2 Bakalenga 6:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Tshiole tshinene tshiakadi mu Samalea; bakatshintshimika musoko tô ne hakahanabo mutu wa nyama wa mpunda ku nshekele ya argent makumi muanda mukulu, ne tshituha tshinai tshia bibuelelu bia nyunyu wa nkutshi ku nshekele ya argent itanu.

MUKANDA WA MYIDI MUKULU

²⁵ Mu tshimenga atshi, muvua tshiyole tshia nzala tshikole tshitambe. Bualu bena mvita abu, bavua balama tshimenga atshi bikole. Nanku bena tshimenga kusumbishangana mutu wa nyama wa mpunde, ku nkanu mitoke ya mushinga mukole muanda mukulu, ne kilo umue wa nkunde ku nkanu mitoke ya mushinga mukole itanu.

2 Bakalenga 6:25 ပူးပေါင်းရင်းမြစ်များ

Genese 41:55

Hakamueneka nzala mu buloba bua Ejipitu, bantu bakadidila Palô ne, Utuhe bia kudia Palo wakambila Bena Ejipitu bonso ne, Yai bienu kudi Yosefe, nuenze malu adiye wamba.

1 Bakalenga 18:2

Eliya wakaya bua kudimuenesha kudi Ahaba. Tshiole tshiakatamba bukole mu Samalea.

2 Bakalenga 25:3

Mu difuku dia tshitema dia ngondo muinai tshiole tshiakatamba bukole mu musoko; nunku bena buloba kabakadi ne bia kudia.

2 Bakalenga 6:26

Hakadi mukelenge wa Isalele wendakana ha mutu ha lumbu lua musoko, mukashi mukuabo wakadila kudiye ne, Mukelenge, unkuatshishe.

2 Bakalenga 7:12

Mukelenge wakabika butuku, wakambila bantu bandi ne, Nennuambile bu muakatuenzela Bena Sulia. Badi bamanye ne, Tuetu tudi ne nzala; nunku bakumuka mu tshitudilu tshiabo, bakasokoma mu mpata, bamba ne, Haluhukabo, netubakuate ne muoyo, netubuele mu musoko.

2 Bakalenga 7:4

Bituanua ne, Netubuele mu musoko, ka tshiole tshidiku, netufuileku; bituashikama kunoko tshianana, netufuile kabidi. Nunku tuye bietu kudi masalayi a Bena Sulia; biatusungilabo, netuikale ne muoyo; biatushihabo, netufue.

Yirmeya 14:18

Binaya mu budimi, monai, bashihibue ku muele wa nvita badimu! Binabuela mu musoko, monai, badi balekesha kudi tshiole badimu! Bualu bua muprofete ne muakuidi, bubidi buabo, badi bendakana mu buloba batatakana kabayi ne lungenyi.

Yirmeya 32:24

Tangila, mishiki ya buloba ya kutshintshimika nʼai musoko idiku; ne bua bukole bua muele wa nvita, tshiole ne tshihuhu, badi bamba kufila bena musoko mu bianza bia Bena Kasada hadi babaluisha. Malu awakuamba ne, Neafike, akufika; monai, wewe wakuatangila.

Yirmeya 52:6

Mu ngondo muinai, mu dituku dia tshitema dia mu ngondo eu, tshiole tshiakadi tshikole mu musoko ne kakuakadi bia kudia bua bena buloba kudia.

Yezekiyele 4:17

tô ne haluabo kukengela bia kudia ne mai a kunua, ne bua muanda eu nebatangilangane bafue mikemu, nebatekete-teketê bua kukengeshibua kuabo.

Lewitiki 26:26

Hanakehesha bintu bienu bia kudia, bakashi dikumi nebalambe bidia mu luesu lumue, bobo nebanuhimine bintu bia kudia mu tshihimu, nuenu nenuhidie kadi kanuena nukuta.