2 Bakalenga 5:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Hashishe wakahueka, wakadila mu mai a Yadene misangu muanda mutekete bu muakadi dî dia muntu wa Nzambi; musunyi wakahingana bu wa muana mukese, wakadi muakane.

MUKANDA WA MYIDI MUKULU

¹⁴ Namane kuya ku Yardene, kudiina mu mayi misangu muanda mutekete, bu muvua muambi Elisha mumuambile. Nanku disama diende kujikadi. Dikoba diende kushala bu dia muana mutekete.

2 Bakalenga 5:14 ပူးပေါင်းရင်းမြစ်များ

1 Bakalenga 17:16

Bukula abu kabuakashika ne tuanyi tua mu kasu katuakakeha bu muakadi dî dia Yehowa diakambeye mukana mua Eliya.

2 Bakalenga 4:35

Wakajuka, wakendakana mu nsubu, wakabanda kabidi, wakadinana hamʼbidi na muana; muana wakela nyatshi misangu muanda mutekete, wakabulula mesu andi.

2 Bakalenga 5:10

Elisha wakatuma messager wandi kudiye ne, Ya, wowe mai mu Yadene misangu muanda mutekete, musunyi webe neulue kûdi kabidi; wewe newikale muakane.

2 Kulondolola 20:20

Bakabika hatshiatshia, bakaya ku tshihela tshia Tekoa; hakadibo baye, Yehoshafata wakimana, wakamba ne, Unvuai, Bena Yuda ne ba mu Yelushalema! Nueyemene Yehowa Nzambi wenu, bua nuenu nujadikibue; nuitabushe baprofete bandi, bua nuenu nuikale ne diakalengele.

Yobe 31:13

Bingikala muhetule tshilumbu tshia muhika wanyi mulume anyi mukashi, hakadibo balumbulula nʼanyi,

Yobe 33:25

Munyinyi wa hamʼbidi handi neuhite wa muana bulengele, udi uhingana ku matuku a bunsongalume buandi.

Ekesode 4:7

Yehowa wakamba ne, Teka tshianza tshiebe mu tshiadi kabidi. Yeye wakateka tshianza mu tshiadi kabidi, hakatshiumusheye mu tshiadi, tshianza tshiandi tshiakakudimuka bu muakadi mubidi wandi.

Nsumuinu 9:9

Uyishe muena meji, yeye neikale ne meji mahite a diambedi; uyishe muntu muakane, yeye neadiunde mu lungenyi.

Lewitiki 13:58

Biuvuwabo tshilulu nansha milongo ya buludi nansha milongo ya butshiama anyi tshintu tshia tshiseba, ne biajimina disama, nebatshiuvuwe musangu muibidi ne tshintu etshi netshikale tshiakane.

Zekâya 13:1

Mu dituku adi nebabuluile ba mu tshiota tshia Davidi ne ba mu Yelushalema mushimi wa mai, bua kubalengesha ku bubi ne ku malu a bukoya.

Zekâya 14:8

Mu dituku adi mai a muoyo neahatuke mu Yelushalema; tshituha tshiau netshihueke ku mai manene a ku esete, ne tshituha tshiau tshikuabo netshihueke ku mai manene a ku wesete; bualu nebuikale nunku mu tshikondo tshia luya ne mu tshikondo tshia mashika.

Luke 4:27

Bena nsudi ba bungi bakadi mu Isalele mu matuku a muprofete Elisha; kadi bakuabo kabakalengeshibua, anu Nâmana Muena Sulia.

Luke 5:13

Yetu wakuolola tshianza tshiandi, wakamulenga ne, Ndi musue, wikale mulengeshibue. Nsudi yakamulekela lukasa.

Yowanane 2:5

Mamu wandi wakambila bena mudimu ne, Enzai muanuambileye.

Tite 2:14

Yeye wakadifila bua bualu buetu, bua kutuhikula ku malu mabi onso, ne bua kudilengeshila bantu badi mua kuikala bandi bine, bikala ne lukunukunu lua kuenza midimu mimpe.

Yoshua 6:4

Bakuidi muanda mutekete nebaye ne mpungi muanda mutekete ya nsengu ya bimpanga ku mpala kua mushete wa tshihungidi; dituku dia muanda mutekete nenunyunguluke musoko misangu muanda mutekete, ne bakuidi nebele mpungi.