2 Samuele 16:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Hashishe Abishai, muana wa Seluya, wakakonka mukelenge ne, Mbua eu mufue udi ne bua kuhenda mukelenge wanyi nunku bua tshinyi? Ndi nkusengelela ne, Witabushe bua meme kuya kudiye bua kukosa mutu wandi.

MUKANDA WA MYIDI MUKULU

⁹ Abishayi, muana wa Seruya kuambila Davide ne: — Mukalenga, Shimeyi ewu udi bu mbua mumane kufua. Kena mua kukupenda musangu mule nenku to. Itabe, nye kumukosa mutu.

2 Samuele 16:9 ပူးပေါင်းရင်းမြစ်များ

2 Samuele 19:21

Kadi Abishai, muana wa Seluya, wakakonka ne, Kabena bashiha Shimei bualu bua yeye wakahenda muntu wakela Yehowa manyi ha mutu, anyi?

2 Samuele 19:22

Davidi wakamba ne, Nuenu bana ba Seluya, nakanuenzela bualu kai bua nuenu nuikale bena lukuna kundi lelu? Nebashihe muntu mu Isalele lelu, anyi? Meme tshiena mumanye ne, Ndi mukelenge wa ku mutu kua Bena Isalele lelu, anyi?

2 Samuele 3:30

Nunku Yoaba ne muakunyʼandi Abishai bakashiha Abinê bualu bua yeye wakashiha muanʼabo Asahele mu nvita ya mu Gibeona.

2 Samuele 3:8

Hashishe Abinê wakadi ne tshiji tshikole bua mei akamuambila Ishi-boshete; yeye wakamukonka ne, Meme ndi bu mutu wa mbua wa Muena Yuda, anyi? Tô ne ku dituku edi Bakafuila ba mu nsubu wa Shaula, tatuʼebe, ne bana benu ne balunda bandi luse, tshiakakufila wewe mu bianza bia Davidi; kadi wewe wakunkanda bualu bubi ne mukashi eu lelu.

2 Samuele 9:8

Yeye wakamukukuila. Yeye wakakonka ne, Muntu webe udi bu nganyi bua wewe udi utangila mbua mufue bu meme?

Ekesode 22:28

Kutedi dina dia Nzambi tshitelatela, kuhendi mukokeshi wa bantu bebe.

Luke 9:54

Bayidi bandi Yakobo ne Yone, hakamonabo bualu ebu, bakakonka ne, Mukelenge, udi musue tuetu tulombe kahia kalue mu diulu bua kubosha, anyi?

Bienzedi 23:5

Paulo wakamba ne, Bana betu, tshiakamanya ne, Yeye udi muakuidi manene wa Nzambi, bua bakafunda ne, Kuhendi mukokeshi wa tshisamba tshiebe.

1 Petro 2:17

Nunemeke bantu bonso. Nunange bana benu ba ma Kilisto. Nutshine Nzambi. Nunemeke nfumu munene.

1 Samuele 24:14

Mukelenge wa Isalele udi ukeba nganyi? Wewe udi ulonda neanyi? Udi ukeba mbua mulue, anyi mukenya!