2 Korente 2:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kadi tuasakidila kudi Nzambi udi utulombola misangu yonso bu bantu batambibue mu Kilisto, udi ununkishila dihembu dia lungenyi luandi mu bianza bietu ku miaba yonso.

MUKANDA WA MYIDI MUKULU

¹⁴ Kadi tutumbishayi Mvidi Mukulu, bualu misangu yonsu udi utubueja mu mulongu wa badi batshimuna, patudi badisange ne Kristu. Udi utuangata bu bena mudimu bende, bua tumanyishe Kristu miaba yonsu, mudi dipembu dia manananshi ditangalaka miaba yonsu.

2 Korente 2:14 ပူးပေါင်းရင်းမြစ်များ

Misambu 106:47

Utusungile, wewe Yehowa Nzambi wetu, utûmushe munkatshi mua bisamba bia ba bende bua kutusangisha hamue, bua tuetu tusakidile dina diebe dia tshijila, ne bua tutumbile mu butumbi buebe.

Misambu 148:14

Yeye wakuambuila bantu bandi lusengu, wakudivuisha wa kutumbishibua kudi bansanto bandi bonso, kudi bantu ba mu Isalele badi ha buihi nʼandi. Tumbishai Yehowa!

Musambu wa Solomo 1:3

manyi ebe adi ne dihembu dimpe, dina diebe didi bu manyi adibo bahongolola; nunku bansongakashi batshidi tumama badi bakunanga.

Yezekiyele 20:41

Nennuitabushe bu tshintu tshidi tshintuila dihembu, hananuhatula munkatshi mua bantu ba bende, hananusangisha bua kunûmusha mu maloba akanutangadishabo; nendimueneshe Wa Tshijila munkatshi muenu ku mpala kua bisamba bionso.

Yowanane 16:33

Nakunuambila malu â bua nuenu nuikale ne ditalala munda muanyi. Ha buloba nudi ne dikenga; kadi nukoleshe mitshima yenu; nakuhita ba ka buloba bukole.

Rome 1:8

Bualu bua kumudilu, udi nsakidila Nzambi wanyi mu Yesu Kilisto bua buonso buenu, bualu bua ditabusha dienu didi dimanyishibue ba buloba buonso.

Rome 15:19

mu bukole bua bimanyinu ne bua malu a kukema ne mu bukole bua Nyuma Muimpe. Nunku nakuvudisha kuamba kuanyi kua lumu luimpe lua Kilisto ku Yelushalema ne ku nseke idi miunyunguluke tô ne ku Iluliko.

Rome 6:17

Tuasakidila kudi Nzambi, ne, Nuenu nuakadi bahika ba bubi, kadi nuakatumikila mu mitshima yenu mushindu wa diyisha diakanubueshabomu.

Rome 8:37

Nasha; mu malu â onso tudi tutamba kuhita bualu bua bukole bua Yesu wakatunanga.

1 Korente 12:8

Bua mukuabo udi uhebua dî dia meshi kudi Nyuma; mukuabo, dî dia lungenyi kudi Nyuma muomumue;

1 Korente 15:37

ne bintu biudi ukuna kuena ukuna mubidi udi uhuola, kadi anu maminu nkayau, nasha a blé nasha a mushindu mukuabo;

1 Korente 15:57

kadi tuasakidila kudi Nzambi, udi utuha kutamba kua lufu bualu bua Mukelenge wetu Yesu Kilisto.

2 Korente 1:11

nuenu kabidi nudi nukuatshishangana bua bualu buetu ne disengelela dienu, bua bantu ha bungi basakidile Nzambi bua bualu buetu, bua kuha kuakatuhabo ku kutendelela kua bantu ba bungi.

2 Korente 8:16

Kadi tuasakidila kudi Nzambi utu wateka mutshima muomumue wa disuminyina bua bualu buenu munda mua Tito.

2 Korente 9:15

Tuasakidila kudi Nzambi bua kuha kuandi kudi kakui mua kuambibua.

Efeze 5:2

Nuende bienu mu luse bu muakanusua Kilisto, wakadifila bua bualu buetu bu mulambu ne tshintu tshishiha bua kuikaleye muhuya wa dihembu dimpe kudi Nzambi.

Efeze 5:20

Misangu yonso nusakidile Nzambi Tatu bua bintu bionso mu dina dia Mukelenge wetu Yesu Kilisto.

Filipe 4:18

Kadi ndi ne bintu bionso ne bitamba; nakukuta bualu bua nakangata bintu kudi Epafodito biakafuma kunudi, muhuya wa dihembu dimpe, mulambu muitabushibue, udi usankisha Nzambi.

Kolose 1:23

binuananukila mu ditabusha, bajadikibua ne bashindikibue bikole, ne kanui basesuishibue ku ditekemena dia lumu luimpe lunuakunvua, luakambibua munkatshi mua bifukibua bionso munshi mua diulu; lunakavuishibua, meme Paulo, muena mudimu walu.

Kolose 1:6

ludi lulua kunudi. Mbu mudilu mu buloba buonso kabidi lukuama mamuma ne ludiundadiunda bu mudilu luenza munda muenu kabidi, katshia ku dituku dinuakunvua ne dinuakamanya ngasa wa Nzambi mu bushua.

Kolose 2:15

Hakadiumushileye makelenge ne makokeshi, wakamuenesha hatoke to, wakâkoka bu muatambi ku mutshi wandi mutshiamakane.

1 Tesalonike 1:8

Bua dî dia Mukelenge diakambibua kunudi diakunvuibua, kenganu mu Makedonia ne mu Akaya, kadi mu miaba yonso ditabusha dinudi nʼadi kudi Nzambi diakamuangalaka; nunku tuetu katuena ne bualu bua kuamba d! kabidi.

1 Tesalonike 3:9

Bua tudi bamanye mua kuhingishila Nzambi kabidi disakidila kai bua bualu buenu, bua disanka dionso ditudi tusanka nʼadi bua bualu buenu ku mpala kua Nzambi wetu?

1 Timote 2:8

Nunku ndi musue balume batendelele Nzambi mu miaba yonso, babishe bianza bia tshijila, kabai ne tshishi ne dielangana dia mpata.

2 Timote 2:2

Malu awakunvua kundi munkatshi mua bamanyi ba bungi, malu â wafile kudi bantu badi mua kueyemenyibua, balua kukumbana mua kuyisha bakuabo kabidi.

Didimanyisha 7:12

bamba ne, Amen, disanka ne butumbi ne meshi ne disakidila ne buneme ne bukokeshi ne bukole bikale kudi Nzambi wetu tô ne tshiendelele; Amen.