2 Bakalenga 5:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Yeye wakamuitaba ne, Malu mimpe. Mukelenge wanyi wakuntuma kûdi bua kukuambila ne, Anu katataka bansongalume babidi ba bana ba baprofete ba ku mikuna ya Efelayima bakafika kundi; ndi nkusengelela ne, Bimpe ubampele ntalanta wa argent ne bilulu bibidi bitambe buimpe.

MUKANDA WA MYIDI MUKULU

²² Ngeyazi kuandamuna ne: — Malu mimpe. Mfumuanyi Elisha mmuntume anu bua kukuambila ne: bantu babidi ba mu tshisumbu tshia bambi, mbafike ku nzubu kuende, bafumine mu buloba bua mikuna ya Efrayime. Elisha udi ukulomba bua ufumine bambi abu biamu bitoke bia mushinga mukole kilo makumi asatu, kabidi ne bilamba bibidi bia kuvuala dituku dia tshibilu.

2 Bakalenga 5:22 ပူးပေါင်းရင်းမြစ်များ

1 Bakalenga 13:18

Yeye wakamuambila ne, Kadi meme ndi muprofete bu wewe: muanjelo wakangambila dî ma Yehowa ne, Uhingane nʼandi mu nsubu webe, adieku, anueku. Kadi yeye wakamushima.

1 Bakalenga 20:35

Muntu mukuabo wa bana ba balume ba baprofete wakambila mukuandi dî dia Yehowa ne, Ndi nkusengelela ne, Untute. Kadi muntu wakahidia kumututa.

1 Bakalenga 20:39

Hakahita mukelenge, yeye wakadila kudi mukelenge, wakamba ne, Muntu webe wakaya munkatshi mua nvita; mona, muntu mukuabo wakalua kundi ne munga muntu, wakangambila ne, Ulame muntu eu; biajimineye, nebalombe muoyo webe ku muoyo wandi, anyi wewe neufute ntalanta wa argent.

2 Bakalenga 2:15

Hakamutangila bana balume ba baprofete bakadi ku Yeleko, bakambilangana ne, Nyuma wakadi nʼandi Eliya wakatulukila Elisha. Bakalua kumuakidila. Bakinama hanshi ku mpala kuandi.

2 Bakalenga 2:3

Bana balume ba baprofete bakadi ku Betele, bakalua kudi Elisha, bakamuebesha ne, Udi mumanye ne, Yehowa neumushe mukelenge webe ku mutu kuebe lelu, anyi? Yeye wakabambila ne, E, ndi mumanye, nuanji kuhuwa.

2 Bakalenga 2:5

Bana balume ba baprofete ba mu Yeleko bakaluhuka kudi Elisha, bakamuebesha ne. Udi mumanye ne, Yehowa neumushe mukelenge webe ku mutu kuebe lelu, anyi? Yeye wakabambila ne, E, ndi mumanye, nuanji kuhuwa.

2 Bakalenga 2:7

Makumi atanu ba bana balume ba baprofete bakaya, bakimana ha bule buludiludi nʼabo, bubidi buabo bakimana hehi ne Yadene.

2 Bakalenga 4:26

ndi nkusengelela ne, Ya lubilu kusangakena nʼandi, umuebeshe ne, Udi bimpe, anyi? Bayebe udi bimpe, anyi? Muana udi bimpe, anyi? Yeye wakamuambila ne, Mbimpe.

2 Bakalenga 5:21

Nunku Gehazi wakalonda Nâmana. Hakatangila Nâmana muntu wakadi umulonda, wakatuluka mu dikalu diandi bua kusangakeneye nʼandi, wakamuebesha ne, Malu kai?

2 Bakalenga 5:25

Yeye wakabuela mu nsubu, wakimana ku mesu kua mukelenge wandi, Elisha wakamuebesha ne, Gehazi, udi mufume kudi kunyi? Wakamuitaba ne, Muntu webe kakuya kuntu.

2 Bakalenga 5:5

Mukelenge wa Sulia wakamba ne, Nentumine mukelenge wa Isalele mukanda. Bakaya ne ntalanta dikumi ya argent ne nshekele ya or binunu bisambombo ne bilulu dikumi bitambe buimpe.

Yeshaya 59:3

Bualu bua bianza bienu bidi binyanguke ne mashi, minu yenu idi minyanguke ne malu mabi; mishiku yenu yakuakula mashimi, ndimi yenu idi yamba mei mabi.

Yirmeya 9:3

Yehowa udi wamba ne, Badi banana ndimi yabo bua kushimabo bu mudibo banana buta; bakulua bantu bakole mu buloba, kadi kabena ne bukole bua kunanukila mu buakane, bualu bua badi baya kuenza bualu bubi butentekasha ha mutu ha bualu bubi ne kabena bammanye meme.

Yirmeya 9:5

Muntu ne muntu neadinge muena mutumba nʼandi, kabena bamba dî dilelela; bakayisha ndimi yabo bua kuambayi mashimi; badi baditekesha ne kuenza kuabo kua malu mabi.

Yowanane 8:44

Nuenu nudi bana ba diabolo, tatu wenu, nudi basue kuenza bu mudi nkuka ya tatu wenu. Ku tshibangidilu yeye wakadi mushihianganyi, katu wimana mu bualu bulelela, bua yeye kena ne bualu bulelela munda muandi. Hambeye dî dia mashimi, udi wamba malu andi mene; bua yeye udi muena mashimi, ne udi tatu wau.

Yoshua 24:33

Eleazâ, muana mulume wa Alona, wakafua; bakamujika mu mukuna wa Pinehasa, muanʼandi mulume, wakamuhabo mu buloba bua Bena Efelayima.

Didimanyisha 21:8

Kadi bua badi ne buowa, ne badi kabai ne ditabusha, ne bena tshikama, ne bashihianganyi, ne bena masandi, ne bena muhongo, ne batendeledi ba mpingu, ne bena mashimi bonso, luseke luabo neluikale mu dishiba didi ditema ne kahia ne soufre; didi lufu luibidi.

Balombodi 14:12

Shimishona wakabambila ne, Ndi musue kunuebesha dijimbu, ne binuamanya mua kudijingulula mu matuku muanda mutekete a bidia bia disanka, binuadisokolola, nennuhe bilulu bia lin makumi asatu ne bilulu bikuabo makumi asatu;