2 Kulondolola 13:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Abiya wakasa mualu wa nvita ne bena nvita ba bukitu binunu nkama inai; Yalobama wakaluangana nʼandi ne bena nvita ba bukitu binunu nkama muanda mukulu.

MUKANDA WA MYIDI MUKULU

³ Abiya uvua ne bantu binunu nkama inayi, bavua bamanye mvita bikole. Yerobowame uvua umuluisha ne bantu ba bukitu binunu nkama muanda mukulu bavua bamanye mvita bikole.

2 Kulondolola 13:3 ပူးပေါင်းရင်းမြစ်များ

1 Bakalenga 15:7

Bienzedi bia Abiyama bikuabo ne malu onso akenzeye kabiena bifunda mu mukanda wa kulondolola kua malu a bakelenge ba Yuda, anyi? Abiyama ne Yalobama bakaluangana nvita.

1 Kulondolola 21:5

Yoaba wakamanyisha Davidi bungi bua bantu bakabalabo. Bena Isalele bonso bakadi binunu tshinunu ne binunu lukama bakadi bena nvita; Bena Yuda bakadi binunu nkama inai ne binunu makumi muanda mutekete bakadi bena nvita.

2 Kulondolola 11:1

Hakahingana Lehabama ku Yelushalema, yeye wakasangisha Bena Yuda ne Bena Benyamina, bena nvita binunu lukama ne makumi muanda mukulu, bua kuluanganabo ne Bena Isalele ne bua kuhingisha bukelenge kudi Lehabama kabidi.

2 Kulondolola 13:2

Yeye wakakokesha mu Yelushalema bidimu bisatu; dina dia mamu wandi diakadi Mikaya, muana mukashi wa Uliele wa mu Gibea. Abiya ne Yalobama bakadi baluangana nvita.

2 Kulondolola 13:4

Abiya wakimana ha mutu ha mukuna wa Semalayima mu luseke lua mikuna ya Efelayima, wakamba ne, Unvuai, Yalobama ne Bena Isalele bonso;