2 Korente 6:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Tuetu, benji ba mudimu ne Nzambi, tudi tunusengelela kabidi ne, Kanuangatshi ngasa wa Nzambi bu bualu bua hatuhu;

MUKANDA WA MYIDI MUKULU

¹ Nenku tuetu badi bakuatshi ba mudimu pamue ne Mvidi Mukulu, tudi tunubela bua dinanga divua Mvidi Mukulu mutuleje dipatule tshipeta.

2 Korente 6:1 ပူးပေါင်းရင်းမြစ်များ

Yirmeya 8:8

Munyi munudi nuamba ne, Tudi bena meji, tudi ne mikenji ya Yehowa? Kadi monai, mutshi wa bafundi udibo bafunda nʼau mashimi wakayivuisha anu mei a mashimi.

Matayi 23:37

Wewe Yelushalema, Yelushalema, udi ushiha baprofete, udi ukuma bakukutuminabo mabue! Misangu ya bungi nakasua kusangisha bana bebe bu mudi nsolo usangisha bana bandi mu mahuahua andi, kadi nuenu nuakuhidia.

Bienzedi 11:23

Hakafikeye, hakamoneye ngasa wa Nzambi, wakasanka; wakakolesha mitshima ya buonso buabo ne, Nunanukile kushala hehi ne Mukelenge ne disuminyina mu mitshima.

Bienzedi 14:3

Bakashalamu musangu mule, bakajukuila bantu dî mu Mukelenge, yeye wakajadika dî dia ngasa wandi, hakabaheye bimanyinu ne malu a kukema akenzelabo ne bianza biabo.

Rome 12:1

Nunku, bana betu, ndi nusengelela, bua luse lua Nzambi, bua nufile mibidi yenu bu mulambu udi ne muoyo, wa tshijila, udi usankisha Nzambi bimpe; bualu ebu budi kutendelela kuenu kudi ne meshi.

1 Korente 3:9

Bua tudi benzeshanganyi ba mudimu ne Nzambi; nuenu nudi budimi bua Nzambi, nudi nsubu wa Nzambi.

2 Korente 10:1

Meme Paulo, ndi nusengelela bua kalolo ne lutulu bia Kilisto, meme hangikala ku mesu kuenu, ndi muhuekele munkatshi muenu, hangikala tshi nʼenu, ndi ne dikima kunudi;

Ngalate 2:21

Tshiena nvuisha ngasa wa Nzambi ne, Ntshianana; bualu bua bialua buakane ku kutumikila kua mikenshi, nunku Kilisto wakafua tshianana.

Ngalate 3:4

Nuakakenga mu malu a bungi nunku tshianana, anyi? (Binuikala bakenge tshianana bulelela.)

1 Tesalonike 3:5

Bua muanda eu meme kabidi, hanakadi tshi mua kudikanda, nakatuma Timote bua meme kumanya mudi ditabusha dienu; bua bumue muteyi wakanuteya, ne mudimu wetu mukole wakalua hatuhu.

Tite 2:11

Hualu bua ngasa wa Nzambi wakamueneka, mutuadile bantu bonso luhandu;

Ebrewu 12:15

Nutangile bimpe bua muntu kikadiku udi uhanga ngasa wa Nzambi, ne bua muji wa bululu mutoloka kaunutatshishi, ne bua bualu buau bantu ba bungi neboneke;

Ebrewu 12:25

Nudimuke bua nuenu kanubidi udi wakula nʼenu. Bikalabo kabai bahanduke, hakahidiabo wakabadimusha ha buloba, kudi kutamba kumueneka ne tuetu katuena tuhanduka, badi bumuka kudi udi utudimusha mu diulu.

Ebrewu 4:1

Nunku, tutshine bietu, bakavua bamane kutushila mulayi wa tuetu kubuela mu dikisha diandi, bumue umue wenu kalu kumueneka bu mudiye kai mufikeku.

1 Petro 4:10

bu muakangata muntu ne muntu tshihedi, nukuatshishangane nkatshi munkatshi muenu, bu balami bimpe ba ngasa muvulangane wa Nzambi.

1 Samuele 14:45

Bantu bakambila Shaula ne, Yonatana, nguakadi Usungila Bena Isalele ne luhandu elu lunene, neafue biandi, anyi? Nansha, bualu ebu kabuikadiku; bu mudi Yehowa ne muoyo, lusuki lumue lua ku mutu kuandi kalumatshi hanshi; bualu bua wakamatshisha ngana ne Nzambi mudimu lelu eu. Nunku bantu bakasungila Yonatana, kakafua nansha.