2 Bakalenga 8:28 - Mukanda wa Nzambi Dihungila Dikulukulu ne Dihungila Dihia-dihia 2003

²⁸ Yeye wakaya ne Yolama, muana wa Ahaba, bua kuluanganabo ne Hazaele, mukelenge wa Sulia, ku Lamota-gilada; Bena Sulia bakataha Yolama mputa.

MUKANDA WA MYIDI MUKULU

²⁸ Yorame, muana wa Akabe, ne Akaziya mukalenga wa bena Yuda, kuya mu tshimenga tshia Ramote, mu ditunga dia Ngilaade, bua kuluisha Azayele, mukalenga wa bena Siriya. Mu mvita, bena Siriya kutapa mukalenga Yorame mputa.

2 Bakalenga 8:28 ပူးပေါင်းရင်းမြစ်များ

1 Bakalenga 19:17

Hashishe muntu udi uhanduka ku muele wa nvita wa Hazaele, Yehu neamushihe; muntu udi uhanduka ku muele wa nvita wa Yehu, Elisha neamushihe.

1 Bakalenga 22:29

Nunku mukelenge wa Isalele, ne Yehoshafata, mukelenge wa Yuda, bakaya kuluangana ne Bena Lamota-gilada.

1 Bakalenga 4:13

Bene-gebê, wa mu Lamota-gilada, (wakadi ne misoko ya Yaî, muana wa Manashe, idi mu Gilada; ne buloba bua Âgoba bua mu Bashana, misoko makumi asambombo yakadi ne ngumbu ne bibi bia tshiamu tshia mitaku);

2 Bakalenga 3:7

Wakatuma mukenji kudi Yehoshafata, mukelenge wa Yuda, wamba ne, Mukelenge wa Moaba wakuntombokela, wewe neuye nʼanyi bua kuluangana ne Bena Moaba, anyi? Wakamukudimuna ne, Tuyaya nʼebe! Meme ndi bu wewe, bantu banyi badi bu bantu bebe, tubalu tuanyi tudi bu tubalu tuebe.

2 Bakalenga 8:15

Hakatshiabu, Hazaele wakangata tshilulu tshia ha bulalu, wakatshina mu mai, wakatshibuikila ha mpala ha Bene-hadada tô ne hakafueye. Hazaele wakakokesha mu muaba wandi.

2 Bakalenga 8:29

Mukelenge Yolama wakaya ku Yizelele bua kumuondahabo mputa yakamutaha Bena Sulia mu Lama, hakaluanganeye ne Hazaele, mukelenge wa Sulia. Ahazaya, muana wa Yeholama, mukelenge wa Yuda, wakayaku bua kutangila Yolama, muana wa Ahaba, mu Yizelele, bualu bua yeye wakadi usama.

2 Bakalenga 9:1

Elisha wakabikila umue wa bana ba baprofete, wakamuambila ne, Suika mukaba webe, wangate kalondo aka ka manyi mu tshianza tshiebe, ya biebe ku Lamota-gilada.

2 Bakalenga 9:14

Nunku Yehu, muana wa Yehoshafata, muana wa Nimishi, wakelela Yolama tshifufu. Yolama ne Bena Isalele bonso bakadi halama Lamota-gilada bualu bua Hazaele, mukelenge wa Sulia;

2 Bakalenga 9:15

kadi mukelenge Yolama wakahingana ku Yizelele bua kumuondahabo mputa wakamutahabo kudi Bena Sulia, hakuluanganeye ne Hazaele, mukelenge wa Sulia. Yehu wakamba ne, Bikala bualu ebu mu mitshima yenu, muntu kumuki mu musoko hua kuambeye bualu ebu mu Yizelele.

2 Bakalenga 9:16

Nunku Yehu wakabanda mu dikalu diandi, wakaya ku Yizelele. Ahazaya, mukelenge wa Yuda, wakamana kuyaku bua kutangileye Yolama.

2 Kulondolola 18:31

Hashishe bakamona tupitene tua makalu Yehoshafata, tuakambilangana ne, Kayeu mukelenge wa Isalele. Nunku tuakamunyungulula bua kuluangana nʼandi; kadi Yehoshafata wakadila kudi Yehowa, ne Yehowa wakamukuatshisha; Nzambi wakabenzesha bua bobo kumukabo kudiye.

2 Kulondolola 19:2

Yehu, muana wa Hanani, mumonyi wa malu a Nzambi, wakaya kusangakena nʼandi, wakambila mukelenge Yehoshafata ne, Bûdi nʼabu mbua kukuatshisha bantu babi ne bua kunanga badi ne Yehowa lukuna, anyi? Bua bualu ebu Yehowa wakakulesha tshiji tshiandi.

2 Kulondolola 22:5

Yeye wakalonda mei abo, wakaya ne Yeholama, muana wa Ahaba, mukelenge wa Isalele, bua kuluangana ne Hazaele, mukelenge wa Sulia, ku Lamota-gilada; Bena Sulia bakataha Yolama mputa.

Yoshua 20:8

Dishiya dia Yadene ku Yeleko ku esete bakasungula Besê wa mu tshihela tshia mu mpata wa tshisamba tshia Bena Lubena, ne Lamota wa mu Gilada wa mu tshisamba tshia Bena Gada, ne Golana wa mu Bashana wa mu tshisamba tshia Bena Manashe.

Yoshua 21:38

Munkatshi mua tshisamba tshia Gada: Lamota wa mu Gilada ne miaba ya ku matshika, tshimenga tshia kunyemenabo kudi mushihianganyi, ne Mahanayima ne miaba ya ku matshika,