2 Korente 6:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ ku butumbi ne mu dihetula, ku lumu lubi ne ku lumu luimpe; bu bena mashimi, kadi tudi bena mei malelela;

MUKANDA WA MYIDI MUKULU

⁸ Badi batuela kalumbandi, batujana. Badi batupenda, batupa lumu. Badi batutangila bu bena dishima, bitaba bitudi tuamba ne: mbilelela.

2 Korente 6:8 ပူးပေါင်းရင်းမြစ်များ

Matayi 10:25

Mbimpe bia muyidi ikale bu mudi muyishi wandi, ne muhika ikale bu mudi nfumu waudi. Bikalabo babikile muena nsubu ne, Belezebula, nebatambe kubikila ba mu nsubu muandi muomumue.

Matayi 22:16

Bakatuma bayidi babo kudiye ne Bena Helode, bakamuambila ne, Muyishi, tudi bamanye ne, Wewe udi muena bushua, udi uyisha bantu nshila wa Nzambi bulelela, wewe kuena utshina bantu, bualu bua kuena ne bualu ne muntu;

Matayi 27:63

bakamba ne, Mukelenge, tudi bavuluke di dia muena mashimi au hakadiye ne muoyo ne, Hahita matuku asatu, nembike kabidi.

Marke 12:14

Hakaluabo, bakamuambila ne, Muyishi, tudi bamanye ne, Wewe kuena utshina muntu, bualu bua kuena ne bualu ne muntu, wewe udi uyisha bantu nshila wa Nzambi bulelela. Mbimpe kuha Kaisa mulambu, anyi?

Yowanane 7:12

Bantu bakatamba kuelangana mpata ya bualu buandi mu musokoko; bakuabo bakamba ne, Udi muntu muimpe; bakuabo ne, Nasha, yeye udi uhambuisha bantu.

Bienzedi 10:22

Bakamba ne, Kônelio, kapitene ka masalayi lukama, udi muntu muakane udi utshina Nzambi, lumu luandi ludi luimpe ku tshisamba tshionso tshia Bena Yuda; Nzambi wakamudimusha kudi muanjelo wa tshijila bua kukubikileye ulue mu nsubu muandi ne bua kunvueye mei ebe.

Bienzedi 16:39

bakalua, bakabatendekena; hakabaluhulabo, bakabasengelela bua kumukabo mu musoko.

Bienzedi 22:12

Muntu mukuabo wakadimu, dina diandi Anania, wakadi mutendeledi muakane utumikile mikenshi ya Mose, lumu luandi luakadi luimpe munkatshi mua Bena Yuda bonso bakadi bashikamemu;

Bienzedi 24:5

Tuakusangana muntu eu mutatshishi wa bantu, ne mutomboshi wa Bena Yuda bonso ba ha buloba, udi biandi tshilobo tshia tshisumbu tshia Bena Nazaleta;

Bienzedi 28:22

Tudi basue kunvua bualu bûdi wela meshi; bualu bua tshisumbu etshi, tudi bamanye ne, Badi batshibanda kuonso.

Bienzedi 4:21

Hakabakanyinabo kabidi bikole, bakababela, kabakamona bualu bua kubakengesha, bakatshina bantu; bualu bua bantu bonso bakadi batumbisha Nzambi bua muanda wakenjibua.

Bienzedi 5:13

Kakuakadi muntu wa bakadi bashale wakadi ne bukitu bua kudisangisha nʼabo; kadi bantu bakadi babatumbisha;

Bienzedi 6:3

Bana betu, nukebe balume muanda mutekete munkatshi muenu badi ne lumu luimpe, badi bûle tente ne Nyuma ne lungenyi, netubateke ha mutu ha bualu ebu.

Rome 3:8

Munyi katuambi ne, Tuenze malu mabi bua kuvuisha malu mimpe (bu mudibo batushiminyina ne bu mudi bakuabo bamuangalasha lumu ne, Badi bamba)? Dihila diabo nedikale dijalama.

2 Korente 1:18

Bu mudi Nzambi mua kueyemenyibua, dî dietu kunudi kadiena E ne Nasha.

2 Korente 11:21

Bundu budi bunkuata hangamba ne, Tuakadi batekete. Kadi mu bualu buonso budi muntu ne dikima, (ndi ngakula tshiakulakula) ndi ne dikima kabidi.

2 Korente 12:16

Budi nunku; tshiakanunemeshela bujitu; kadi bualu bua nakadi mudimuke nakanukuata ne budimu.

2 Korente 4:2

kadi tuakahidia malu masokome a bundu, katuena tuendakana ne budimu, katuena tudinga bantu ne dî dia Nzambi, kadi tudi tudianyisha ku dimuenesha dia bushua ku muoyo-mukese wa muntu yonso ku mesu kua Nzambi.

1 Tesalonike 2:3

Bua dinusengelela dietu kadiena dia mashimi anyi dia bukoya bua mutshima anyi dia lubombo;

1 Timote 3:7

Bualu bukuabo, budiye nʼabu mbua kuikala ne lumu luimpe kudi badi kabai munkatshi mua bena ditabusha; bua kahonyi biandi mu malu adi avuisha bihendu ne mu buteyi bua diabolo.

1 Timote 4:10

Bua bualu ebu tudi tuenza mudimu mukole ne tudi tutshinta, bua tuakutekemena Nzambi udi ne muoyo, udi Musungidi wa bantu bonso, kadi mutambe kuikala Musungidi wa badi bamuitabusha.

Ebrewu 13:13

Nunku, tuye bietu kudiye kukala kua tshitudilu, batuala bihendu bia bualu buandi.

1 Petro 4:14

Bianuhendabo bua dina dia Kilisto, nudi ne disanka; bualu bua Nyuma wa butumbi ne Nyuma wa Nzambi udi unuikila hamʼbidi henu.

3 Yone 1:12

Demetelio udi ne bumanyishi kudi bonso ne kudi bushua buine; tuetu kabidi tudi tumanyisha bualu buandi; ne wewe udi mumanye ne, Bumanyishi buetu budi bulelela.

Didimanyisha 3:9

Mona, ndi nkuha ba mu nsunagoga wa Satana, ba munkatshi mua badi badiamba ne, Tudi Bena Yuda, ne kabena nunku, kadi badi bashima; mona, nembavuishe bua kuluabo ne bua kukukuilabo ku makasa ebe, ne bua kumanyabo ne nakukusua.