2 Samuele 12:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Hashishe Davidi wakajuka ha buloba, wakowa mai, wakataha manyi hamʼbidi, wakaluata bilulu bikuabo; wakabuela mu nsubu wa Yehowa, wakamutendelela; nunku wakahingana ku nsubu kuandi; hakambeye dî, bakamuha bia kudia, yeye wakadia.

MUKANDA WA MYIDI MUKULU

²⁰ Ke Davide kujuka panshi, kuowa mayi, kulaba manananshi, kuvuala bilamba bimpe. Kuyaye muaba wa tshijila bua kutendelela Maweja-Nangila. Upingana ku nzubu kuende, kulombaye biakudia, kudiaye.

2 Samuele 12:20 ပူးပေါင်းရင်းမြစ်များ

2 Samuele 12:19

Kadi hakatangila Davidi bantu bandi banungane, Davidi wakamanya ne muana udi mufue; Davidi wakebesha bantu bandi ne, Muana wakulua, anyi? Bakamba ne, Wakufua.

2 Samuele 12:21

Hashishe bantu bandi bakamukonka ne, Bualu ebu bûdi wenza budi tshinyi? Hakadi muana ne muoyo, wewe wakadila, wakajila bia kudia; kadi hakafua muana, wewe wakajuka, wakadia bia kudia.

2 Samuele 14:2

Yoaba wakatuma dî ku Tekoa, wakabikilaku mukashi wakadi ne lungenyi lule, wakamuambila ne, Ndi nkusengelela ne, Udifuanyishe bu muena madilu, uluate bilulu bia muena madilu, kulabi manyi hamʼbidi nansha, kadi wikale bu mukashi wakadi ne madilu a bafue musangu mule;

2 Samuele 19:24

Mefibosheta, muana wa Shaula, wakalua bua kusangakeneye ne mukelenge; yeye kakanza kulongolola makasa andi anyi kubeya muedi wandi anyi kuvuwa bilulu biandi ku dituku diakumuka mukelenge tô ne hakahinganeye talalâ.

2 Samuele 6:17

Bakalua ne mushete wa Yehowa, wakauteka mu muaba wau mu ntenta wakawashila Davidi. Davidi wakahia milambu ya kuosha ha kahia ne ya kuvuisha nʼai ditalala ku mpala kua Yehowa.

2 Samuele 7:18

Hashishe mukelenge Davidi wakabuela mu nsubu, wakashikama ku mpala kua Yehowa, wakamba ne, Mukelenge Yehowa, meme ndi nganyi, ne tshiota tshianyi tshidi tshinyi bua wewe wakalua nʼanyi anu kunoko?

Yobe 1:20

Hashishe, Yobo wakajuka, wakahanda muzabi wandi, wakabeya nsuki ya ku mutu, wakatua mpala wandi hanshi, wakatendelela Nzambi.

Yobe 2:10

Kadi Yobo wakamuambila ne, Wewe udi wakula bu mukashi muhote. Kia! Tudi mua kuitabusha anu masanka ku tshianza tshia Nzambi, ne katuitabushi makenga, anyi? Mu malu au onso Yobo kakamba bualu bubi ku mishiku yandi nansha.

Misambu 103:1

Mutshima wanyi, uvudishile Yehowa disanka; bionso bidi munda muanyi bivudishile dina diandi dia tshijila disanka!

Misambu 103:8

Yehowa udi ne luse ne dinanga, kena ukuata tshiji lubilu, ud mûle tente ne dinanga dijalame.

Misambu 39:9

Ndi kamama, tshiena mbulula mukana muanyi; bualu bua wewe wakuenza bualu ebu.

Misambu 95:6

Luai bienu, tumutendelele ne tumukukuile; tutue binu bietu hanshi ku mpala kua Yehowa Mufuki wetu.

Nsumuinu 3:7

Kuikadi umena meji ku mesu kuebe wewe; utshine Yehowa, umuke ku malu mabi.

Muambi 9:8

Bilulu biebe bikale bitoke tô matuku onso; kuhangi kuela manyi ha mutu hebe.

Matayi 6:17

Kadi wewe, hawajila bia kudia, ulabe manyi ku mutu, wowe mai ku mesu;

Luke 7:46

Wewe kuakungela manyi ha mutu, kadi yeye wakangela mananashi ha makasa anyi.

Rute 3:3

Nunku wowe mai laba manyi hamʼbidi hebe, uluate bilulu biebe uye biebe ku tshishihuidi, kadi kudimanyishi kudi muntu au tô ne hashikisheye kudia ne kunua.

1 Samuele 15:25

Katataka ndi nkusengelela ne, Umbuikidile bubi buanyi, uhingane nʼanyi bua meme kutendelela Yehowa.

1 Samuele 15:31

Nunku Samuele wakakudimuka bua kulonda Shaula; ne Shaula wakatendelela Yehowa.