufuma ku mikuna ya Efelayima!

Yirmeya 50:19

Nempingashe Isalele mu luhangu luandi lua mikoko, neadie mashinde a ku Kâmele ne Bashana, muoyo wandi neukute ha mikuna ya mu Efelayima ne ya mu Gilada.

Yoshua 24:33

Eleazâ, muana mulume wa Alona, wakafua; bakamujika mu mukuna wa Pinehasa, muanʼandi mulume, wakamuhabo mu buloba bua Bena Efelayima.

Balombodi 2:9

Bakamujika ku mukalu wa buhianyi buandi mu Timenatahelese, ku mikuna ya mu Efelayima, ku nôde kua mukuna wa Gasha.

Balombodi 7:24

Gideona wakatuma ba-messager kudi Bena Efelayima ba ku mikuna ne, Luai kuluisha Bena Midiyana, nunyenge mai adi ku mpala kuabo tô ne ku Bete-bala ne ku Yadene. Nunku Bena Efelayima bakadisangisha hamue, bakanyenga mai onso tô ne ku Bete-bala ne ku Yadene.

Balombodi 9:55

Hakatangila Bena Isalele ne, Abimeleke wakafua, bakaya muntu ku muaba wandi muntu ku muaba wandi.

1 Samuele 24:6

Davidi wakambila bantu bandi ne, Yehowa ampidishe tshienzedi mukelenge wanyi, wakela Yehowa manyi ha mutu, bualu ebu, tshiolodi tshianza tshianyi kudiye, bualu bua yeye udi muntu muedibue manyi kudi Yehowa.

1 Samuele 26:9

Davidi wakambila Abishai ne, Kumushihi nansha; udi mua kulenga muntu wakela Yehowa manyi ha mutu ne kubinga nganyi?