2 Korente 11:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Ne hanakadi nʼenu nkengela bintu, tshiakadi bu bujitu hamʼbidi ba muntu; bualu bua bana betu ba ma Kilisto, hakafumabo ku Makedonia, bakankuatshisha bu muakadi dikenga dianyi; nakadilamununa mu malu onso bua meme tshikadi bu bujitu hamʼbidi henu; nendilamunune nunku kabidi.

MUKANDA WA MYIDI MUKULU

⁹ Matuku amvua mulale kuenu aku, pamvua nkengela makuta, muntu nansha umue kavua muambule bujitu buanyi. Bana hetu bayua bumukila ku Masedoniya, ke bayua bantuadila bionsu bimvua nkengela. Tshivua musue kunuomekela bujitu buanyi ku kalu nansha kamue. Ke mungenza kabidi mu matuku atshidi kumpala.

2 Korente 11:9 ပူးပေါင်းရင်းမြစ်များ

Nehemya 5:15

Kadi ba-gouverneur bakadi ku mpala kuanyi bakangata difutu diabo kudi bantu; bakadiangatshila bidia ne nvinyo kudibo ha mutu ha nshekele ya argent makumi anai; bena mudimu babo mene bakakokesha bantu, kadi meme tshiakenza nunku bualu bua dishina dia Nzambi.

Bienzedi 18:3

Bualu bua mudimu wandi ne wabo wakadi muomumue, wakadi ushikama nʼabo, bakadi benza mudimu, bua bakadi benji ba nsubu ya bilulu.

Bienzedi 18:5

Hakahueka Sila ne Timote, bafume ku Makedonia, Paulo wakadi wenzeshibua bikole mu kuamba kua dî dia Nzambi, wambila Bena Yuda ne, Yesu udi Kilisto.

Bienzedi 20:33

Mutshima wanyi kawakukuma ku argent wa muntu, anyi ku ngolo wandi, anyi ku bilulu biandi.

Rome 15:26

Bua Bena Makedonia ne Bena Akaya bakasanka bua kusangisha bintu bikuabo bua kukuatshisha nʼabi bahele ba munkatshi mua basanto ba mu Yelushalema.

1 Korente 16:17

Nakasanka kabidi bua difika dia Stefana ne Fôtunato ne Akaiko; bualu bua bobo bakakumbasha malu anuakahanga.

2 Korente 6:4

Kadi mu malu onso tudi tudimanyisha bu bena mudimu ba Nzambi, mu ditantamana dia bungi, ne mu makenga, ne mu malu adi atukolela, ne mu tunyinganyinga;

2 Korente 9:12

Kukuatshilangana kua mudimu eu kakuena anu kûshila kua basanto bintu bidibo nʼabi bualu, kadi kudi kukumbana kabidi mu masakidila a bungi kudi Nzambi;

Filipe 2:25

Kadi nakuelangana meshi ne, Bualu buakunkuata bua kunutumina Epafodito, muanʼetu wa mu Kilisto ne muena mudimu nʼanyi ne disalayi nʼanyi ne musheshe wenu ne mukuatshishi wanyi ne bintu bindi nkengela.

1 Tesalonike 2:6

anyi bakebi ba butumbi kudi bantu, nasha kunudi nasha kudi bantu bakuabo; nasha tuetu tuakadi mua kuikala bujitu kunudi bu bapostolo ba Kilisto.

1 Tesalonike 2:9

Bualu bua nudi nuvuluka, bana betu, mudimu wetu mukole ne lutatu luetu; butuku ne munya tuakenza mudimu bua katudivuishi bujitu hamʼbidi ha nasha umue wenu; nunku Nakanuambila lumu luimpe lua Nzambi.

Ebrewu 11:37

Bakakumibua mabue, bakakoshibua hankatshi ne nsele, bakateyibua, bakashihibua ne muele wa nvita, bakendakana baluate biseba bia mikoko ne biseba bia mbushi, bakengela bintu, bakengeshibua, benjibue bibi,