2 Korente 4:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua katuena tudiamba, kadi tudi tuamba Kilisto Yesu bu Mukelenge; ne tuetu bu bahika benu bualu bua Yesu.

MUKANDA WA MYIDI MUKULU

⁵ Bualu patudi tulongesha, katuena tudimanyisha tuetu to. Tudi mmanyisha Yezu Kristu bu Mfumu. Tuetu tudi amu bantu badi banukuatshila mudimu ku disua diende.

2 Korente 4:5 ပူးပေါင်းရင်းမြစ်များ

Matayi 23:8

Kadi nuenu kanubikidibu ne, Labi, bualu bua nuenu nudi ne muyishi umue, buonso buenu nudi bana ba muntu umue.

Matayi 3:11

Bulelela, ndi nubatiza mu mai bualu bua nuenu nukudimune mitshima yenu; kadi udi ulua ku nyima kuanyi udi muntambe meme, tshiena ne buakane bua kutuala bisabata biandi; yeye neanubatize mu Nyuma Muimpe ne mu kahia;

Yowanane 7:18

Wadiambila udi ukeba butumbi buandi; kadi wakeba butumbi bua wakumutuma udi biandi muntu mulelela, kena ne bualu bubi munda.

Bienzedi 10:36

Yeye kabidi wakatumina bana ba Isalele dî, wakabambidila lumu luimpe lua ditalala kudi Yesu Kilisto (yeye udi Mukelenge wa bantu bonso);

Bienzedi 2:36

Ka Bena Isalele bonso bamanye bushua ne, Nzambi wakuvuisha Yesu eu unuakushiha ku mutshi mutshiamakane Mukelenge ne Kilisto kabidi.

Bienzedi 5:31

Nzambi wakamubisha ne tshianza tshiandi tshîa balume bua kuikaleye Mukelenge ne Musungidi, ne bua kuheye Isalele kukudimuna kua mitshima ne kujimisha kua mibi.

1 Korente 1:23

kadi tuetu tudi tuamba Kilisto wakashihabo ku mutshi mutshiamakane, ntshilenduishi kudi Bena Yuda ne mbuhote kudi bisamba bia bende;

1 Korente 10:33

bu mundi nsankisha bantu bonso mu malu onso, tshi ndikebela dikuatshisha dianyi, kadi ndi nkeba dia bantu ba bungi, bua bobo basungidibue.

1 Korente 12:3

Nunku ndi numanyisha ne, Kakuena muntu udi wakula mu Nyuma wa Nzambi, udi wamba ne, Yesu udi muedibue mulau; ne kakuena muntu udi mua kuamba ne, Yesu udi Mukelenge, bikaleye kai mu Nyuma Muimpe.

1 Korente 15:47

Muntu wa kumudilu udi mufukibue ne dinfuenkenya dia buloba; muntu muibidi udi muntu wa mu diulu.

1 Korente 2:2

Bualu bua nakadisungula munda bua meme tshimunyi bunga bualu munkatshi muenu, anu Yesu Kilisto, ne yeye mushihibue ku mutshi mutshiamakane.

1 Korente 4:15

Bua binuikala ne bayishi lubombo mu Kilisto, kanuena ne batatu ba bungi; bualu bua mu Kilisto Yesu nakanuela ku lumu luimpe.

1 Korente 8:6

kadi ku mesu kuetu Nzambi umue udiku, Tatu mene; bintu bionso biakafuma kudiye, ne tuetu tudiku bua bualu buandi; ne Mukelenge umue, Yesu Kilisto, bintu bionso mbua bualu buandi ne tuetu tudi bua bualu buandi kabidi.

2 Korente 1:19

Bualu bua Muana wa Nzambi, Yesu Kilisto, wakanuambidibua munkatshi muenu kutudi, kudi meme ne Siluano ne Timote, kakadi ne E ne Nasha; kadi munda muandi mudi anu E.

2 Korente 1:24

Kembua tudi ne bukokeshi ku ditabusha dienu, kadi tudi bakuatshishanganyi nʼenu mu disanka dienu; bualu bua nudi nujalama mu ditabusha.

Ngalate 5:13

Bualu bua nuenu, bana betu, nuakabikidibua bua budishikaminyi; kadi nudimuke ne budishikaminyi buenu kabulu tshia kusankisha nʼatshi mubidi, kadi bualu bua dinanga dienu nukuatshilangane mudimu.

Filipe 1:15

Bulelela, bakuabo badi bamba Kilisto bualu bua mukau ne kutandangana; ne bakuabo kabidi badi bamuamba bualu bua disanka dimpe;

Filipe 2:11

ne bua ndimi yonso yambe hatoke ne Yesu Kilisto udi Mukelenge, tô ne ku butumbi bua Nzambi Tatu.

2 Timote 2:10

Nunku ndi nkankamana mu malu makole onso bua muanda wa bantu basungula, bua bobo bangate luhandu lua mu Kilisto Yesu ne butumbi bua tshiendelele.

Tite 1:11

budibo nʼabu mbua kubuikidishibua mishiku yabo; bobo badi bona ditabusha dia bena nsubu mijima, bayisha bantu malu adibo kabai ne bualu bua kubayisha, hua kuhetabo biuma bibihe.

2 Petro 2:3

Bualu bua lukuka lua biuma bobo nebendulule nʼenu mushinga ne mei a mashimi; dihila diabo diakabahishabo nʼadi kale kadiena dishanguluka, ne dibutuke diabo kadiena dilala tulu.