2 Korente 12:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Ndi ne bualu bua kuditumbisha, kadi bualu ebu kabuena bunkuatshisha; kadi nenuambile bua bikena kumona ne kubuluibua kua malu a Mukelenge.

MUKANDA WA MYIDI MUKULU

¹ Nansha kabiyi bimpe, ndi amu ne bua kuditemba. Bualu nudi numbambidika bua ngenze nanku. Nengakule mpindiewu bua malu avua Mfumu mundeje, munsokoluele.

2 Korente 12:1 ပူးပေါင်းရင်းမြစ်များ

Yezekiyele 11:24

Hashishe Nyuma wakambandisha, wakalua nʼanyi mu tshikena kumona tshifume kudi Nyuma wa Nzambi tô ne ku buloba bua Bena Kasada, kudi bantu bakadi mu buhika. Nunku tshikena kumona tshinakamona diambedi tshiakumuka kundi.

Dibadika 12:6

Yeye wakamba ne, Unvuai mei anyi, bikala muprofete munkatshi muenu, meme Yehowa nendimanyishe kudiye mu tshikena kumona, meme nensombe nʼandi mu tshilota.

Yowanane 16:7

Kadi ndi nuambila bulelela ne, Meme muye mbimpe bienu; bingikala tshî nya, Musambi kena ulua kunudi; kadi binaya, nenutumineye.

Yowanane 18:14

Kayafa nguakaha Bena Yuda lungenyi ne, Mbimpe bia muntu umue kufuila bantu.

Bienzedi 18:9

Mukelenge wakambila Paulo mu tshikena kumona butuku ne, Kutshinyi; kadi amba, kuhû:

Bienzedi 23:11

Hakila butuku, Mukelenge wakimana ha buihi nʼandi, wakamba ne, Kolesha mutshima webe; bu muwakuamba bualu buanyi mu Yelushalema, nunku bûdi nʼabu mbua kubuamba mu Lomo kabidi.

1 Korente 10:23

Malu onso adi mimpe a kuenza, kadi malu onso kêna atukuatshisha; malu onso adi mimpe a kuenza, kadi malu onso kêna atudiundisha.

1 Korente 14:6

Kadi bana betu, binalua kunudi ngakula miaku mudi kanui bamanye, nenukuatshishe munyi, bingikala tshî ngakula nʼenu malu adi masokolola, anyi a lungenyi, anyi a mayisha a baprofete, anyi a diyisha?

1 Korente 6:12

Meme ndi ne bukole bua kuenza malu onso, kadi malu onso kêna ankuatshisha. Ndi ne bukole bua kuenza malu onso, kadi tshiena nkokeshibua munshi mua bualu bumue.

2 Korente 12:11

Nakulua mutshimbakanyi; nuenu nuakungenzeshaku ku bukole; nakadi ne bualu bua kuanyishibua kunudi, bua tshiakadi ku nyima kua bapostolo bakatamba bunene nasha kaba kakese: nasha meme bianyi ngikala tshianana.

2 Korente 12:5

Bua muntu eu nunku nenditumbishe, kadi bua meme nkayanyi tshiena nditumbisha, anu mu matekete anyi.

2 Korente 12:7

Bua meme tshitambi kuanyishibua bua bunene bua kubuluibua kua malu kundi, nakahebua tshintu bu dieba mu mubidi wanyi bu muanjelo wa Satana bua kunkengeshakengesha, bua meme tshitambi kuanyishibua.

2 Korente 12:9

Ne yeye wakangambila ne, Ngasa wanyi udi ukukumbana, bua bukole buanyi budi bukumbashibua tshishiki mu butekete buebe. Nunku ndi ne disanka ha kuditumbisha mu matekete anyi, bua bukole bua Kilisto buikale munda muanyi.

2 Korente 8:10

Kadi mu bualu ebu ndi nuha dijingulula dianyi: ebu mbualu bunudi nʼabu, nuenu mbakabanga bualu ebu tshidimu tshia ku mpala, kembua kuenza nkayaku, kadi mbua kusua kuenza kabidi.

Ngalate 1:12

Bualu bua tshiakaluangata kudi muntu; kabakalunyisha; luakalua kundi mu dibuluibua dia Yesu Kilisto.

Ngalate 2:2

Nakabandaku bianyi bua bualu buakabuluibua kundi; nakalondela bakadi ne butumbi munkatshi mua bapostolo lumu luimpe lundi ngambila ba mu bisamba bia bende; kadi nakabalondelalu mu musokoko, bua meme tshikadi bu muntu utshidi welekesha lubilu, anyi wakadi welekesha lubilu hatuhu.

Efeze 3:3

ne bu muakambuluilabo bualu buakadi busokoka, bu munakadianjila kunufundila ne mei makese.

1 Tesalonike 4:15

Bua tudi tunuambila bualu ebu ku dî dia Mukelenge ne, Tuetu, batshidi ne muoyo, ne badibo bashîe tô ne ku dilua dia Mukelenge, katuena tudianjila kuya ku mpala kua badi balala tulu ma lufu.

1 Yone 5:20

Tudi bamanye ne, Muana wa Nzambi wakumana kulua wakutuha meshi bua tuetu tumumanye yeye udi wa bushua; ne tuetu tudi munda mua udi wa bushua, munda mua Muana wandi Yesu Kilisto mene. Eu udi Nzambi wa bushua, ne udi muoyo wa tshiendelele.