2 Samuele 10:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Nuikale ne dikima; tuikale bu balume mene mene bualu bua bantu betu ne bua misoko ya Nzambi wetu; Yehowa enze biandi malu adi mimpe ku mesu kuandi.

MUKANDA WA MYIDI MUKULU

¹² Nanku kolesha muoyi, tuluangane mvita eyi ne dikima, bua tusungidile bana betu bena Izrayele, ne bimenga bia Mvidi Mukulu wetu. Maweja-Nangila enza mudiye musue.

2 Samuele 10:12 ပူးပေါင်းရင်းမြစ်များ

2 Samuele 10:11

Yeye wakamba ne, Biamba Bena Sulia kutuhita bukole, ulue biebe kutukuatshisha; kadi biamba Bena Amona kukuata bukole, nendue kukukuatshisha.

2 Samuele 15:26

kadi biangambileye ne, Tshiena nʼebe disanka kabidi, mona, meme ndiku, angenzele budi buimpe kudiye.

1 Kulondolola 19:13

Muikale ne dikima, tuikale balume mene bualu bua bana betu ne bua misoko ya Nzambi wetu; Yehowa enze malu adi mimpe ku mesu kuandi.

2 Kulondolola 32:7

Nuikale ne dikima, kanutshinyi, kanukemi bualu bua mukelenge wa Ashû, ne bua bantu bonso badiye nʼabo; bualu bua udi nʼetu udi umuhita bunene;

Nehemya 4:14

Nakatangila ne nakajuka, nakambila bantu banene ne bakokeshi ne bantu bakuabo ne, Kanubatshinyi, nuvuluke Mukelenge wenu munene, mukole, nuluangane bikole bualu bua bana benu ne bana benu ba balume ne bana benu ba bakashi baledibue ne bua bakashi benu ne nsubu yenu.

Nehemya 4:8

hashishe buonso buabo bakatuelela tshifufu bua kuluanganabo ne Bena Yelushalema ne bua kutompakasha malu etu.

Estere 4:16

Ya biebe, usangishe Bena Yuda bonso badi mu Shushana, bajile bia kudia bualu buanyi matuku asatu; kabadi tshintu, kabanu tshintu tô matuku â asatu butuku ne munya; meme ne bena mudimu banyi bakashi netujile bia kudia diatshimue; hashishe nenye kudi mukelenge bu mudi kamuyi mu mikenji; binafua, nenfue.

Yobe 1:21

Wakamba biandi ne, Nakaluhuka mu difu dia mamuʼanyi butaka, nempingane butaka. Yehowa wakampa bintu, Yehowa wakangata bintu; dina dia Yehowa ditumbishibue.

Dibadika 13:20

nutangile buloba ne budi ne bufunfule anyi budi busenguluke, mitangile ne mudi metu, anyi kaenamu. Nukoleshe mitshima yenu, nulue ne mamuma a mu buloba abu Hakayabo nunku, mamuma a nvinyo akabanga kulua.

1 Korente 16:13

Nutabale, nutantamane mu ditabusha, nuikale balume mene, nukuatshibue bikole.

Dielulula 31:6

Nuikale ne bukole ne mitshima ya dikima, kanubatshinyi, bualu bua Yehowa, Nzambi wenu, yeye mene uyaya nʼenu; yeye kena unuhanga, kena unulekela.

Dielulula 31:7

Mose wakabikila Yoshua, wakamuambila ku mesu kua Bena Isalele bonso ne, Wikale ne bukole ne mutshima wa dikima, bualu bua wewe uyaya ne bantu aba mu buloba buakalaya Yehowa batatu babo bua kubahabu; ne wewe neubahianyishe buloba abu.

Ebrewu 11:33

Bua ditabusha diabo bobo bakatekesha makelenge, bakenza malu makane, bakaheta milayi, bakabuikila mukana mua nyama ya ntambue;

Ebrewu 13:6

Nunku, tudi tuamba ne dikima ne, Mukelenge udi mukuatshishi wanyi; tshiena ntshina; Muntu neangenzele tshinyi?

Yoshua 1:18

Muntu yonso udi uhidia dî diebe, kayi unvua mei audi umuambila, nebamushihe; anji kuikala ne bukole ne mutshima wa dikima.

Yoshua 1:9

Tshiakukuambila, anyi? Ikala ne bukole ne mutshima wa dikima; kutshinyi, kukuatshiki buowa, bualu bua Yehowa, Nzambi webe, udi nʼebe kuonso kuwaya.

Balombodi 10:15

Bena Isalele bakambila Yehowa ne, Tuakenza bibi, utuenzele bu mûdi musue, kadi anji kutusungila lelu, tudi tukusengelela.

1 Samuele 14:12

Masalayi akambila Yonatana ne muambudi wa ngabu wandi ne, Luai kunoko, neanuleshe bualu. Yonatana wakambila muambudi wa ngabu wandi ne, Lua, undonde, bualu bua Yehowa wakamana kubafila mu bianza bia Bena Isalele.

1 Samuele 14:6

Yonatana wakambila nsongalume, muambudi wa ngabu wandi, ne, Lua, tuye bietu kudi masalayi au adi kâyi matengula, biasua Yehowa kutukuatshisha; bualu bua kakuena mukandu kudi Yehowa bua kusungila bantu kudi ba bungi anyi kudi bakese.

1 Samuele 17:32

Davidi wakambila Shaula ne, Mitshima ya bantu kayihampakanyi bualu buandi; meme muntu webe, nenye kuluangana ne Muena Peleshete eu.

1 Samuele 3:18

Samuele wakamuambila malu onso, kakamusokoka nansha bualu bumue. Eli wakamba ne, Ebu mbualu bua Yehowa; enze biandi malu adi mimpe ku mesu kuandi.

1 Samuele 4:9

Nuenu Bena Peleshete, koleshai mitshima, nutantamane bu balume mene, bua nuenu kanuikadi bahika ba Bena Ebelu bu muakadibo bahika benu; nutantamane bu balume mene, nuluangane bikole.