2 Samuele 10:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Hakambilabo Davidi bualu ebu, yeye wakatuma bantu kusambakenabo nʼabo, bualu bua balume aba bakadi ne bundu bua bungi. Mukelenge wakamba ne, Nushale mu Yeleko tô ne hamena miedi yenu kabidi, hashishe nenuhingane.

MUKANDA WA MYIDI MUKULU

⁵ Kumanyishabu Davide bionsu abi. Kutumaye bantu bua baye kuakidila balombodi ba mu bukalenga buende, bualu bavua ne bundu bua bungi. Mukalenga Davide kubatumina diyi ne: “Nusombele amu mu tshimenga tshia Yeriko too ne pikala miedi yenu mimena kabidi. Pashishe nenufike muaba ewu.”

2 Samuele 10:5 ပူးပေါင်းရင်းမြစ်များ

2 Samuele 10:4

Nunku Hanuna wakakuata bantu ba Davidi, wakababeya miedi ku ditama dimue dia luseke lumue, wakabakosa bilulu biabo munkatshi ku matuku abo, wakabatuma kuabo.

2 Samuele 10:6

Hakatangila Bena Amona ne, Davidi wakalengulula, Bena Amona bakabikila Bena Sulia ba mu Bete-lehoba ne ba mu Soha, binunu makumi abidi bakadi benda hanshi; mukelenge wa Mâka wakafila tshinunu tshia bantu; bantu ba Tobo bakadi binunu dikumi ne bibidi.

1 Bakalenga 16:34

Mu matuku andi Hiele, Muena Betele, wakasa musoko wa Yeleko; hakajadikeye makunshi a musoko, muanʼa bute wandi Abilama wakafua, hakatekeye bibi bia musoko, muaha mukala wandi Seguba wakafua, bu mu dî dia Yehowa diakambileye Yoshua, muana wa Nuna.

1 Kulondolola 19:5

Hashishe bantu bakuabo bakaya, bakamanyisha Davidi muakenzeleye bantu bandi. Yeye wakatuma bantu bua kusangakenabo nʼabo; bualu bua bantu bandi aba bakadi ne bundu bunene. Mukelenge wakabambila ne, Nushale ku Yeleko tô ne hamena nsuki yenu kabidi, hashishe nuhingane.

Yoshua 6:1

Bakinshila bibi bionso bia Yeleko, bakabikanga, bualu bua Bena Isalele; muntu kakahatuka, muntu kakabuelamu.