2 Samuele 2:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Hashishe Abinê wakebesha Yoaba ne, Muele wa nvita neushihe bantu tshiendelele, anyi? Kuena mumanye ne kunfudilu kua bualu ebu nekuikale anu ne kanyinganyinga? Nunku wewe neubidie kukanda bantu bua kulondabo bana babo musangu bule munyi?

MUKANDA WA MYIDI MUKULU

²⁶ Abnere kukonka Yowabe ne: — Netuikale anu tushipangana katuyi tulekela anyi? Umanye ne: ku nshikidilu, bualu ebu nebutushile kanyinganyinga. Tudi bena muntu. Udi muindile tshinyi bua wewe kutuma diyi bua bena muntu balekele kuluishangana?

2 Samuele 2:26 ပူးပေါင်းရင်းမြစ်များ

2 Samuele 11:25

Hashishe Davidi wakambila messager ne, Bûdi nʼabu mbua kuambila Yoaba ne, Bualu ebu kabunyingalashi mutshima webe, bualu bua muele wa nvita udi ushiha muntu ne muntu; anji kukolesha nvita yebe ku musoko, ubutule; ukoleshe mutshima wandi nunku.

2 Samuele 2:14

Abinê wakambila Yoaba ne, Bansongalume babike, banaye ku mpala kuetu. Yoaba wakamba ne, Babike.

2 Samuele 2:16

Bakelangana tuima ku mitu, bakaluangana miele mu mbale; bakadishinda hanshi hohamue; nunku badi babikila muaba au ne, Helekatahasulima, udi mu Gibeona.

2 Samuele 2:25

Bena Benyamina bakadisangisha kudi Abinê, bakatua tshisumbu tshimue, bakimana ha mutu ha mukuna.

2 Samuele 2:27

Yoaba wakamuambila ne, Bu mudi Nzambi ne muoyo, bu wewe kuyi nulambe nunku, bulelela, bantu kabakadi kualukila hatshiabu, kabakadi kulekela kulonda bana babo.

Yobe 18:2

Neukebe mei a kuamba musangu bule bishi? Wele meji, hashishe nenyikile.

Yobe 19:2

Musangu bule munyi nenunyingalashe mutshima wanyi, nenuntshibule bituha bituha ne mei enu?

Misambu 4:2

Nuenu bana balume ba bantu, nenuandamune butumbi buanyi bua kuluabu bundu musangu bule bishi? Nenusue malu a hatuhu, nenukebe mashimi musangu bule bishi?

Nsumuinu 17:14

Tshibangidilu tshia matandu tshidi bu kuhatuka kua mai; nunku diambedi matandu kâyi manze kuhatuka, lekela difuilangana.

Yeshaya 1:20

kadi binuabenga ne binuatomboka, nebanushihe ku muele wa nvita; bualu bua mukana mua Yehowa muakuamba dî edi.

Yirmeya 12:12

Bahaudi bakulua ha mutu ha mikuna yonso ya mu tshihela idi hatuhu, bualu bua muele wa Yehowa udi ushiha bantu ku ditengu dia buloba to ne kunfudilu kuabu; kakuena muntu udi ne ditalala.

Yirmeya 2:30

Nakuhita bana benu, nakubanga; kabakuatabusha kubela kuanyi; muele wenu wa nvita wakushiha baprofete benu, bu mudi nyama wa ntambue ushiha nyama mikuabo.

Yirmeya 4:21

Nentangile dibendela, nengunvue dî dia mpungi musangu bule kai?

Yirmeya 46:10

Bualu bua dituku adi ndituku dia Mukelenge Yehowa wa misumba; dituku dia kusombuela, didiye udisombuela kudi bena lukuna bandi. Muele wa nvita neudie bantu, neukute, neunue mashi tô ne hashika nyota yau. Bualu bua Mukelenge, Yehowa wa misumba, neabale bantu bashihibue bu mulambu wa kuosha ku buloba bua nôde, hehi ne musulu wa Pelata.

Yirmeya 46:14

Wambe dî edi mu Ejipitu, udimanyishe mu Migedola; utumanyishe kabidi mu Mempi ne mu Tapanehese; ubambile ne, Imanai, elai mualu wa nvita, bualu bua muele wa nvita wakushiha bantu ku nseke yebe yonso.

Osheya 11:6

Muele wa nvita neufike mu misoko yabo, neubutule badi bafuna bulobo, neubashihe, bualu bua mei akahungabo.

Bienzedi 7:26

Hakatshiabu, wakatukidila bakuabo baluangana, yeye wakateta bua kubasunga, wakamba ne, Balumiana, nudi bana ba muntu umue; nudi nuenzelangana bibi tshinyi?