2 Samuele 12:3 - Mukanda wa Nzambi Dihungila Dikulukulu ne Dihungila Dihia-dihia 2003

³ kadi muntu muhele kakadi ne tshintu, anu kana ka mukoko kamue, kakasumbeye, kakadisheye; bakadiunda kudiye ne bana bandi; kakadia bidia biandi, kakanua mai a mu luhanza luandi mene, kakalala mu tshiadi tshiandi, kakadi bu muana mukashi mulela kudiye.

MUKANDA WA MYIDI MUKULU

³ Mupela uvua anu ne kana ka mukoku kamue, kavuaye musumbe. Uvua ukadishe, koku kenda kakola ku nzubu kua mupela awu pamue ne bana bende. Kana ka mukoku aku, kavua kadia ne mupela awu diampa dimue, kanua nende kabidi mabela dikopu dimue, kalala anu pabuipi ne mupela awu. Uvua mukengeleke anu bu muanende wa bakaji.

2 Samuele 12:3 ပူးပေါင်းရင်းမြစ်များ

2 Samuele 11:3

Davidi wakatuma dî, wakebesha bualu bua mukashi eu. Muntu mukuabo wakamba ne, Yeye udi Beta-sheba, muana wa Eliyama, mukashi wa Uliya, Muena Hiti.

2 Samuele 12:2

Muntu mubanji wakadi ne bisumbu bia mikoko ne bia ngombe bia bungi;

2 Samuele 12:4

Hashishe muena luendu wakalua kudi muntu mubanji; yeye kakitabusha bua kushihela muena luendu wakadi mulue umue wa mu mikoko yandi anyi umue wa mu ngombe yandi, kadi wakangata kana ka mukoko wa muntu muhele, wakamushihela muenyi wakadi mulue ku mbelu kuandi.

Mika 7:5

Kueyemenyi muena mutumba nʼebe, kueyemenyi mulunda webe munangibue; kubuludi mukana muebe kudi mukashi webe, udi weyemena mu tshiadi tshiebe.

Dielulula 13:6

Bikala muanʼenu mulume, muana mulume wa mamu webe mene, anyi muanʼebe mulume anyi muanʼebe mukashi, anyi mukashi webe ûdi unanga, anyi mulunda webe wa ha mutshima webe, mukusesuishe mu musokoko ne, Tuye bietu, tuenzele nzambi mikuabo mudimu, inudi kanuyi bamanye, nansha wewe nansha batatu benu;