2 Korente 8:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Bu munuakamana kukumbana mu malu onso, ne mu ditabusha, ne mu kuamba, ne mu lungenyi, ne mu disuminyina dionso, ne mu dinanga dienu kutudi, nukebe mua kukumbana mu ngasa eu kabidi.

MUKANDA WA MYIDI MUKULU

⁷ Nudi babanji mu bionsu: mu ditaba, mu dipa dia kuakula, mu dimanya dia malu, mu disuminyina dia mishindu yonsu, mu dinanga dinudi batunange nadi. Ke mutudi basue bua nudileje kabidi babanji mu dienza dia mudimu ewu wa kalolu.

2 Korente 8:7 ပူးပေါင်းရင်းမြစ်များ

Matayi 25:22

Wakadi muangate ntalanta ibidi wakalua, wakamba ne, Mukelenge, wewe wakampa ntalanta ibidi, mona, nakuheta minga ibidi.

Rome 15:14

Ne meme bianyi kabidi, bana betu, ndi ngitabushishibua ne, Nuenu mene nudi bûle tente ne buimpe, bûshibua tente ne lungenyi luonso, nudi bamanye mua kudimushangana.

1 Korente 1:5

bua nuakavuishibua babanshi mu malu onso munda muandi, mu dî dionso ne mu lungenyi luonso;

1 Korente 12:13

Bualu bua mu Nyuma umue buonso buetu tuakabatijibua mu mubidi umue, ne tudi Bena Yuda anyi Bena Gelika, anyi bahika anyi badishikamine; bakatunuisha Nyuma umue.

1 Korente 12:8

Bua mukuabo udi uhebua dî dia meshi kudi Nyuma; mukuabo, dî dia lungenyi kudi Nyuma muomumue;

1 Korente 13:2

Ne bingikala ne tshihedi tshia kuambila bantu dî dia Nzambi, ne binamanya malu onso atshidi masokoka ne lungenyi luonso, ne bingikala ne ditabusha dionso dindi mua kumusha nʼadi mikuna, kadi bingikala tshi ne luse, ndi tshianana.

1 Korente 13:8

Luse kaluena luhanga tshiendelele; kadi bikala mayisha a baprofete adiku, neashike; bikala miaku ya bantu idiku, neihue; bikala lungenyi ludiku, nelushikile.

1 Korente 14:12

Nunku nuenu kabidi, bualu bua nudi nutamba kunanukila kukeba bihedi bia Nyuma, nukebe mua kukumbanamu bualu bua kudiundisha kua ekelesia.

1 Korente 4:7

Udi ukutahulula kudi bakuabo nganyi? Udi ne tshintu kai tshiudi kui muangate kudi mukuabo? Biwikala mutshiangate kadi mukuabo, munyi mûdi uditumbisha bu mûdi kui mutshiangate?

2 Korente 7:7

tuakasambibua kembua kulua kuandi nkayaku, kadi bua busambi buakasambibueye nʼabu bua bualu buenu hakatuambileye bualu bua dijinga dienu ne kudila kuenu ne lukunukunu luenu bia bualu buanyi; nunku nakatamba kusanka.

2 Korente 8:6

Ne bua bualu ebu tuakasengelela Tito, bua yeye, bu muakabangeye mudimu eu diambedi, nunku akebe biandi kukumbasha ngasa eu munda muenu kabidi.

2 Korente 9:14

bobo kabidi, ne disengelela bua bualu buenu, badi banujinga bikole bua ngasa mutambe bunene wa Nzambi udi munda muenu.

2 Korente 9:8

Nzambi udi mumanye mua kukumbasha ngasa yonso kunudi; bua nuenu, bua misangu yonso nudi ne dikumbana dionso mu muanda wonso, nukumbane mu mudimu muimpe wonso;

Efeze 4:29

Dî dibi kadihatuki mukana muenu; kadi ambai anu mei mimpe adi mua kudiundisha bantu bua kuvuidishila bantu badi baunvua disanka.

Filipe 1:11

ne bua nuenu nûshibue tente ne mamuma a buakane adi afuma kudi Yesu Kilisto bua butumbi ne kutumbishibua bia Nzambi.

Filipe 1:9

Ndi ndomba bualu ebu ne, Luse luenu lutambe kudiundadiunda mu dimanya ne mu dijingulula dia malu onso;

2 Tesalonike 1:3

Bana betu, butudi nʼabu mbua kusakidila Nzambi misangu yonso bua bualu buenu, bu mudibu buakane, bua ditabusha dienu didi ditamba kudiunda, ne dinanga dia buonso buenu muntu ne muntu dinudi nunangangana nʼadi didi divulangana;

2 Timote 2:1

Nunku wewe muanʼanyi, ukoleshibue mu ngasa wa mu Kilisto Yesu.

Ebrewu 12:28

Nunku, bualu bua tuetu tudi tuangata bukelenge budi kabui bumanye mua kuzakashibua, tuikale bietu ne disakidila, ditudi bamanye mua kukuatshila Nzambi udi unsankisha mudimu ne kunemekela ne ditshina;

1 Petro 1:22

Bualu bua nuenu nuakulengesha mitshima yenu mu kutumikila kuenu kua malu a bushua bua kuikala ne dinanga dia bana benu ba mu Kilisto didi kadî ne lubombo, nunku nunangangane mu mitshima yenu bikole;

2 Petro 3:18

Kadi nudiunde mu ngasa ne mu dimanya bia Mukelenge wetu ne Musungidi Yesu Kilisto. Butumbi buikale kudiye katataka tô ne ku dituku dia tshiendelele. Amen.

Didimanyisha 3:17

Bualu bua udi wamba ne, Ndi mubanshi; ne, Nakuheta biuma; ne, Tshiena nkengela tshintu; ne kuena mumanye ne udi muena dikenga ne mukengedi wa luse, ne muhele ne mufofo ne butaka.