2 Samuele 10:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bena Sulia bakanyema ku mpala kua Bena Isalele; Davidi wakashiha bantu ba Bena Sulia bakadi benda mu makalu nkama muanda mutekete, ne bantu bakadi benda ha tubalu binunu makumi anai; wakashiha Shobaka, kapitene ka masalayi abo, wakafuaku.

MUKANDA WA MYIDI MUKULU

¹⁸ kadi bena Izrayele kubatshimuna. Bena Siriya kunyema. Davide ne bena mvita bende, kushipa nyama ya tubalu ivua ikoka matempu a mvita, ne bena mvita bavua pa matempu abu, nkama muanda mutekete, ne bantu binunu makumi anayi, bavua babanda pa nyama ya tubalu. Kutapabu kabidi ne Shobake, mfumu wa bena mvita mputa. Kutuilaye muaba awu.

2 Samuele 10:18 ပူးပေါင်းရင်းမြစ်များ

2 Samuele 10:17

Bakambila Davidi bualu ebu; yeye wakasangisha Bena Isalele bonso hohamue, bakasabuka musulu wa Yadene, bakafika ku Helama. Bena Sulia bakela mualu wa nvita kudi Davidi, bakaluangana nʼandi.

2 Samuele 8:4

Davidi wakamunyenga bantu bakadi benda ha nyima ha tubalu tshinunu tshimue ne nkama muanda mutekete, ne bakadi benda hanshi binunu makumi abidi; Davidi wakakosa tubalu tuonso mifungu yatu, kadi wakasungula tukuabo bua makalu lukama.

1 Bakalenga 11:24

Yeye wakadisangisha bantu kudiye, wakalua kapitene kabo, bakabashiha Davidi mu Soha; hashishe, bakaya ku Damaseke, bakashikamamu, ne yeye wakakokesha mu Damaseke.

1 Kulondolola 19:18

Bena Sulia bakanyema ku mpala kua Bena Isalele; Davidi wakashiha Bena Sulia bakadi benda mu makalu binunu muanda mutekete ne binunu makumi anai bakadi benda hanshi; wakashiha Shofaka, kapitene ka masalayi, kabidi.

Misambu 18:38

Nakabasa, nakabasompola, nunku kabakamanya mua kujuka kabidi; bakahona muinshi mua makasa anyi.

Misambu 46:11

Yehowa wa misumba udi nʼetu; Nzambi wa Yakoba udi tshinyemenu tshietu.

Misambu 68:2

Bu mudi luhehele lumuangalasha muishi, wewe ubihata; bu mudi dihula dienguluka ku luya lua kahia, bantu babi bajimine ku mpala kua Nzambi muomumue.

Balombodi 4:2

Yehowa wakabahana mu bianza bia Yabina, mukelenge wa Bena Kanâna, wakadi ukokesha bantu mu Hasô; kapitene ka masalayi andi kakadi Sisela, wakadi mushikame mu Haloshete, munkatshi mua bisamba bia bende.

Balombodi 4:22

Monai, hakadi Balaka ulonda ku nyima kua Sisela, Yaele wakaluhuka bua kusangakena nʼandi, wakamuambila ne, Lua biebe, nenkuleshe muntu ûdi ukeba. Yeye wakaya kudiye, wakatangila Sisela mulale hanshi mufue ne mutshi wa mulondo wa ntenta ha mpuhu yandi.

Balombodi 5:26

Yeye wakolola tshianza tshiandi ku mutshi wa mutondo wa ntenta, wakolola tshianza tshiandi tshia bukole ku marteau a bena mudimu; yeye wakakumina Sisela ne marteau, wakamukumina ku mutu kuandi; e, wakatubula ne wakamukuma ha mpuhu yandi.