2 Korente 1:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ utu watusamba mu makenga etu onso, bua tuetu tumanye mua kusamba bakuabo mu makenga abo onso ne busambi butudi tusambibua kudi Nzambi.

MUKANDA WA MYIDI MUKULU

⁴ Nansha tuetu bapete makenga a mishindu kaayi, udi utusamba amu kutusamba. Ke mutudi mua kusamba kabidi badi mu makenga mashilangane, ne disambangana didi Mvidi Mukulu mene utusamba nadi.

2 Korente 1:4 ပူးပေါင်းရင်းမြစ်များ

Misambu 32:5

Nakatonda bubi buanyi kûdi, tshiakasokoka dihambuka dianyi ku buakane. Nakamba ne, Nentonde matomboka anyi kudi Yehowa; ne wewe wakandekelela dihila dia bubi buanyi.

Misambu 32:7

Wewe udi tshisokomenu tshianyi; neundame bua tshikadi ne dikenga; neunnyunguluke ne misambu ya luhandu.

Misambu 66:16

Luai bienu, nunvue, nuenu bonso badi banemeka Nzambi, nennuambile malu akuenzeleye muoyo wanyi.

Misambu 86:17

Undeshe tshimanyinu tshia disanka diebe kundi, bua badi nʼanyi lukuna bamanye mua kutshimona, bafuishibua bundu; bualu bua wewe, Yehowa, wakunkuatshisha, wakunsamba.

Yeshaya 12:1

Mu dituku adi newambe biebe ne, Nenkusakidile wewe, Yehowa; bualu bua wakankuatshila tshiji diambedi, kadi tshiji tshiebe tshiakukudimuka kundi, wakunsamba.

Yeshaya 40:1

Sambai bienu, sambai bienu bantu banyi, Nzambi webe udi wamba nunku.

Yeshaya 49:10

Nzala ne nyota kayena ibasuma; luhehele ludi luvuisha luya lukole ne munya kabiena bibosha, bua yeye utu wa bafuila luse neaye ku mpala kuabo, neabalombole ha buihi ne mishimi ya mai.

Yeshaya 51:12

Meme, meme mene, nyeye udi unusumba; wewe nnganyi bua kutshina muntu ulualua kufua, ne muana wa muntu udi uvuishibua bu mashinde?

Yeshaya 51:3

Bualu bua Yehowa wakusamba Siona, wakusamba miaba yau yonso yakadi bikulu, wakuvuisha tshihela tshiau bu budimi bua Edene ne tshihela tshiau tshia lusenga bu budimi bua Yehowa. Disanka ne disankidila nebikalemu, ne kusakidila ne dî dia kuimba kua misambu.

Yeshaya 52:9

Bandishai mei enu diatshimue mu kuimba kua misambu, nuenu miaba ya mu Yelushalema yakadi bikulu; bualu bua Yehowa wakusamba bantu bandi, wakuhikula Yelushalema.

Yowanane 14:16

Nendombe Tatu, yeye neanuhe Musambi mukuabo, ikale nʼenu tshiendelele,

Yowanane 14:18

Tshiena nushîa bana ba nshîe, nempingane kunudi.

Yowanane 14:26

Kadi Musambi, Nyuma Muimpe mene, watumabo kudi Tatu mu dina dianyi, yeye neanuyishe malu onso, neanuvuluishe mei onso anakunuambila.

2 Korente 7:13

Nunku tuetu tuakasambibua; ne mu busambi buetu tuakatamba kusanka bualu bua disanka dia Tito, bualu bua nyuma wandi wakakankamishibua kudi buonso buenu.

2 Korente 7:4

Dikima dia mei anyi didi dinene kunudi, kutumba kuanyi kudi kunene bua bualu buenu; nakûshibua tente ne busambi, disanka dianyi didi dihongoloka mu dikenga dietu dionso.

Filipe 1:14

Ne batambe bungi ba munkatshi mua bana betu ba mu Mukelenge bakakolesha mitshima yabo bualu bua nkanu yanyi, badi bamba dî dia Nzambi ne dikima ditambe, kabai batshina.

1 Tesalonike 4:18

Bua mianda ei nusambangane ne mei â.

1 Tesalonike 5:11

Nunku nusambangane, nudiundishangane muntu ne muntu, bu munudi nuenza kabidi.

Ebrewu 12:12

Nunku, nukoleshe bianza biakateketa ne binu bidi ne kaneke;