2 Bakalenga 6:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Elisha wakatendelela Yehowa ne, Ndi nkusengelela ne, Utabashe mesu andi bua yeye amone. Yehowa wakatabasha mesu a nsongalume, wakamona mikuna miule tente ne tubalu ne makalu a kahia binyunguluka Elisha.

MUKANDA WA MYIDI MUKULU

¹⁷ Muambi Elisha kutendelela Maweja-Nangila, wamba ne: — Maweja-Nangila, tabaja mesu a muena mudimu ewu bua kumonaye. Maweja-Nangila kutabaja mesu a muena mudimu wa muambi Elisha. Muena mudimu kumona muambi Elisha, bamuela munkatshi kudi mikuna, pa mikuna apu pikala nyama ya tubalu ya bungi, ne matempu a mvita atema kapia.

2 Bakalenga 6:17 ပူးပေါင်းရင်းမြစ်များ

Genese 21:19

Nzambi wakatabasha mesu andi, yeye wakamona mushimi wa mai, yeye wakaya, wakasuna mai mulondo tente, wakanuisha nsongalume mai.

Genese 32:1

Yakoba wakaya mu nshila wandi ne banjelo ba Nzambi bakasambakena nʼandi.

Genese 32:2

Hakabamona Yakoba, yeye wakamba ne, Ebi mbisumbu bia banjelo ba Nzambi, Wakabikila muaba au ne, Mahanayima.

Genese 32:3

Yakoba wakatuma miloho ku mpala kuandi kudi Esau mukuluʼandi mu buloba bua Seî, buloba bua Edome.

2 Bakalenga 2:11

Hakatshidibo benda bayikila, monai, dikalu dia kahia ne tubalu tua kahia biakamueneka, biakabahandulula, ne Eliya wakabandishibua mu diulu mu nvunde.

Misambu 104:3

Udi ujadika makunshi a nsubu wandi wa mulu mu mai, udi uvuisha matutu bu dikalu diandi, udi wendakana ha mahuahua a luhehele.

Misambu 104:4

Udi uvuisha mpehele bu ba-messager bandi, ne ndimi ya kahia bu bakuatshi bandi ba mudimu.

Misambu 119:18

Utabashe mesu anyi, bua meme kumona malu a kukema a mu mikenji yebe.

Misambu 125:2

Bu mudi mikuna inyunguluka Yelushalema, mbu mudi Yehowa unyunguluka bantu bandi ku dituku edi tô ne tshiendelele.

Misambu 34:7

Muanjelo wa Yehowa udi wasa tshitudilu tshiandi tshinyunguluke badi bamutshina, udi ubasungila.

Misambu 68:17

Makalu a nvita a Nzambi adi binunu makumi abidi, adi binunu ha mutu ha binunu mene. Mukelenge udi munkatshi muau; ku Sinai udi mu muaba wandi wa tshijila.

Misambu 91:11

Bualu bua yeye neakufile mu bianza bia banjelo bandi kukulamabo mu nshila yebe yonso.

Misambu 91:15

Hambikileye, nengitabe kudiye; nengikale nʼandi habueleye mu dikenga, nemmuhandishe, nemmutumbishe.

Yeshaya 42:7

bua kutabasha mesu a bafofo, bua kuhatula bena lukanu mu tshina tshia lukanu, ne bua kumusha badi bashikame mu midima mu nsubu wa lukanu.

Danyele 10:7

Meme Danyele, nkayanyi nakamona tshikena kumona; bantu bakadi nʼanyi kabakamona tshikena kumona etshi, kadi kuzakala kukole kuakabakuata, bakanyema bua kusokoma.

Zekâya 1:8

Bufuku abu nakamona, ne tangilai, muntu wenda ha nyima ha kabalu kakunze; wakadi muimane munkatshi mua mitshi ya myrtres mu muaba wa dileshi, ne ku nyima kuandi kuakadi tubalu: tukunze, tukunzubile ne tutoke.

Dibadika 22:31

Yehowa wakabidika mesu a Belâma, ne yeye wakamona muanjelo wa Yehowa muimane mu nshala, ne muele wa nvita mu tshianza tshiandi, yeye wakinama mutu wandi, wakatua mpala hanshi.

Matayi 26:53

Udi welangana meshi ne, Meme tshiena mumanye mua kulomba Tatu wanyi, yeye ampe banjelo batambe binunu makumi muanda mutekete ne bibidi, anyi?

Bienzedi 26:18

bua wewe kubulula mesu abo, bakome nyima ku midima batangile ku munya, bakoma nyima ku bukole bua Satana batangile kudi Nzambi, bua bobo bahete dijimisha dia mibi yabo ne buhianyi munkatshi mua badi balengeshibue ku ditabusha didibo bangitabusha nʼadi.

Efeze 1:18

ne bua yeye anumunyikile mesu a mu mitshima yenu, bua nuenu kumanya didi ditekemena dia kunubikila kuandi, ne budi bubanshi bua butumbi bua buhianyi buandi mu basanto,

Ebrewu 1:14

Banjelo bonso kabena nyuma mukuatshishi mitumibue bua kukuatshilabo badi bamba kuhiana luhandu mudimu, anyi?

Didimanyisha 19:11

Nakatangila diulu dibululuke; ne mona, kabalu katoke, ne wakadi ushikama ba nyima haku wakabikidibua ne, Wa Kueyemena ne Mulelela; ne mu buakane buandi udi ulumbuluisha ne udi uluangana nvita.

Didimanyisha 19:14

Bena nvita ba mu diulu bakamulonda ba nyima ha tubalu tutoke, baluatshisha bilulu bia line bitoke ne bilengele.

Didimanyisha 3:7

Fundila muanjelo wa ekelesia wa ku Filadelefia ne, Udi wa tshijila, udi wa bulelela, udi ne luvungula lua Davidi, udi unzulula ne kakuena udi winshila, udi winshila ne kakuena udi unzulula, udi wamba malu â ne,