2 Korente 7:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Hatuakalua mu Makedonia mene, mibidi yetu kayakadi ne dikisha, kadi tuakadi tutatshishibua ku nseke yonso; nvita yakadi hamʼbidi, ne ditshina diakadi munda muetu.

MUKANDA WA MYIDI MUKULU

⁵ Nansha patuvua bafike ku Masedoniya, katuvua ne dikisha nansha dikese. Tuvua bapete ntatu nseke yonsu: baluishi bavua batutatshisha; tuvua kabidi ne dipampakana mu muoyi.

2 Korente 7:5 ပူးပေါင်းရင်းမြစ်များ

Genese 8:9

Kadi nyunyu wa nkutshi kakamona muaba wa kuikala, nunku wakahingana kudiye mu buatu, bualu bua mai akatshidi ha buloba buonso, yeye wakolola tshianza tshiandi, wakamukuata, wakamuteka mu buatu muakadiye.

Yobe 18:11

Malu a buowa adi amutshinyisha ku nseke yonso, adi amulonda ku nyima, adi amuihata.

Yeshaya 33:12

Ne bantu nebikale bu mabue adibo bosha alua luhemba, bu mionshi ya meba yakatahabo, idibo bosha mu kahia.

Yirmeya 20:10

Bualu bua nakunvua kusonguela kua bantu ba bungi, buowa ku nseke yonso ne, Numunyoke, ne tuetu netumunyoke, mbu mudibo bamba kudi balunda banyi badi bansue, badi bakeba kumona kudishinda kuanyi; bumue yeye neitabushishibue, nênzeshibue ku bukole, netumuhite bukole, netudisombuele kudiye.

Yirmeya 45:3

Wewe wakuamba ne, Ndi ne mulau: Bualu bua Yehowa wakutentekasha kanyinganyinga ha mutu ha dikenga dianyi; ndi muhungile ne kutua kuanyi kua mikemu, ne tshiena mpeta dikisha.

Yirmeya 6:25

Kanuluhuki bua kubuela mu budimi, kanuendi mu nshila! Bualu bua muele wa nvita wa bena lukuna ne buowa bukole bidi ku nseke yonso.

Yirmeya 8:18

Nakadi kusua kuikala ne bukole bua kudisamba nʼabu mu kanyinganyinga kanyi; mutshima wanyi udi musame munda muanyi.

Bienzedi 20:1

Hakashika diyoyo, Paulo wakabikila bayidi, wakakolesha mitshima yabo, wakabalaya, wakumuka bua kuya mu Makedonia.

Rome 15:26

Bua Bena Makedonia ne Bena Akaya bakasanka bua kusangisha bintu bikuabo bua kukuatshisha nʼabi bahele ba munkatshi mua basanto ba mu Yelushalema.

1 Korente 15:31

Ndi nditshiha, bana betu, kudi butumbi buadi nʼabu kunudi mu Kilisto Yesu Mukelenge wetu ne, Ndi munangile ku lufu ku dituku ne ku dituku.

1 Korente 16:5

Nendue kunudi hanahitshila mu Makedonia; bualu bua nempitshile mu Makedonia;

2 Korente 2:13

tshiakadi ne dikisha mu mutshima wanyi, bualu bua tshiakasangana Tito, muanʼetu wa ma Kilisto; kadi nakalayangana nʼabo, nakaya ku Makedonia.

2 Korente 2:3

Nakanufundila bualu ebu mene bua meme, hanalua, tshikadi ne kanyinganyinga kudi bantu bandi ne bua kuikala ne disanka kudibo; ndi ne ditekemena kunudi bonso ne, Disanka dianyi didi dia buonso buenu.

2 Korente 2:9

Bua bualu ebu kabidi nakunufundila bua meme kumanya bu mudi dijadikibua dienu, ne nudi ne ditumikila mu malu onso, anyi?

Ngalate 4:11

Ndi ntshina bua bualu buenu ne, Bumue nakanuenzela mudimu hatuhu.

Dielulula 32:25

Muele wa nvita neubashihe ha bula, ne buowa nebubuele mu nsubu yabo; nebashihe bansongalume ne bansongakashi batshidi tumama, ne bana batshidi bamua mabele ne bakulumpe badi ne nvi ku mitu kuabo.

1 Tesalonike 3:5

Bua muanda eu meme kabidi, hanakadi tshi mua kudikanda, nakatuma Timote bua meme kumanya mudi ditabusha dienu; bua bumue muteyi wakanuteya, ne mudimu wetu mukole wakalua hatuhu.