2 Samuele 11:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Wakashiha Abimeleke, muana wa Yelubesheta, nganyi? Mukashi wakadi ku mutu kua lumbu kakamutaha dibue dia mpelu, bua yeye wakafua mu Tebese, anyi? Bualu kai nuakasemena ha buihi ne lumbu nunku? Hashishe bûdi nʼabu mbua kuamba ne, Muntu webe, Uliya, Muena Hiti, wakafua kabidi.

MUKANDA WA MYIDI MUKULU

²¹ Uvua mushipe Abimeleke, muana wa Yerubaale, ku Tebese nnganyi? Uvua anu muntu mukaji! Mukaji awu uvua mubande kulu pa tshimana tshia tshimenga. Kuasaye Abimeleke dibue dia mpelu. Abimeleke kufila! Kadi nuenu, nuvua basemena pabuipi ne bimana bua tshinyi? Pikala mukalenga Davide mukukonke nanku, umuambile ne: ‘Mulombodi wa bena mvita, Uriya muena Iti, mmufue kabidi.’ ”

2 Samuele 11:21 ပူးပေါင်းရင်းမြစ်များ

2 Samuele 11:17

Bena musoko bakaluhuka, bakaluangana ne Yoaba; bantu bakuabo ba Davidi bakafua; Uliya, Muena Hiti, wakafua kabidi.

2 Samuele 11:20

ne biakuata mukelenge tshiji, biakonkeye ne, Bualu kai nuakasemena ha buihi ne musoko bua kuluangana? Kanuakamanya ne bakadi bela mikete anu ku lumbu lua musoko?

2 Samuele 11:22

Nunku messager wakaya, wakafika kudi Davidi, wakanumanyisha malu onso akamuambila Yoaba.

2 Samuele 3:27

Hakahingana Abinê ku Hebelone, Yoaba wakaya nʼandi ku tshibi tshia musoko ha nkayandi bua kuyikileye nʼandi talalâ; wakamutua muele muinshi mua mbale yandi bualu bua lukuna lua mashi a Asahele, muakunyʼandi; yeye wakafua.

2 Samuele 3:34

Bianza biebe kabiakadi bisuikibue, ne makasa ebe kakadi mabueshibue mu nkanu; bu mudi muntu mushihibue ku mpala kua bena lukinu, wewe wakadishinda hanshi. Bantu bonso bakamudila kabidi.

Misambu 39:8

Umpandishe ku matomboka anyi onso. Kunvuishi muntu udi muhote uhenda.

Yeshaya 14:10

Buonso buabo nebakukudimune dî, nebakuambile ne, Wewe kabidi wakulua mutekete bu tuetu, anyi? Bakukufuanyishisha bu tuetu, anyi?

Balombodi 6:32

Nunku bakabanga kumubikila dituku adi ne, Yelubâla, bamba ne, Bala amuluishe bualu bua yeye wakasungula tshioshelu tshiandi.

Balombodi 7:1

Hashishe Yelubâla, udibo babikila ne, Gideona kabidi, ne bantu bonso bakadi nʼandi, bakabika ne dinda dionso, bakasa tshitudilu tshiabo ku mpokolo wa mai a Haloda; tshitudilu tshia Bena Midiyana tshiakadi ku luseke luabo lua ku node ku mukuna wa Mole tô ne mu tshibanda.