2 Bakalenga 5:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Abana ne Pâpâ, misulu ya mu Damaseke, kayena mihite mai onso a mu Isalele buakane, anyi? Tshiena mumanye mua kuowamu mai, ngikale muakane, anyi? Wakasumba ne tshiji tshikole.

MUKANDA WA MYIDI MUKULU

¹² Abana ne Parpare, misulu ya mu Damase, kayena mipite misulu ya mu ditunga dia bena Izrayele anyi? Meme mowe mayi mu misulu yetu ayi, disama dianyi kadiena mua kujika anyi? Nanku Namane kupingana, mufike munda.

2 Bakalenga 5:12 ပူးပေါင်းရင်းမြစ်များ

2 Bakalenga 2:14

Wakangata tshikowelu tshia Eliya tshiakahona kudiye, wakatula ha mai, wakamba ne Yehowa, Nzambi wa Eliya, udi kudi kunyi? Hakatuteye ha mai, mai akahanduluka eku ne eku; Elisha wakasabuka.

2 Bakalenga 2:8

Eliya wakakohola tshikowelu tshiandi, wakatshivunga wakatula ha mai, ne mai akahanduluka eku ne eku; bubidi buabo bakasabuka ha buloba bûme.

2 Bakalenga 5:11

Kadi Nâmana wakadi ne tshiji, wakasumba, wakamba ne, Nakuelangana meji ne, Bulelela, yeye neahatuke kundi, neimane, neabiele dina dia Yehowa, Nzambi wandi, nealenge tshianza tshiandi ha muaba udi usama, neangondahe nsudi.

2 Bakalenga 5:17

Nâmana wakamba ne, Biwabenga, ndi nkusengelela ne, Bahe muntu webe maloba bu majitu adi mpunda ibidi mua kuambula; bualu bua muntu webe kena ufila mulambu kudi nzambi mukuabo, anu kudi Yehowa.

Nsumuinu 14:17

Udi ukuata tshiji lubilu udi wenza malu mahote, kadi muena lungenyi udi ne lutulu.

Nsumuinu 16:32

Udi kayi ukuata tshiji lubilu udi uhita muena bukitu buimpe, udi ukokesha muoyo wandi udi uhita munyengi wa musoko kutumba.

Nsumuinu 19:11

Lungenyi luimpe lua muntu ludi lukanda tshiji, ne butumbi buandi nkulekela muntu bubi.

Musambu wa Solomo 4:8

Mukashi wanyi muhungile, umuke nʼanyi ku Lebanona; umuke nʼanyi ku Lebanona. Umuke ku mukuna wa Amana, ne ku wa Senî ne wa Hêmona, ku miaba idi mena a nyama ya ntambue, ne ku mikuna idi ne nkashama.

Yirmeya 49:23

Udi wamba bua Damaseke ne, Badi batshinyisha Hamata ne Âpada kabidi, bualu bua bakunvua ngumu mibi, badi benguluka ne buowa, batu batatshishibue bu mudi mai manene adi kâyi mua kutalala.

Zekâya 13:1

Mu dituku adi nebabuluile ba mu tshiota tshia Davidi ne ba mu Yelushalema mushimi wa mai, bua kubalengesha ku bubi ne ku malu a bukoya.

Zekâya 14:8

Mu dituku adi mai a muoyo neahatuke mu Yelushalema; tshituha tshiau netshihueke ku mai manene a ku esete, ne tshituha tshiau tshikuabo netshihueke ku mai manene a ku wesete; bualu nebuikale nunku mu tshikondo tshia luya ne mu tshikondo tshia mashika.

Marke 1:9

Matuku au Yesu wakafuma ku Nazaleta wa Galela, wakabatijibua kudi Yone mu musulu wa Yadene.