2 Samuele 12:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ wakatuma Natana muprofete kudiye, wakamuidika dina ne, Munangibue kudi Yehowa, bualu bua Yehowa.

MUKANDA WA MYIDI MUKULU

²⁵ Maweja-Nangila kuambila muambi Natane bua amanyishe Davide bualu ebu. Bu muvua Maweja-Nangila munange muana ewu, muambi Natane kumuinyika dina dikuabu ne: Yedidiya, mmumue ne: “Muana udi Maweja-Nangila munange.”

2 Samuele 12:25 ပူးပေါင်းရင်းမြစ်များ

2 Samuele 12:24

Davidi wakasamba Beta-sheba mukashi wandi; wakabuela kudiye, wakalala nʼandi; yeye wakamulelela muana mulume, wakamuidika dina diandi ne, Solomo. Yehowa wakamunanga;

2 Samuele 12:26

Yoaba wakaluangana ne Laba, musoko wa Bena Amona, wakanyenga musoko eu wa bukelenge.

2 Samuele 7:4

Kadi butuku abu mene dî dia Yehowa diakalua kudi Natana ne,

1 Bakalenga 1:11

Hashishe Natana wakambila Betasheba, mamu wa Solomo, ne, Kuakunvua lumu ne, Adoniya, muana wa Hagita, udi ukokesha, ne mukelenge wetu Davidi kena mumanye bualu ebu, anyi?

1 Bakalenga 1:23

Bakambila mukelenge ne, Ka Natana muprofete au. Hakabueleye kudi mukelenge, yeye wakatua mpala wandi hanshi ku mesu kuandi.

1 Bakalenga 1:8

Kadi Sadoka, muakuidi mukuabo, ne Benaya, muana wa Yehoyada, ne Natana muprofete, ne Shimei ne Lei, ne bena bukitu ba Davidi kabakalamata Adoniya.

1 Bakalenga 4:5

Azaya, muana wa Natana, wakadi ku mutu kua tuhita tuandi; Zabuda, muana wa Natana, wakadi muloho wandi manene, mulunda wa mukelenge;

1 Kulondolola 22:9

Kadi mona, wewe neulele muana wa balume, neikale muena ditalala; nemmuhe ditalala kudi bena lukuna bonso badi bamunyunguluke; bualu bua dina diandi nedikale Solomo; nenvuishe ditalala ne dikisha mu buloba bua Isalele mu matuku andi.

1 Kulondolola 3:5

bakamulelela mu Yelushalema: Shimea ne Shobaba ne Natana ne Solomo, bana banai kudi Bata-shua, muana wa bakashi wa Amiele,

Nehemya 13:26

Solomo, mukelenge wa Bena Isalele, kakenza bibi mu malu â, anyi? Kadi munkatshi mua bisamba bia bungi bia bantu kamuakadi muikale mukelenge bu yeye, wakadi munangibue kudi Nzambi wandi, ne Nzambi wakamuvuisha mukelenge ku mutu kua Bena Isalele bonso; kadi bakashi ba bende bakamuenzesha yeye mene malu mabi.

Matayi 17:5

Hakatshidiye wamba nunku, monai, ditutu diengelela diakababuikila; dî diakaluhuka mu ditutu ne, Eu udi Muanʼanyi munanga, yeye udi unsankisha bimpe, munvuilai.

Matayi 3:17

ne unvuai, dî diakafuma mu diulu ne, Eu udi Muana wanyi munanga, yeye udi unsankisha bimpe.

Dielulula 33:12

Bua Benyamina yeye wakamba ne, Munangi wa Yehowa neashikame nʼandi talalâ, utu wamubuikila matuku onso, udi ushikama hankatshi ha makaya andi.