2 Korente 8:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Ndi ngamba, kembu mukenshi, kadi bua kujadika bushua bua dinanga dienu ku disuminyina dia bakuabo.

MUKANDA WA MYIDI MUKULU

⁸ Tshiena nnuelela mukenji. Kadi ndi nnusonsola, nnuleja muvua bakuabu bakuata mudimu ne disuminyina, bua nuleje kabidi patoke munudi nunanga bantu.

2 Korente 8:8 ပူးပေါင်းရင်းမြစ်များ

Yezekiyele 33:31

Nunku badi balua kûdi bu muakadibo balua diambedi, ne badi bashikama ku mpala kuebe badifuanyikisha bu bantu banyi; badi bunvua mei ebe, kadi kabena baenza; badi ne dinanga dinene ku mishiku, kadi mitshima yabo idi mitangisha ku luhetu luabo.

Rome 12:9

Luse luikale kalui ne lubombo. Nukine malu adi mabi; nulamate malu adi mimpe.

1 Korente 7:12

Kadi kudi bakuabo ndi mbambila nkayanyi, ke Mukelenge udi wamba, ne, Bikala muanʼenu wa ma Kilisto ne mukashi udi kai mmena ditabusha, ne mukashi eu udi usanka bua kuikala nʼandi, mulume kamulekedi nasha.

1 Korente 7:25

Tshiena ne mukenshi wa kudi Mukelenge bualu bua bakashi batshidi tumama; kadi meme nkayanyi nakahangidisha bualu ebu bu muntu wakamana kuangata luse kudi Mukelenge bua kuikala muntu unudi mua kutekemena.

1 Korente 7:6

Ndi nuambila bualu ebu bu mundi mua kuitabusha, kembu mukenshi.

2 Korente 6:6

ne mu butoke bua mitshima, ne mu lungenyi, ne mu lutulu, ne mu luse, ne mu Nyuma Muimpe, ne mu dinanga didi kadi ne lubombo;

2 Korente 8:10

Kadi mu bualu ebu ndi nuha dijingulula dianyi: ebu mbualu bunudi nʼabu, nuenu mbakabanga bualu ebu tshidimu tshia ku mpala, kembua kuenza nkayaku, kadi mbua kusua kuenza kabidi.

2 Korente 8:24

Nuleshe kujalama kua dinanga dienu ne kua ditumba dietu bua bualu buenu ku mesu kua ekelesia.

2 Korente 9:2

Bua ndi mumanye kudilongolola kuenu kunakatumbisha bua bualu buenu kudi ba mu Makedonia ne, Bena Akaya bakadianjila kulongolola kufila kuabo tshidimu tshia ku mpala; ne lukunukunu luenu luakasonsola mitshima ya bantu ba bungi.

2 Korente 9:7

Nunku muntu ne muntu afile bintu bu muakadisunguileye mu mutshima wandi; kafidi ne kanyinganyinga, anyi bu muenzesha ku bukole; bualu bua Nzambi udi musue muena kuha udi ufila ne disanka.

Efeze 4:15

kadi bua tuetu, hatuamba mei malelela mu luse, tudiunde kudiye mu malu onso, udi mutu, Kilisto mene.

Efeze 6:24

Ngasa ikale ne bantu bonso badi bananga Mukelenge wetu Yesu Kilisto ne dinanga didi kadi mua kuhanga.

Ebrewu 10:24

Tudielelangane meshi muntu ne muntu bua kuenzeshangana ku dinanga ne ku dienza dia bienzedi bimpe,

Yoshua 24:14

Nunku nutshine Yehowa, numukuatshile mudimu ne muoyo wonso udi kauyi ne lubombo, nûmushe nzambi yakakuatshila bankambua bena mudimu dishiya dia musulu wa Pelata ne mu Ejipitu; nukuatshile Yehowa mudimu.

1 Petro 1:22

Bualu bua nuenu nuakulengesha mitshima yenu mu kutumikila kuenu kua malu a bushua bua kuikala ne dinanga dia bana benu ba mu Kilisto didi kadî ne lubombo, nunku nunangangane mu mitshima yenu bikole;