2 Samuele 20:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Amasa wakadi mubunguluke mu mashi andi munkatshi mua nshila. Hakatangila nsongalume ne bantu bonso bakadi bimanaku, yeye wakumusha Amasa mu nshila, wakaya nʼandi mu mpata, wakamubuikila tshilulu; bualu bua yeye wakatangila ne muntu yonso wakafika hakadiye wakimanaku.

MUKANDA WA MYIDI MUKULU

¹² Kadi Amasha uvua anu panshi munkatshi mua njila, mudibonde mu mashi. Muena mvita mukuabu kumona ne: bantu bonsu bavua anu bimane muaba uvua tshitalu awu. Nanku, kumushaye tshitalu tshia Amasha mu njila, kuya natshi mu budimi buvua pabuipi.

2 Samuele 20:12 ပူးပေါင်းရင်းမြစ်များ

2 Samuele 17:25

Abashaloma wakateka Amasa ku mutu kua masalayi andi mu muaba wa Yoaba. Amasa wakadi muana wa muntu dina diandi Yitela, Muena Isalele, wakabuela kudi Abigayila, muana wa Nahasha, muanʼabo mukashi ne Seluya, mamu wa Yoaba.

2 Samuele 2:23

Kadi yeye wakahidia kusesuka; hashishe Abinê wakamutua muinshi mua mbale ne mutondo wa difuma, wakamusompoka kabidi; nunku yeye wakadishinda hanshi, wakafua ha muaba au; hakalua bantu ha muaba wakadishindila Asahele mufue, bakimanaku.

2 Samuele 20:11

Umue wa bansongalume ba Yoaba, wakadi muimane ha buihi handi, wakamba ne, Muntu yonso udi musue Yoaba, udi ku luseke lua Davidi, alonde biandi Yoaba.

2 Samuele 20:13

Hakamûmusheye mu nshila, bantu bonso bakaya ne Yoaba bua kulondabo Sheba, muana wa Bikili.

Misambu 55:23

Kadi wewe Nzambi, neutulule bantu aba hanshi tô ne ku ndondo wa dijimba dia kabutu; bantu badi bamatshisha mashi ne badi badinga kabena bashala ne muoyo tshituha tshia hankatshi tshia matuku abo. Kadi meme nenkueyemene wewe.

Misambu 9:16

Yehowa wakudimanyisha kudi bantu, wakukosa bilumbu biabo; bantu babi badi bakuatshibua mu mateyi akenzabo ne bianza biabo.