2 Korente 1:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Nzambi Tatu wa Mukelenge wetu Yesu Kilisto, Tatu wa luse ne Nzambi wa busambi buonso, atumbishibue;

MUKANDA WA MYIDI MUKULU

³ Tutumbishayi Mvidi Mukulu, Tatu wa Mfumu wetu Yezu Kristu, Tatu udi utunanga bikole. Yeye ke Mvidi Mukulu udi utuambuluisha misangu ne misangu mu makenga etu onsu.

2 Korente 1:3 ပူးပေါင်းရင်းမြစ်များ

Genese 14:20

ne Nzambi Mutambe Bunene wa mu Diulu, wakafua bena lukuna bebe mu tshianza tshiebe, atumbishibue Abalama wakamuha tshia dikumi tshia bintu bionso.

1 Kulondolola 29:10

Nunku Davidi wakavudishila Yehowa disanka ku mpala kua bantu bonso; Davidi wakamba ne, Yehowa, Nzambi wa Isalele tatu wetu, wikale ne disanka tshiendelele.

Nehemya 9:5

Hashishe Bena Lewi, Yeshua ne Kadamiele ne Bani ne Hashabeneya ne Shelebaya ne Hodiya ne Shebanya ne Petehiya, bakamba ne, Jukai bienu, nuvudishile Yehowa Nzambi wenu disanka ku tshibangidilu tô ne kunshikidilu. Bavudishile dina diebe dia butumbi disanka, didi ditumbishibue ha mutu ha masanka onso ne butumbi buonso.

Yobe 1:21

Wakamba biandi ne, Nakaluhuka mu difu dia mamuʼanyi butaka, nempingane butaka. Yehowa wakampa bintu, Yehowa wakangata bintu; dina dia Yehowa ditumbishibue.

Misambu 18:46

Yehowa udi ne muoyo; dibue dianyi divudishibue disanka, ne Nzambi wa luhandu luanyi atumbishibue,

Misambu 68:35

Wewe Nzambi, udi ukuatshisha bantu buowa ne malu a ku miaba yebe ya tshijila, Nzambi wa Isalele, yeye udi uhesha bantu bandi bukole ne mukanda. Nzambi avudishibue disanka.

Misambu 72:19

Dina diandi dia butumbi divudishibue disanka tshiendelele; buloba bujima bûshibue tente ne butumbi buandi. Amen ne Amen.

Misambu 86:15

Kadi wewe, Mukelenge, udi Nzambi udi ufuila bantu luse ne diakalengele; udi ne lutulu ludi lukanda tshiji tshiebe, udi mûle tente ne luse lujalame ne lulamatu lua bushuwa.

Misambu 86:5

Bualu bua wewe, Mukelenge, udi muimpe, ne mutshima webe udi musue kubuikidila bantu mihi yabo; udi mûle tente ne luse lujalame kudi bonso badi bakubikila,

Yeshaya 66:13

Bu mudi muntu udi mamuʼandi usamba, nennusambe muomumue; nenusambibue mu Yelushalema.

Danyele 4:34

Hakahita matuku â, meme, Nebukadenesâ, nakabanduluka ne nakatangisha mesu anyi mu diulu; meji anyi akahingana kundi. Nakavudishila Mutambe Bunene wa mu diulu disanka, nakamutumbisha ne nakamunemeka, Yeye udi ne muoyo tshiendelele. Bualu bua bukokeshi buandi budi bukokeshi bua tshiendelele, ne bukelenge buandi budi bujalame ku tshikondo ku tshikondo.

Danyele 9:9

Kudi Mukelenge Nzambi wetu kudi luse ne kujimisha kua mibi yetu, bualu bua tuakumutombokela.

Mika 7:18

Neanyi udi Nzambi bu wewe, udi ubajimishila bubi, udi ulekelela difuka dia buhianyi buandi bubi bua ditomboka diabo? Yeye kena ushala ne tshiji tshiendelele, bualu bua udi usanka bua kulesha bantu luse lujalame.

Yowanane 10:30

Meme ne Tatu tudi bamue.

Yowanane 20:17

Yesu wakamuambila ne, Kundengi tshianza, bualu bua tshiena muanze kuya kulu kudi Tatu; ya kudi bana betu, ubambile ne, Ndi nya kulu kudi Tatu wanyi ne Tatu wenu, kudi Nzambi wanyi ne Nzambi wenu.

2 Korente 11:31

Nzambi, Tatu wa Mukelenge Yesu, nyeye udi mutumbishibue tô ne bikondo bionso, udi mumanye ne tshiena nshima.

2 Korente 7:6

Kadi Nzambi, udi usamba bantu buhuekela, wakatusamba mu kulua kua Tito;

Efeze 1:17

bua Nzambi wa Mukelenge wetu Yesu Kilisto, Tatu wa butumbi, anuhe nyuma wa meshi ne wa dibuluila mu dimumanya dienu;

Efeze 1:3

Nzambi, Tatu wa Mukelenge wetu Yesu Kilisto atumbishibue, wakatuvuidishila masanka onso a Nyuma mu miaba ya mu diulu mu Kilisto;

Filipe 2:11

ne bua ndimi yonso yambe hatoke ne Yesu Kilisto udi Mukelenge, tô ne ku butumbi bua Nzambi Tatu.

Kolose 1:3

Tudi tusakidila Nzambi, Tatu wa Mukelenge wetu Yesu Kilisto, tudi tunulombela Nzambi misangu yonso.

1 Petro 1:3

Batumbishe Nzambi udi kabidi Tatu wa Mukelenge wetu Yesu Kilisto, nyeye wakatulela tshiakabidi bu mudi luse luandi lunene, bua kutuheye ditekemena didi ne muoyo bua dibika dia Yesu Kilisto dia ku bafue;

2 Yone 1:4

Nakasanka bikole bualu bua nakusangana bana bebe bakuabo benda mu bushua, bu mutuakangata mukenshi kudi Tatu.

2 Yone 1:9

Muntu yonso udi uya ku mpala ne udi kai muikale mu diyisha dia Kilisto kena ne Nzambi; kadi utu wikala mu diyisha dia Kilisto, yeye udi ne Tatu ne Muana kabidi.