2 Korente 11:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Meme nakenza bualu bubi hanakadihuekesha bua nuenu nubandishibue, bualu bua nakanuambila lumu luimpe lua Nzambi tshi ne difutu, anyi?

MUKANDA WA MYIDI MUKULU

⁷ Pamvua munulongeshe Lumu lua Disanka, tshivua mulombe difutu. Mvua mudipuekeshe bua kununemesha. Pamvua muenze nanku, mvua muenze bibi anyi?

2 Korente 11:7 ပူးပေါင်းရင်းမြစ်များ

Bienzedi 20:33

Mutshima wanyi kawakukuma ku argent wa muntu, anyi ku ngolo wandi, anyi ku bilulu biandi.

Bienzedi 20:34

Nuenu nudi bamanye ne, Bianza bianyi ebi biakankuatshisha ne bakadi nʼanyi bua bintu bituakadi nʼabi bualu.

Rome 1:1

Paulo, muhika wa Yesu Kilisto, wakabikidibua bua bakola mupostolo; wakafidibua ku lumu luimpe lua Nzambi,

1 Korente 9:12

Biangata bakuabo bukole ebu ha mutu henu, tuetu katuena tutamba kubuangata, anyi? Kadi katuakanuenzesha ne bukole ebu; kadi tudi tudikankamika mu malu onso, bua tuetu kaluishi dihumbisha dimue ku lumu luimpe lua Kilisto.

1 Korente 9:6

Anyi, meme nkayanyi ne Bânaba, katuena ne bukole bua kuhidia kuenza mudimu wa bianza, anyi?

2 Korente 10:1

Meme Paulo, ndi nusengelela bua kalolo ne lutulu bia Kilisto, meme hangikala ku mesu kuenu, ndi muhuekele munkatshi muenu, hangikala tshi nʼenu, ndi ne dikima kunudi;

2 Korente 10:16

bua tuetu kuambila bantu ba ku nseke idi ku mpala kuenu lumu luimpe; ne bua tuetu katutumbi mu mukalu wa muntu mukuabo bua mudimu nuimana kulongolola.

2 Korente 12:13

Bakanuvuisha ku nyima kua ekelesia mikuabo mu malu kai? Anu mu bualu ebu, ne meme tshikadi bu bujitu hamʼbidi henu. Nundekelele bubi ebu.

2 Korente 2:12

Hanakalua ku Toa bualu bua lumu luimpe lua Kilisto ne hakadi tshibi tshinene tshingunzuluila mu Mukelenge;

1 Tesalonike 2:9

Bualu bua nudi nuvuluka, bana betu, mudimu wetu mukole ne lutatu luetu; butuku ne munya tuakenza mudimu bua katudivuishi bujitu hamʼbidi ha nasha umue wenu; nunku Nakanuambila lumu luimpe lua Nzambi.

2 Tesalonike 3:8

ne katuakadia bidia bia muntu mukuabo hatuhu, kadi mu mudimu mukole ne mu lutatu, tuakenza mudimu ne bianza bufuku ne munya, bua katuikadi bujitu hamʼbidi ha umue wenu.