2 Samuele 13:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Hashishe Abashaloma wakamba ne, Biwahidia kuya, ndi nkusengelela ne, Witabushe bua muanʼetu Amenona aye nʼetu. Mukelenge wakamuebesha ne, Yeye udi ne bua kuya nʼebe bua tshinyi?

MUKANDA WA MYIDI MUKULU

²⁶ Absalome kuambila kabidi mukalenga Davide ne: — Bu muudi ubenga bua kuya, nanku itaba bua tuye nansha ne muanetu Amnone. Mukalenga Davide kukonkaye ne: — Udi musue kuya ne Amnone bua tshinyi?

2 Samuele 13:26 ပူးပေါင်းရင်းမြစ်များ

2 Samuele 13:25

Mukelenge wakambila Abashaloma ne, Nansha, muanʼanyi, bituaya buonso buetu bualu ebu nebuikale bu bujitu kûdi. Yeye wakamusengelela, kadi yeye kakitabusha kuya; kadi wakamuvudishila disanka.

2 Samuele 13:27

Abashaloma wakamusengelela tô; nunku yeye wakitabusha, bua Amenona ne bana balume bonso ba mukelenge baye nʼandi.

2 Samuele 20:9

Yoaba wakebesha Amasa ne, Muanʼetu, udi mukole, anyi? Yoaba wakakuata Amasa ku muedi ne tshianza tshiandi tshia balume bua kumutua mishiku.

2 Samuele 3:27

Hakahingana Abinê ku Hebelone, Yoaba wakaya nʼandi ku tshibi tshia musoko ha nkayandi bua kuyikileye nʼandi talalâ; wakamutua muele muinshi mua mbale yandi bualu bua lukuna lua mashi a Asahele, muakunyʼandi; yeye wakafua.

Misambu 55:21

Mukana muandi muakatamba manteke kuikala ne busenu, kadi nvita yakadi mu mutshima wandi. Mei andi akahita manyi kusenunuka, kadi akadi miele ya nvita mihatula mu luhaha.

Nsumuinu 26:24

Muntu udi ne lukuna udi ulusokoka ku mei adi mishiku yandi yamba, kadi udi muteke kudinga mu mutshima wandi.

Yirmeya 9:7

Nunku Yehowa wa misumba udi wamba ne, Monai, nembengulule, nembatete, bualu kai bukuabo bundi mua kuenza muana mukashi wa bana betu?