2 Samuele 12:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Hashishe Davidi wakambila Natana ne, Nakenzela Yehowa bibi. Natana wakambila Davidi ne, Yehowa wakukubuikidila bubi buebe, wewe kuena ufila.

MUKANDA WA MYIDI MUKULU

¹³ Davide kuandamuna muambi Natane ne: — Ndi mumanye ne: ndi muenze bibi kumpala kua Maweja-Nangila. Muambi Natane kumuambila ne: — Nanku, Maweja-Nangila udi ukufuila luse. Kuena ufua to.

2 Samuele 12:13 ပူးပေါင်းရင်းမြစ်များ

Genese 39:9

Yeye kena muntambe meme bunene mu nsubu eu, yeye kakumpidisha tshintu tshimue tshidiye nʼatshi anu wewe nkayebe, bualu bua wewe udi mukashi wandi: ndi mua kuenza bualu ebu bubi bunene ne mua kuenzela Nzambi bibi munyi?

2 Samuele 24:10

Hakabala Davidi bantu, mutshima wandi wakamuhisha. Davidi wakambila Yehowa ne, Nakenza bubi mu bualu ebu bunakenza; kadi Yehowa, ndi nkusengelela ne, Ubuikile bubi bua muntu webe, bualu bua nakenza bualu buhote.

2 Samuele 24:17

Hakatangila Davidi muanjelo wakadi ushiha bantu, yeye wakambila Yehowa ne, Mona, nakenza bibi, nakenza bualu buhote; kadi mikoko ei yakenza tshinyi? Ndi nkusengelela ne, Tshianza tshiebe tshikale kundi ne ku tshiota tshia tatu wanyi.

1 Bakalenga 13:4

Hakunvua mukelenge dî diakambila mundi wa Nzambi tshioshelu tshia mu Betele, Yalobama wakumusha tshianza tshiandi ku tshioshelu, wamba ne, Mukuatai. Tshianza tshiandi tshiakololeye kudiye, tshiakafubidila, yeye kakamanya mua kutshikonya kabidi.

1 Bakalenga 21:20

Ahaba wakakonka Eliya ne, Wewe, muena lukuna wanyi, wakusangana, anyi? Yeye wakamukudimuna ne, Nakukusangana bualu bua wewe wakadihanyisha bua kuenza malu mabi ku mesu kua Yehowa.

1 Bakalenga 22:8

Mukelenge wa Isalele wakambila Yehoshafata ne, Muntu mukuabo udiku utudi mua kuebesha Yehowa mukana muandi, dina diandi Mikaya, muana wa Yimela; kadi ndi nʼandi tshiji bualu bua yeye katu wangambila malu mimpe, utu wangambila anu malu mabi, Yehoshafata wakamba ne, Mukelenge kambi nunku nansha.

2 Bakalenga 1:9

Hashishe mukelenge wakamutumina kapitene ka masalayi ne bantu bandi makumi atanu. Kakaya kudiye, kakamusangana mushikame ha mutu ha mukuna. Kakamuambila ne, Wewe, muntu wa Nzambi, mukelenge udi wamba ne, Uhueke biebe.

1 Kulondolola 21:8

Davidi wakambila Nzambi ne, Nakuenza bibi hanakuenza bualu ebu; kadi katataka ndi nkusengelela ne, Ubuikidile bubi bua muntu webe; bualu bua nakuenza bualu buhote.

2 Kulondolola 16:10

Ha diba adi Asa wakadi ne mumonyi wa malu tshiji, wakamubuesha mu nsubu wa lukanu; bualu bua tshiji tshikole tshiakamukuata bua bualu ebu. Asa wakakengesha bantu bakuabo mu tshikondo atshi tshiotshimue.

2 Kulondolola 25:16

Hashishe, hakadiye wakula nʼandi, mukelenge wakamuebesha ne, Tuetu tuakukuvuisha mufidi wa meji wa mukelenge, anyi? Uhuwe biebe, butudi nʼabu mbua kukutaha bishi? Hashishe muprofete wakahuwa, wamba ne, Ndi mumanye ne, Nzambi wakulongolola bua kukushiha bua wewe wakuenza bualu ebu, kuena mutumikile mei anyi.

Yobe 33:27

Udi wimba ku mpala kua bantu, wamba ne, Nakuenza bibi, nakukonyangasha malu akadi malulame diambedi, Nzambi kakanfutshisha dikenga diakanangane ne bubi buanyi.

Misambu 103:12

Bu mudi luseke lua esete kule ku wesete, mbu mudiye mumushe matombokela etu kule kutudi.

Misambu 51:16

Bualu bua wewe kuena usanka bua difila dia milambu, anyi nakadi kuyifila, wewe kuena usanka bua mulambu wa kuosha ha kahia.

Misambu 51:4

Nakukuenzela wewe, wewe nkayebe, bibi; nakuenza bualu bubi abu ku mesu kuebe; bua wewe Umanye mua kubingishibua hawamba dî dia kumpisha nʼadi, ne mua kuikala ne mutshima mutoke mu kulumbulula kuebe.

Misambu 51:6

Mona, wewe udi musue bushuwa buikale munda mua muntu; udi ummanyisha mua kuikala ne meji munda muanyi.

Ekesode 9:27

Palô wakatuma di, wakabikila Mose ne Alona, wakabambila ne, Nakuenza bualu bubi musangu eu, Yehowa udi muakane ne meme ne bantu banyi tudi bantu babi.

Nsumuinu 25:12

Bu mudi kakanu ka or ku ditshu ne bu mudi tshilenga tshia or wa mushinga mukole, mbu mudi mubedi wa meji kudi muena ditshu didi dimutelesha.

Nsumuinu 28:13

Udi usokoka matomboka andi kena wikala ne diakalengele, kadi udi uwatonda, uwalekela, neafuidibue luse.

Yeshaya 38:17

Mona, bua meme kuheta ditalala ku nyima nakadi ne kanyinganyinga kakole diambedi; kadi dinanga diebe dia muoyo wanyi diakûmusha mu dijimba dia kabutu; bualu bua wewe wakuela mibi yanyi yonso ku nyima kuebe.

Yeshaya 43:24

Kuakunsumbila mienge ku argent yebe, kuena mungukutshishe ne manyi a milambu yebe; kadi wakunemeshila bujitu ne mihi yebe, wakuntondesha ne malu mabi ebe.

Yeshaya 44:22

Nakujimisha matomboka ebe bu mudi ditutu difike dijimina, ne malu mabi ebe bu mudi dibungi dijimina; uhingane kundi, bualu bua nakukubikila.

Muadi 3:32

Kadi hamukengesheye, neamufuile luse bu mudi divulangana dia dinanga diandi.

Lewitiki 20:10

Mulume udi wenda masandi ne mukashi wa mulume mukuabo, nebashihe mulume ne mukashi wake ndeye nʼandi masandi.

Lewitiki 24:17

Muntu udi ushiha mukuabo nebamushihe.

Zekâya 3:4

Muanjelo wakambila bakadi bimane ku mpala kuandi ne, Vulai bivualu ebi bia bukoya hamʼbidi handi. Wakambila Yoshua ne, Mona, nakakûmushila bubi buebe, nakakuluatshisha bivualu bia disanka.

Matayi 14:10

Yeye wakatuma dî, wakakosesha Yone mutu mu nsubu wa lukanu.

Luke 15:21

Muana wakamuambila ne, Tatu, nakuenzela diulu bibi, nakuenza bibi ku mesu kuebe kabidi; tshiena bianyi muimpe kabidi bua kumbikilabo ne, Muanʼebe.

Luke 18:13

Kadi musangishi wa mulambu wakimana ha bule, kakasua kuambula mpala mulu, wakadikuma mu tshiadi, wakamba ne, Nzambi, ndi muntu mubi, unfue luse.

Bienzedi 2:37

Hakunvuabo dî edi, mitshima yabo yakanyingalala, bakakonka Petelo ne bapostolo bakuabo ne, Bana betu, netuenze tshinyi?

Ebrewu 9:26

anyi buakadiye nʼabu mbua kukenga ku musangu ne ku musangu katshia buloba buajadikibua; kadi katataka musangu umue kunshikidilu kua bikondo, wakumueneshibua bua kujimisheye bubi ku kudifila kuandi bu mulambu.

1 Yone 1:7

kadi bituenda mu munya, bu mudiye mu munya, tudi tuikalangana ne buobumue, ne mashi a Yesu, Muanʼandi, adi atulengesha ku mibi yonso.

Didimanyisha 1:5

ne kudi Yesu Kilisto, mumanyishi wa kueyemena, muledibue diambedi wa ku bafue, ne mukokeshi wa bakelenge ba ha buloba. Kudi yeye udi utunanga, ne wakatuvua ku mibi yetu mu mashi andi mene;

1 Samuele 15:20

Shaula wakambila Samuele ne, Bulelela, nakatumikila dî dia Yehowa, nakaya mu nshila wakantuma Yehowa; nakakuata Agaga, mukelenge wa Bena Amaleka, nakashiha Bena Amaleka bonso.

1 Samuele 15:30

Hashishe Shaula wakamba ne, Nakuenza bibi, kadi unnemeshe katataka, ndi nkusengelela, ku mesu kua bakulu ba bantu banyi ne kua Bena Isalele, uhingane nʼanyi kabidi bua meme kutendelela Yehowa, Nzambi webe.