2 Bakalenga 7:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Umue wa bantu bandi wakamuambila ne, Ndi nkusengelela ne, Witabushe bua bangate tubalu tutanu tudi tushala mu musoko, bualu bua tubalu tudi bu tshisumbu tshia Bena Isalele tshidi tshishala, ludi bu tshisumbu tshia Bena Isalele tshiakadia; tubatume, batangile bualu ebu.

MUKANDA WA MYIDI MUKULU

¹³ Mulombodi mukuabu wa mu bukalenga, kupesha mukalenga Yorame meji, umuambila ne: — Tuangate nyama yetu ya tubalu itanu itshidi ne muoyi, (nyama ayi ikadi pa kufua, bu mudi bantu ba mu tshimenga). Tutume bantu bakuabu baye ne nyama ayi bua tumone tshidi mua kuenzeka.

2 Bakalenga 7:13 ပူးပေါင်းရင်းမြစ်များ

2 Bakalenga 5:13

Hashishe bantu bandi bakasemena ha buihi nʼandi, bakamukonka ne, Tatu wetu, bu muprofete mukuambile bua wewe kuenza bualu bunene, kuakadi kubuenza, anyi? Bualu budi butamba kukutonda muakuambeye ne, Wowe mai, wikale muakane, munyi?

2 Bakalenga 6:33

Hakatshidiye uyikila nʼabo, mukelenge wakamueneka kudiye; yeye wakamba ne, Bualu bubi ebu buakafuma kudi Yehowa. Bualu kai bundi nʼabu mbua kuindila Yehowa kabidi musangu mule?

2 Bakalenga 7:12

Mukelenge wakabika butuku, wakambila bantu bandi ne, Nennuambile bu muakatuenzela Bena Sulia. Badi bamanye ne, Tuetu tudi ne nzala; nunku bakumuka mu tshitudilu tshiabo, bakasokoma mu mpata, bamba ne, Haluhukabo, netubakuate ne muoyo, netubuele mu musoko.

2 Bakalenga 7:14

Nunku bakangata makalu abidi ne tubalu, mukelenge wakatuma bantu ku nyima kua Bena Sulia ne, Yai, nutangile bualu ebu.

2 Bakalenga 7:4

Bituanua ne, Netubuele mu musoko, ka tshiole tshidiku, netufuileku; bituashikama kunoko tshianana, netufuile kabidi. Nunku tuye bietu kudi masalayi a Bena Sulia; biatusungilabo, netuikale ne muoyo; biatushihabo, netufue.

Yirmeya 14:18

Binaya mu budimi, monai, bashihibue ku muele wa nvita badimu! Binabuela mu musoko, monai, badi balekesha kudi tshiole badimu! Bualu bua muprofete ne muakuidi, bubidi buabo, badi bendakana mu buloba batatakana kabayi ne lungenyi.

Muadi 4:9

Diakalengele dia badi bashihibue ku muele wa nvita didi dihita dia badi bashihibue ne nzala buakane; bua badi baleuka, bateketa-teketê, bualu bua kabena ne bintu bia mu madimi.