2 Bakalenga 9:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hashishe Yehu wakahingana kudi bantu ba mukelenge wandi; umue wabo wakamuebesha ne, Malu kai? Muntu au muhote wakakufila bua tshinyi? Yeye wakabambila ne, Nuenu nudi bamanye muntu au ne mei akadiye wamba.

MUKANDA WA MYIDI MUKULU

¹¹ Ke Yehu kupatuka, kupingana muaba uvua balombodi bakuabu ba mukalenga. Balombodi abu kumukonka ne: — Malu kaayi? Muntu mutomboke ewu uvua mulue kukuambila tshinyi? Yehu kuandamuna ne: — To, ki mmuambe bualu to! Nudi bamanye malu adibu bamba kudi bambi ba mushindu ewu.

2 Bakalenga 9:11 ပူးပေါင်းရင်းမြစ်များ

2 Bakalenga 4:26

ndi nkusengelela ne, Ya lubilu kusangakena nʼandi, umuebeshe ne, Udi bimpe, anyi? Bayebe udi bimpe, anyi? Muana udi bimpe, anyi? Yeye wakamuambila ne, Mbimpe.

2 Bakalenga 5:21

Nunku Gehazi wakalonda Nâmana. Hakatangila Nâmana muntu wakadi umulonda, wakatuluka mu dikalu diandi bua kusangakeneye nʼandi, wakamuebesha ne, Malu kai?

2 Bakalenga 9:12

Bobo bakamba ne, Yeye udi ushima, utuambile. Yeye wakamba ne, Yeye wakungambila nunku ne, Yehowa udi wamba ne, Nakukusungula mukelenge ku mutu kua Bena Isalele.

2 Bakalenga 9:17

Mutentekedi wakadi wimana ha tshibumba tshia mu Yizelele, wakatangila Yehu ne bantu bandi hakadibo balua mu nshila, wakamba ne, Ndi mutangile tshisumbu tshia bantu. Yolama wakamba ne, Tuma muntu ha nyima ha kabalu bua kusangileye nʼabo, abebeshe ne, Nulualua talalâ, anyi?

2 Bakalenga 9:19

Hashishe bakatuma muntu muibidi ha nyima ha kabalu; hakafikeye kudibo, wakamba ne, Mukelenge udi ukonka ne, Nulualua talalâ, anyi? Yehu wakamuebesha ne, Udi ukeba ditalala bua tshinyi? Londa ku nyima kuanyi.

2 Bakalenga 9:2

Hawafikaku, ukebe Yehu, muana wa Yehoshafata, muana wa Nimishi; ubuele mu nsubu, umujule munkatshi mua bana babo, uye nʼandi mu nsubu wa munda.

2 Bakalenga 9:22

Hakatangila Yolama Yehu, yeye wakamuebesha ne, Yehu, ulualua talalâ, anyi? Yeye wakamukudimuna ne, Tudi ne ditalala kudi kunyi hatshidi malu a masandi a mamu webe ne mbuku yandi bikumbane bia bungi?

Yeshaya 59:15

Bulelela, bushuwa kabuena bumueneka, ne muntu udi wehuka ku malu mabi udi udivuisha tshintu tshia kuhaulabo. Yehowa wakatangila bualu ebu, ne buakamufikisha munda ne, Kulumbulula kuakane kakuenaku.

Yirmeya 29:26

Yehowa wakukusungula bu muakuidi mu muaba wa Yehoyada muakuidi, bua balombodi bikale mu nsubu wa Yehowa ne ha mutu ha muntu yonso munale udi udivuisha muprofete ne bua kumubuesha mu nkanu ne mu tshikunyi.

Osheya 9:7

Matuku a kubakengesha akufika, matuku a kubafuta akulua; Bena Isalele nebamanye muanda eu ne, Muprofete udi muhote, muntu udi ne nyuma udi muhale, bualu bua bubi buenu buvule, ne bualu bua lukuna luenu ludi lukole.

Marke 3:21

Hakunvua balunda bandi bualu ebu, bakaya bua kumuangata, bakamba ne, Yeye udi mubale.

Yowanane 10:20

Ba bungi bakamba ne, Udi ne demon munda, udi muhale; nudi nunvuila dî diandi tshinyi?

Bienzedi 17:18

Bakuabo ba munkatshi mua bena meshi ba Epikuleo ne ba Stoiko ba alua kuelangana nʼandi mpata. Bakuabo bakakonka ne, Muena tshiakulakula au neambe tshinyi? Bakuabo kabidi bakamba ne, Yeye udi bu muambi wa malu a nzambi ya bende, bualu bua yeye wakadi wamba bua Yesu ne bua dibika dia ku lufu.

Bienzedi 26:24

Hakadiye udividila nunku, Festo wakela dî diandi bikole ne, Paulo wewe udi muhale, lungenyi luebe lua bungi ludi lukuhadisha.

1 Korente 4:10

Tuetu tudi bahote bualu bua Kilisto, kadi nuenu nudi bena lungenyi mu Kilisto; tuetu tudi batekete, kadi nuenu nudi bakole, nuenu nudi ne butumbi, kadi tuetu tudi bahetudibua.

2 Korente 5:13

Bituikala ne meshi matshimbakane, budi bua Nzambi; anyi bituikala ne mitshima mihole, budi bua bualu buenu.