2 Samuele 1:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Buta bua Yonatana kabuakahanga ku mashi a bantu bafue, anyi ku mafuta a bena bukitu, muele wa nvita wa Shaula kawakahingana hatuhu.

MUKANDA WA MYIDI MUKULU

²² Nansha baluishi babu bakeba mua kubashipa, nansha bena lukuna babu ne bukole, buta bua miketa bua Yonatane kabuvua butshina, muela wa Shawule uvua ukumbaja mudimu wawu kashidi.

2 Samuele 1:22 ပူးပေါင်းရင်းမြစ်များ

Yirmeya 50:9

Bua monai, nembishe tshisumbu tshia bantu ba mu bisamba binene bia ku luseke lua node, nembatume bua kuluanganabo ne Bena Babulona, nebele mualu wa nvita ku mpala kuabo, babaluisha tô ne habumushabo mu muaba wabo. Mikete yabo neyikale bu mukete wa umena ndudi udi kayi uhingana bianza bituhu.

Dielulula 32:42

Nenvuishe mikete yanyi bu mukuatshiki wa maluvu bualu bua mashi abo, ne muele wanyi wa nvita neudie munyinyi wabo ne mashi a bafue ne a bena lukanu, ne mitu ya bukelenge ba bena lukuna.

1 Samuele 14:47

Hakabuela Shaula mu bukelenge bua Isalele, yeye wakaluangana nvita ne bena lukuna bandi bonso ba ku nseke yonso: wakaluangana ne Bena Moaba ne Bena Amona ne Bena Edome ne bakalenge ba mu Seba ne Bena Peleshete; ku miaba yonso yakayeye, yeye wakabahita bukole.

1 Samuele 14:48

Wakadi ne dikima dikole: wakashiha Bena Amaleka, wakasungila Bena Isalele mu bianza bia bakadi bahaula.

1 Samuele 18:4

Yonatana wakavula tshilulu tshiandi tshiakadiye muluate, wakatshiha Davidi; wakamuha muele wandi wa nvita ne buta buandi ne mukaba wandi kabidi.