2 Samuele 2:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Bena Yuda bakadisangishaku, bakela Davidi manyi ha mutu bua kumuteka mukelenge wa Bena Yuda. Bakambila Davidi ne, Bena Yabesha-gilada bakajika Shaula.

MUKANDA WA MYIDI MUKULU

⁴ Ke bena Yuda kufika mu Ebrone bua kujidila Davide bua ikala mukalenga wa bena Yuda. Bantu bamane kuambila Davide ne: Bena mu tshimenga tshia Yabeshe mu Ngilaade mbajike Shawule,

2 Samuele 2:4 ပူးပေါင်းရင်းမြစ်များ

2 Samuele 19:11

Mukelenge Davidi wakatuma mukenji kudi Sadoka ne Ebeyatâ bakuidi wamba ne, Nukonke bakulu ba mu Yuda ne, Nuenu nutshidi bashadile ku nyima bua kuhingisha mukelenge ku nsubu wandi bualu kai? Bualu bua Bena Isalele bonso hakamana kuhunga dî bua kuhingisha mukelenge ku nsubu wandi.

2 Samuele 19:42

Bena Yuda bonso bakakudimuna Bena Isalele dî ne, Bualu bua mukelenge udi muikulu wetu wa mu diku dietu; nudi nufuila tshiji bua bualu ebu tshinyi? Mukelenge wakatudisha tshianana, anyi? Yeye wakatuha bukenji, anyi?

2 Samuele 2:11

Bungi bua bidimu biakakokesha Davidi Bena Yuda mu Hebelone buakadi bidimu muanda mutekete ne ngondo isambombo.

2 Samuele 2:7

Nunku nukoleshe maboko enu, nuikale bena dikima; bualu bua Shaula, mukelenge wenu udi mufue, kadi Bena Yuda bakangela manyi bua meme ngikale mukelenge ku mutu kuabo.

2 Samuele 21:11

Bakambila Davidi bualu buakenza Lisepa, muana mukashi wa Aya, umue wa mu bakashi bahika babakibue kudi Shaula.

2 Samuele 21:12

Davidi wakaya, wakangata mifuba ya Shaula ne ya Yonatana muanʼandi kudi Bena Yabesha-gilada, bakayiba mu misesu ya Bete-shana kuakabowa Bena Peleshete ku dituku diakashiha Bena Peleshete Shaula mu Gileboa.

2 Samuele 5:17

Hakunvua Bena Peleshete ne, Bakuela Davidi manyi bua kumutekabo mukelenge ku mutu kua Bena Isalele, buonso buabo bakadisangisha hamue bua kukebabo Davidi; hakunvua Davidi lumu elu, yeye wakaya ku musoko wakadi ne lumbu.

2 Samuele 5:3

Nunku bakulu bonso ba mu Isalele bakalua kudi mukelenge mu Hebelone; mukelenge Davidi wakahunga nʼabo tshihungidi ku mesu kua Yehowa mu Hebelone; bakela Davidi manyi ha mutu bua kuikaleye mukelenge wa Bena Isalele.

2 Samuele 5:5

Wakakokesha Bena Yuda mu Hebelone bidimu muanda mutekete ne ngondo isambombo; wakakokesha Bena Isalele ne Bena Yuda bonso mu Yelushalema bidimu makumi asatu ne bisatu.

2 Bakalenga 11:12

Hashishe bakaluhuka ne muana wa mukelenge, bakateka tshifulu tshia butumbi ha mutu handi; bakamuha mukanda wa dihungila, bakamujadika mukelenge, bakamuela manyi ha mutu handi; bakamututshila nkashi, bamba ne, Mukelenge ikale ne muoyo!

1 Kulondolola 10:11

Hakunvua Bena Yabesha-gilada lumu lua malu onso akenzela Bena Peleshete Shaula,

1 Kulondolola 11:3

Nunku bakulu bonso ba Bena Isalele bakatua kudi mukelenge mu Hebelone; Davidi wakahunga nʼabo tshihungidi mu Hebelone ku mpala kua Yehowa; bakela manyi ha mutu ha Davidi bua kuikaleye mukelenge ku mutu kua Bena Isalele, bu mu dî dia Yehowa diakambileye Samuele.

1 Kulondolola 12:23

Ebu mbungi bua bakadi ku mutu kua bena nvita bakalua kudi Davidi mu Hebelone bua kukudimunabo bukelenge bua Shaula kudiye bu muakadi dî dia Yehowa.

1 Samuele 16:13

Hashishe Samuele wakangata lusengu lua manyi, wakamuela manyi ha mutu handi munkatshi mua bana babo; Nyuma wa Yehowa wakatulukila Davidi bikole ku dituku adi. Nunku Samuele wakajuka, wakahingana ku Lama.