2 Korente 12:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Bua meme tshitambi kuanyishibua bua bunene bua kubuluibua kua malu kundi, nakahebua tshintu bu dieba mu mubidi wanyi bu muanjelo wa Satana bua kunkengeshakengesha, bua meme tshitambi kuanyishibua.

MUKANDA WA MYIDI MUKULU

⁷ mBandeje malu adibu kabayi mua kumvuija. Kadi bua tshimonyi mua kuditambisha, Mvidi Mukulu mmumpeshe dikenga dinene. Mutumibue wa diabolu mmuntatshishe bua tshiditembi.

2 Korente 12:7 ပူးပေါင်းရင်းမြစ်များ

Genese 32:25

Hakamanya muntu ne, Tshiena mumuhite bukole wakalenga tshianza ha tshikundukundu tshiandi ne tshikundukundu tshia Yakoba tshiakakoyoboka hakadiye uluangana nʼandi bibula.

Genese 32:31

Hakalueye Penuele, diba diakabanda, ne Yakoba wakadi utebuka bualu bua tshikundukundu tshiandi.

2 Kulondolola 26:16

Kadi hakalueye muena bukole bua bungi yeye wakadisua mu mutshima wandi, wakenza malu mabi, wakatombokela Yehowa Nzambi wandi; bualu bua yeye wakabuela mu ntempelo wa Yehowa bua kuosheleye Yehowa musenga wa manananshi ku tshioshelu tshia manananshi.

2 Kulondolola 32:31

Kadi hakalua miloho kudi bantu banene ba mu Babulona yakatumabo bua kumuebesha bua malu a kukema akenjibua mu buloba buandi, Nzambi wakamulekela bua kumuteta, bua yeye amanye malu onso akadi munda mua mutshima wandi.

Yobe 2:6

Yehowa wakambila Satana ne, Ke yeye au udi mu tshianza tshiebe; kadi usungile muoyo wandi.

Yobe 2:7

Nunku Satana wakaluhuka ku mpala kua Yehowa, wakasamisha Yobo ne biusha binene hamʼbidi bonso, munda mua makasa tô ne ku lubombo lua mutu wandi.

Yezekiyele 28:24

Ba mu tshisamba tshia Bena Isalele kabena basangana dieba didi mua kubataha, anyi mungonge udi mua kubakengesha, munkatshi mua bena mutumba nʼabo badi babanyunguluka ku nseke yonso, ne bakadi babenzela bibi. Nebamanye ne, Ndi Mukelenge Yehowa.

Danyele 5:20

Kadi hakadisueye, ne hakakolesheye mutshima wandi, ne bua malu â yeye wakenza malu a dihetu, bakamûmusha mu nkuasa wandi wa bukelenge, bakamunyenga butumbi buandi.

Osheya 2:6

Nunku nenjike nshila wandi ne luhangu lua meba, nengase lumbu lua kumukanda bua yeye kamonyi nshila yandi.

Dibadika 33:55

Kadi binuahidia kuihata bena buloba ku mesu kuenu, bantu badi bashala nebikale bu tushingi mu mesu enu ne bu meba mu mbadi yenu, nebamatshishe mu buloba bunudi nushikama.

Matayi 26:67

Hashishe, bakamutuila mate mu mesu, bakamukuma bisusu, bakuabo bakamukuma mikumu,

Matayi 4:10

Yesu wakamuambila ne, Satana, umuka; bualu bua bakuanda dî ne, Kukuila Mukelenge Nzambi webe, umuenzele yeye nkayandi mudimu.

Luke 13:16

Mukashi eu udi muana wa Abalahama, wakadi musuika kudi Satana bidimu ebi dikumi ne muanda mukulu; kabiakadi bimpe bia kumusulula dituku dia Lumingu, anyi?

1 Korente 4:11

Tô ne ku diba edi tudi ne nsala, tudi ne nyota, tudi ne butaka, tudi tukumibua, katuena ne muaba wa kushindama;

1 Korente 5:5

bua kufila muntu wa nunku kudi Satana bua kushihesha malu a mubidi, bua nyuma wandi asungidibue mu dituku dia Mukelenge Yesu.

2 Korente 10:10

Bualu bua batu bamba ne, Mikanda yandi idi ne bujitu ne idi ne bukole; kadi kumueneka kua mubidi wandi kudi kutekete, ne dî diandi didi dia hatuhu.

2 Korente 10:5

bidi bishimbula meshi onso ne tshintu tshionso tshidi tshileha mulu tshidi tshibandishibua bua kuhumbisha nʼatshi lungenyi lua Nzambi, bidi bivuisha meshi onso mu buhika bua kutumikilau Kilisto;

2 Korente 11:20

Bualu bua nudi nulesha muntu lutulu, bianuvuisheye bahika, biadieye bintu bienu, bianukuateye lukole, biadibandisheye, bianukumeye ku mesu.

2 Korente 12:1

Ndi ne bualu bua kuditumbisha, kadi bualu ebu kabuena bunkuatshisha; kadi nenuambile bua bikena kumona ne kubuluibua kua malu a Mukelenge.

Ngalate 4:13

nudi bamanye ne bualu bua butekete bua mubidi wanyi nakanuambila lumu luimpe musangu wa kumudilu.

Dielulula 17:20

nunku mutshima wandi kaudibandishi ku mutu kua bana babo, nunku yeye kasesuki mu nshila wa mikenji nansha ku tshianza tshia balume nansha ku tshianza tshia bakashi; nunku nebavudishe matuku a bukelenge buandi, ne a bana bandi mu Isalele.

Dielulula 8:14

hashishe nudimuke, kanudisu mu mitshima yenu, kanuhu muoyo bua Yehowa, Nzambi wenu, wakanuhatula mu buloba bua Ejipitu ne mu nsubu wa lukanu;

1 Timote 3:6

Kikadi biandi muntu muhia-muhia mu bualu bua Nzambi; anyi hadisueye, neahone mu dilumbuluishibua dia diabolo.

Balombodi 2:3

Bua bualu ebu nakanuambila kahidi ne, Tshiena mbihata ku mpala kuenu, kadi bobo nebikale bu meba mu mbese yenu, ne nzambi yabo neyikale bu buteyi kunudi.