2 Korente 5:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ bua malu â tudi ne dikima, mundi ngamba, ne tudi tutamba kusua kumuka ku mubidi bua kuikala kua Mukelenge.

MUKANDA WA MYIDI MUKULU

⁸ Tudi bakole muoyi, tujinga kushiya mubidi ewu diakamue, bua kuya kusomba mu nzubu mudi Mfumu.

2 Korente 5:8 ပူးပေါင်းရင်းမြစ်များ

Misambu 16:11

Wewe neundeshe nshila wa muoyo. Tshiuwidi tshia masanka tshidi ha buihi nʼebe; masanka adi mu tshianza tshiebe tshia balume tshiendelele.

Misambu 17:15

Kadi meme hanyi, mu kubingishibua kuanyi, nemmone mpala webe: nengikale ne disanka dikumbane hanatabala ne hanatangila tshifuanyikishi tshiebe.

Nsumuinu 14:32

Muntu mubi udi wedibua hanshi bua malu mabi andi, kadi muntu muakane udi ne tshinyemenu mu lufu luandi.

Matayi 25:21

Mukelenge wandi wakamuambila ne, Bimpe, muana wanyi muimpe ne muntumikidi, wewe wakadi untumikila hawakadi ha mutu ha bintu bikese, nenkuteke ha mutu ha bintu bia bungi, buela mu disanka dia mukelenge webe.

Matayi 25:23

Mukelenge wandi wakamuambila ne, Bimpe, muana wanyi muimpe ne muntumikidi, wewe wakadi untumina hawakadi ha mutu ha bintu bikese, nenkuteke ha mutu ha bintu bia bungi, buela mu disanka dia mukelenge webe.

Luke 2:29

Mukelenge, mpindiu wewe udi ulekela muhika webe aye biandi Talalâ bu muwakuamba;

Yowanane 12:26

Biangenzela muntu mudimu, andonde; muena mudimi wanyi neikale kundi ngikala; biangenzela muntu mudimu, Tatu neamutumbishe.

Yowanane 14:3

Binaya ne binanulongoluela muaba, nempingane kabidi, nenuangate kundi meme muine, bua kundi ngikala, nuenu nenuikaleku kabidi.

Yowanane 17:24

Tatu, ndi musue bawakumpa bikale kundi bua kutangilabo butumbi buwakumpa, bualu bua wewe wakansua meme diambedi kabai banze kufuka buloba.

Bienzedi 21:13

Kadi Paulo wakatuebesha ne, Nudi nuenzela nunku tshinyi, nudila numpandisha mutshima wanyi? Ndi mumane kudilongolola, kembua kusuikibua nkayaku, kadi bua kufua kabidi ku Yelushalema bua dina dia Mukelenge Yesu.

2 Korente 5:6

Nunku bualu bua tudi ne dikima misangu yonso ne bualu bua tudi bamanye ne, Hatuikala kunu mu mubidi, katuena tuikala kua Mukelenge

2 Korente 5:9

Nunku bualu butudi tukeba kabidi ne, Bituikala mu mubidi anyi katui mu mubidi, mbua kumusankisha.

1 Yone 3:2

Bananga, katataka tudi bana ba Nzambi; kadi kabuena buanze kumanyibua mutuikala. Tudi bamanye ne, Biamueneshibueye, netuikale bafuanangane nʼandi; bualu bua netumumone bu mudiye.

Didimanyisha 22:3

Mulau kawena wikalaku kabidi; nkuasa wa butumbi wa Nzambi ne wa Muana wa Mukoko neikalemu; ne bahika bandi nebamukuatshile mudimu;