2 Korente 1:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Bualu bua ditumba dietu didi bualu ebu, tshimanyishilu tshia muoyo-mukese wetu ne, Tuetu tuakenda munkatshi mua ba ha buloba ne bienzedi bia tshijila ne bia hatoke bia Nzambi, kemu meshi a bantu kadi mu ngasa wa Nzambi, ne tuakatamba kuenda nunku munkatshi muenu.

MUKANDA WA MYIDI MUKULU

¹² Tudi mua kuditemba, bualu kondu ken ka munda kadi kanjadikila ne: ndi bende panu, nangananga munkatshi muenu, ne muoyi wa didipuekesha, kanyi ndinga bann, balonde bidi Mvidi Mukulu wenza. Nanku tshivua tshindudika ki mmeji a bann nansha, kadi amu dinanga didi Mvidi Mukulu utunanga nadi.

2 Korente 1:12 ပူးပေါင်းရင်းမြစ်များ

2 Samuele 22:22

Bualu bua meme nakalamata nshila ya Yehowa; tshiakenza bibi bua kusesuka kudi Nzambi wanyi.

Yobe 13:15

Monai, yeye neanshihe; tshiena ne ditekemena; kadi nennanukile kudijidila ku mesu kuandi bua bienzedi bianyi.

Yeshaya 38:3

Wakamba ne, Yehowa, ndi nkusengelela ne, Uvuluke munakuenda ku mpala kuebe mu bushuwa ne mu buakane bua mutshima, ne munakuenza malu akadi mimpe ku mesu kuebe. Hezikiya wakadila bikole.

Bienzedi 23:1

Paulo wakatangila balumbuludi talala, wakamba ne Bana betu, nakadi muikale ne mutshima muakane ku mesu kua Nzambi tô ne ku dituku edi.

Bienzedi 24:16

Bua bualu ebu ndi ndienzesha matuku onso bua kuikala bianyi ne mutshima udi kawi ne tshilema kudi Nzambi ne kudi bantu.

Rome 9:1

Ndi ngamba bualu bulelela mu Kilisto, tshiena nshima; muoyomukese wanyi udi umanyishangana nʼanyi mu Nyuma Muimpe ne,

1 Korente 1:17

Bualu bua Kilisto kakantuma bua kubatiza, kadi wakantuma bua kuamba lumu luimpe; kembua kuamba mu lungenyi lua mei, bua mutshi mutshiamakane wa Kilisto kauvuishibu bu tshintu tshia hatuhu.

1 Korente 12:8

Bua mukuabo udi uhebua dî dia meshi kudi Nyuma; mukuabo, dî dia lungenyi kudi Nyuma muomumue;

1 Korente 15:10

Kadi bualu bua ngasa wa Nzambi ndi bu mundi emu; ne ngasa wandi kundi kakalua hatuhu, bualu bua meme nakatamba buonso buabo kuenza mudimu; kadi kememe nkayanyi, kadi ngasa wa Nzambi wakadi nʼanyi.

1 Korente 2:13

Tudi tuamba malu â, kemu mei adi meshi a bantu atuyisha, kadi mu mei adi Nyuma Muimpe utuyisha; tudi tujingulula malu a Nyuma ne mei a Nyuma.

1 Korente 4:4

Bua tshiena munvue munda tshindi mua kudihisha nʼatshi, kadi tshiena mbingishibua bua bualu ebu; kadi udi undumbuluisha udi Mukelenge.

1 Korente 5:8

Nunku tuikale tudie bidia bia disanka edi; katudidî ne luevene lukulukulu, anyi luevene lua meshi mabi ne lua malu mabi, kadi tudie disanka ne bidia bidi kabi ne luevene, bia malu a hatoke ne a bushua.

2 Korente 1:17

Hanakadi ngelangana meshi nunku, nakadi ne kutatakana, anyi? Malu andi musue kuenza, ndi musue anu bu ba ha buloba, badi bamba ne, E, E, ne Nasha, Nasha, anyi?

2 Korente 11:3

Kadi ndi ntshina ne, Bu muakadi nyoka udinga Eva ne budimu buandi, bumue meshi enu neahambuishibue ku dilamata diau ne butoke buau bidi kudi Kilisto.

2 Korente 2:17

Bualu bua tuetu katuena bu ba bungi badi banyanga dî dia Nzambi! kadi mu Kilisto tudi tuamba dî ne mitshima mitoke bu mutudi ba kudi Nzambi ne ku mesu kua Nzambi.

2 Korente 4:2

kadi tuakahidia malu masokome a bundu, katuena tuendakana ne budimu, katuena tudinga bantu ne dî dia Nzambi, kadi tudi tudianyisha ku dimuenesha dia bushua ku muoyo-mukese wa muntu yonso ku mesu kua Nzambi.

2 Korente 8:8

Ndi ngamba, kembu mukenshi, kadi bua kujadika bushua bua dinanga dienu ku disuminyina dia bakuabo.

Ngalate 6:4

Kadi muntu ne muntu adijadikile mudimu wandi, nunku neamanye mua kuditumbisha bua bualu buandi, kembualu bua mukuabo.

Efeze 6:14

Nunku imanai bienu, bamane kusuika bulelela mu bifuka bienu bu mukaba, bamane kuteka buakane bu tshibuikilu tshia ha tshiadi;

Filipe 1:10

bua nuenu mimanye mua kujadika malu adi makane; ne bua nuenu nuikale ne mitshima mitoke, kanui balenduishi ba bakuabo, tô ne halua dituku dia Kilisto;

1 Tesalonike 2:10

Nuenu nudi bamanyi ne Nzambi udi mumanyi kabidi bu mutuakanuenzela nuenu badi bitabusha malu a tshijila ne adi makane ne adi kâi mua kubandibua;

1 Timote 1:5

Kadi tshidi mukenshi eu ukeba kuheta ndinanga dia mu mutshima mutoke ne dia mu muoyomukese muimpe ne dia mu ditabusha didi kadi ne lubombo.

Tite 2:7

Wewe udileshe kudibo bu tshifuanyikishi mu midimu mimpe yonso; mu diyisha diebe kaikadi muoneke, wikale mudiholeshe,

Ebrewu 13:18

Nutulombele Nzambi; bua tudi tuitabushishibua ne tudi ne mioyomikese mimpe, tudi basue kuenda bimpe mu malu onso.

Yakobe 4:6

Kadi yeye udi utuha ngasa muhite. Nunku Makanda wa Nzambi udi wamba ne, Nzambi udi uhidia badi badisue, kadi udi uha badi badihuekesha ngasa.

Yoshua 24:14

Nunku nutshine Yehowa, numukuatshile mudimu ne muoyo wonso udi kauyi ne lubombo, nûmushe nzambi yakakuatshila bankambua bena mudimu dishiya dia musulu wa Pelata ne mu Ejipitu; nukuatshile Yehowa mudimu.

1 Petro 3:16

Nuikale ne muoyomukese muimpe, bua, mu bualu budibo banusonguela, bobo badi bahenda bienzedi bienu bimpe binudi nʼabi mu Kilisto bafuishibue bundu.

1 Petro 3:21

mai â kabidi adi tshifuanyikishi tshia adi atusungila katataka, nkubatiza mene, kembua diuvua dia manyanu a mubidi, kadi bua dikeba dia muoyo-mukese muimpe kudi Nzambi, bua dibika dia Yesu Kilisto ku lufu;