2 Bakalenga 4:38 - Mukanda wa Nzambi Dihungila Dikulukulu ne Dihungila Dihia-dihia 2003

³⁸ Elisha wakaya ku Gilegala kabidi, tshiole tshiakadi mu buloba. Bana ba baprofete bakadi bashikame ku mpala kuandi; wakambila muena mudimu wandi ne, Wambile luesu lunene ha kahia, ulambishile bana ba baprofete kaleji.

MUKANDA WA MYIDI MUKULU

³⁸ Tshikondu tshivua tshiyole tshia nzala mu ditunga, Elisha kupingana mu tshimenga tshia Ngilgale. Kubikidishaye tshisumbu tshia bambi. Kuambilaye muena mudimu wende ne: — Teka luesu lunene pa kapia, utulambile nsupu.

2 Bakalenga 4:38 ပူးပေါင်းရင်းမြစ်များ

Genese 25:29

Yakoba wakalamba bintu bia kudia, Esau wakahingana mu tshisuku, wakadi muhungila.

2 Samuele 21:1

Tshiole tshiakadi ku buloba mu matuku a Davidi bidimu bisatu bilondangane; Davidi wakebesha Yehowa bualu ebu. Yehowa wakamba ne, Bualu ebu buakalua bua Shaula ne bua mashi akamatshishabo mu nsubu wandi, bualu bua wakashiha Bena Gibeona.

1 Bakalenga 17:1

Eliya, Muena Tishebe, wakadi usomba mu Gilada, wakambila Ahaba ne, Bu mudi Yehowa, Nzambi wa Isalele, ne muoyo, undi ngimana ku mpala kuandi, nansha mume nansha nvula kabiena bimueneka bidimu ebi anu ku dî dianyi.

2 Bakalenga 2:1

Hakafika tshikondo tshiakasungula Yehowa bua kuya ne Eliya mu diulu mu nvunde, Eliya wakafuma ne Elisha mu Gilegala.

2 Bakalenga 2:3

Bana balume ba baprofete bakadi ku Betele, bakalua kudi Elisha, bakamuebesha ne, Udi mumanye ne, Yehowa neumushe mukelenge webe ku mutu kuebe lelu, anyi? Yeye wakabambila ne, E, ndi mumanye, nuanji kuhuwa.

2 Bakalenga 4:1

Mukashi wa umue wa bana ba baprofete wakadila kudi Elisha ne, Muntu webe, bayanyi udi mufue; wewe udi mumanye bu muakatshina muntu webe Yehowa; muena dibanza wakalua bua kuangata bana banyi babidi bu bahika.

2 Bakalenga 4:39

Umue wabo wakaya mu budimi bua kuaka kaleji, wakasanganamu muonshi wa hatuhu, wakahuola biloaloa mu tshilulu tshiandi, wakahingana nʼabi, wakabihanda, wakabiela mu luesu, kabakabimanya nansha.

2 Bakalenga 8:1

Elisha wakambila mukashi, muena muana wakabisbeye ku lufu, ne, Juka, uye ne ba mu nsubu webe, ya ushikame kuonso kûdi mua kushikama, bualu bua Yehowa neatume tshiole mu buloba tô bidimu muanda mutekete.

Yobe 30:4

Badi baka mabeshi a buanji hehi ne mitshi mihi, ne bia kudia biabo bikuabo bidi miji ya mitshi ya genêts.

Nsumuinu 8:34

Muntu udi ungunvuila, udi wimana ku bibi bianyi ku dituku ku dituku, udi windila ku bilua bia ku bibi bianyi, udi ne disanka.

Yezekiyele 11:3

bamba biabo ne, Tshikondo katshiena tshikumbana bua tuetu kuibaka nsubu, anyi? Musoko eu udi luesu lunene ne tuetu tudi munyinyi.

Yezekiyele 11:7

Nunku Mukelenge Yehowa udi wamba ne, Bana benu banuakushiha ne banuakuladika hanshi munkatshi muau badi munyinyi, ne musoko eu udi luesu lunene; kadi nennuhatule munkatshi muau.

Yezekiyele 14:13

Muana wa muntu, biangenzelabo bibi kudi ba mu buloba bukuabo mu buhidia buabo bua mikenji yanyi, ne bingolola tshianza tshianyi kudibo bua kubakengesha, binashiha tshintu tshidibo beyemena bua kuangata bia kudia, binatuma tshiole mu buloba ebu bua kubutulamu bantu ne nyama kabidi,

Yezekiyele 24:3

Elela ba mu nsubu eu wa bantombokedi lusumuinu, ubambile ne, Mukelenge Yehowa udi wamba ne, Teka luesu lunene heku, lutekahu, elamu mai;

Lewitiki 26:26

Hanakehesha bintu bienu bia kudia, bakashi dikumi nebalambe bidia mu luesu lumue, bobo nebanuhimine bintu bia kudia mu tshihimu, nuenu nenuhidie kadi kanuena nukuta.

Amosa 7:14

Mu diba adi Amosa wakakudimuna Amasaya di ne, Tshiena muprofete, ne tshiena muana wa muprofete; kadi ndi mulami wa bimuna ne musangishi wa tumuma tua mitshi yê sycomore.

Marke 6:37

Yeye wakabandamuna ne, Nuenu nubahe bia kudia. Bakamukonka ne, Netuye kusumba bidia bia ndenalio nkama ibidi, tulue kubaha, badie, anyi?

Luke 10:39

Wakadi ne muakunyiʼandi mukashi dina diandi Malia, yeye wakadi mushikame ku makasa a Mukelenge, ulelesha dî diandi.

Luke 2:46

Hakahita matuku asatu, bakamusangana mu ntempelo, mushikame munkatshi mua bayishi, unvua mei abo, ubakonka malu;

Luke 4:25

Bulelela, ndi nuambila ne, Bakashi ba mu lufuila ba bungi bakadi mu Isalele mu matuku a Eliya, hakadi diulu dibuikila bidimu bisatu ne ngondo isambombo, ha kalua tshiole tshinene ha buloba bu onso;

Luke 8:35

Bakahatuka mu musoko bua kutangila bualu buakalua; bakalua kudi Yesu, bakasangana muntu wakahatuka bademon munda muandi mushikame ku makasa a Yesu, muluate bilulu, muikale ne lungenyi luimpe; bakatshina.

Luke 8:38

Kadi muntu wakahatuka bademon munda muandi wakamutendekena ne, Ndi musue kuikala nʼebe; kadi Yesu wakamutuma ne,

Luke 9:13

Kadi yeye wakabambila ne, Nuenu nubahe bia kudia. Bakamba ne, Katuena ne bia kudia bihite mitanda itanu ne mishiha ibidi, anu bituaya kusumba bia kudia bia bantu aba bantu.

Yowanane 21:5

Yesu wakabakonka ne, Bana, nudi ne tshia kudia, anyi? Bakamukudimuna ne, Nasha.

Yowanane 21:9

Hakafikabo ku mpata, bakamona makala a kahia akenka ne munyinyi wa mu mai muteka ha kahia ne mutanda wa bidia.

Bienzedi 10:38

nudi bamanye kabidi bualu bua Yesu wa mu Nazaleta bu muakamuela Nzambi Nyuma Muimpe ne bukole; yeye wakendakana wenza malu mimpe, wondaha ukolesha bonso bakadi bakengeshibua kudi diabolo, bua Nzambi wakadi nʼandi.

Bienzedi 15:36

Hakahita matuku makuabo, Paulo wakambila Bânaba ne, Tuhingane bua kutangila bana betu ba mu Kilisto ba mu misoko yonso ituakadi tuambila dî dia Mukelenge, tumone ne badi munyi.

Bienzedi 22:3

Ndi bianyi Muena Yuda, nakaledibua mu Tâso wa mu Kilikia, kadi nakakolela mu musoko eu, ku makasa a Gamaliele; bakanyisha bu mudi tshilele mene tshia mikenshi ya bankambua betu, muikale ne lukunukunu lua bualu bua Nzambi bu munudi nʼalu buonso buenu lelu.

1 Samuele 19:20

Shaula wakatuma ba-messager bua kukuatabo Davidi; kadi hakatangilabo tshisumbu tshia baprofete bamba dî dia Nzambi ne Samuele muimane ku mutu kuabo, Nyuma wa Nzambi wakatulukila ba-messager ba Shaula, bobo bakamba dî dia Nzambi kabidi.