2 Samuele 14:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hashishe yeye wakamuambila ne, Mukelenge avuluke Yehowa, Nzambi wandi, bua musombuedi wa mashi kashihi kabidi, kabashihi muanʼanyi. Yeye wakamba ne, Bu mudi Yehowa ne muoyo, lusuki lumue lua ku mutu kua muanʼebe kaluena luhona hanshi.

MUKANDA WA MYIDI MUKULU

¹¹ Mukaji kuandamuna kabidi ne: — Mukalenga uditshipe mu dina dia Maweja-Nangila Mvidi Mukulu webe bua muntu udi ne bua kusombuela bua lufu lua muananyi, kankengeshi bibi bipite, kashipi muananyi undi mushale nende. Mukalenga Davide kumuambila ne: — Bu mudi Maweja-Nangila ne muoyi, ndi nditshipa ne: nansha lusuki lua muanebe lua ku mutu kaluakumata panshi to.

2 Samuele 14:11 ပူးပေါင်းရင်းမြစ်များ

Genese 14:22

Abalama wakambila mukelenge wa Sodoma ne, Nakamana kubisha tshianza tshianyi bua kuditshiha kudi Yehowa, Nzambi Mutambe Bunene wa mu Diulu, mufuki wa diulu ne buloba,

Genese 31:50

Biwakengesha bana banyi ba bakashi, anyi biwabaka bakashi bakuabo, kakuena mumanyi mukuabo hankatshi hetu, anu Nzambi udi mumanyi wa bualu buetu, meme ne wewe.

2 Samuele 14:10

Mukelenge wakamba ne, Biakuambila muntu dî dimue, alue nʼandi kundi, ne yeye kena ukulenga tshianza kabidi.

2 Samuele 14:12

Hashishe mukashi wakamba ne, Ndi nkusengelela ne, Witabushe bua muntu webe ambile mukelenge wandi dî. Yeye wakamuambila ne, Ambaku.

2 Samuele 14:21

Mukelenge wakambila Yoaba ne, Mona, nakuitabusha bualu ebu; nunku uye biebe, uhingishe nsongalume Abashaloma.

1 Bakalenga 1:52

Solomo wakamba ne, Bienzeye malu a kalolo, lusuki lumue lua ku mutu kuandi kaluena luhona hanshi; kadi bikaleye ne malu mabi munda muandi, neafue.

Yirmeya 4:2

Biwaditshiha ne, Bu mudi Yehowa ne muoyo, uditshihe nunku mu bushuwa, mu kulumbulula kuakane ne mu buakane; mu diba adi bisamba bia bantu nebivuishibue disanka kudiye, nebitumbile mudiye.

Dibadika 35:19

Musombuedi nkayandi neashihe mushihi wa muntu.

Dibadika 35:21

anyi bikaleye mumukume ne tshianza tshiandi ne tshiji, mumushihe, nebashihe muntu wakamukuma, yeye udi mushihi wa muntu musombuedi neashihe mushihi wa muntu, hasangakeneye nʼandi.

Dibadika 35:27

ne bikala musombuedi musangakene nʼandi ku butshika bua musoko wandi wa kunyemena, ne bikala musombuedi mushihe mushihi wa muntu, yeye kena ne bualu bubi,

Matayi 10:30

Nsuki ya ku mitu yenu mene mene idi mibala yonso.

Bienzedi 27:34

Nunku ndi nusengelela bua nuenu kudia, bualu ebu nduhandu luenu, bualu bua lusuki lua ku mutu kua umue wenu kaluena lujimina.

1 Samuele 14:45

Bantu bakambila Shaula ne, Yonatana, nguakadi Usungila Bena Isalele ne luhandu elu lunene, neafue biandi, anyi? Nansha, bualu ebu kabuikadiku; bu mudi Yehowa ne muoyo, lusuki lumue lua ku mutu kuandi kalumatshi hanshi; bualu bua wakamatshisha ngana ne Nzambi mudimu lelu eu. Nunku bantu bakasungila Yonatana, kakafua nansha.

1 Samuele 20:42

Yonatana wakambila Davidi ne, Waya biebe talalâ bualu bua tuetu tuakahungakasha mei ne, Yehowa neikale hankatshi hetu nʼebe ne hankatshi ha bana bebe ne bana banyi tshiendelele. Yeye wakabika, wakaya; Yonatana wakahingana ku musoko.

1 Samuele 28:10

Shaula wakaditshiha kudiye mu dina dia Yehowa wamba ne, Bu mudi Yehowa ne muoyo kabena bakuhisha ku bualu ebu.