2 Bakalenga 4:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Yeye wakambila Gehazi ne, Umuambile ne, Mona, wewe wakatulesha dikuatshisha edi dinene, tuetu netukuenzele wewe tshinyi? Udi musue tuetu tukuakuile kudi mukelenge anyi kudi kapitene ka masalayi, anyi? Yeye wakamukudimuna ne, Ndi mushikame munkatshi mua bana betu.

MUKANDA WA MYIDI MUKULU

¹³ Elisha kuela Ngeyazi diyi, bua ambile mukaji awu ne: — Udi muditatshishe bikole bualu buetu. Tshitudi mua kukuenzela ntshinyi? Udi musue tukuakuile kudi mukalenga, nansha kudi mfumu wa bena mvita anyi? Mukaji kuandamuna ne: — Nansha kakese, tuasakidilayi. Meme ndi munkatshi mua bena tshisamba tshietu. Tshiena nkengela tshintu to.

2 Bakalenga 4:13 ပူးပေါင်းရင်းမြစ်များ

Genese 14:24

Anu bintu bia kudia bia bansongalume ne bia bantu bakaya nʼanyi, Anê ne Eshekola ne Mamale, bobo bangate tshituha tshiabo.

2 Samuele 19:13

Nuenu nukonke Amasa kabidi ne, Wewe kuena mufuba wa mu mifuba yanyi ne musunyi wa mu misunyi yanyi, anyi? Nzambi angenzele malu onso adiye musue, binahanga kukuhingishila kapitene ka masalayi mu muaba wa Yoaba.

1 Bakalenga 2:32

Yehowa neahingishe mashi andi ha mutu nʼandi, bualu bua yeye wakashiha bantu babidi bakadi bamuhita yeye buakane; yeye wakabashiha ne muele wa nvita; tatu wanyi Davidi kakamanya bualu ebu; mena abo akadi Abinê, muana wa Nê, kapitene ka masalayi a Bena Isalele, ne Amasa, muana wa Yetê, kapitene ka masalayi a Bena Yuda.

2 Bakalenga 4:12

Yeye wakambila Gehazi, muena mudimu wandi, ne, Bikila Muena Shunema eu. Hakamubikileye, yeye wakabuela, wakimana ku mpala kuandi.

2 Bakalenga 4:14

Yeye wakamuebesha ne, Netumuenzele tshinyi? Gehazi wakamuambila ne, Yeye kena ne muana wa balume ne bayandi udi muntu mununu.

2 Bakalenga 8:1

Elisha wakambila mukashi, muena muana wakabisbeye ku lufu, ne, Juka, uye ne ba mu nsubu webe, ya ushikame kuonso kûdi mua kushikama, bualu bua Yehowa neatume tshiole mu buloba tô bidimu muanda mutekete.

2 Bakalenga 9:5

Hakafikeyeku, wakasangana tupitene tua masalayi tuonso tushikame hanshi. Wakambila kapitene kakuabo ne, Ndi nʼebe dî. Yehu wakamuebesha ne, Udi ne nganyi dî munkatshi muetu? Yeye wakamuitaba ne, Wewe, kapitene.

Misambu 37:3

Eyemena Yehowa ne enza malu mimpe; nunku neushikame mu buloba, neudie bia kudia mu dimueyemena diebe.

Rome 16:2

bua nuenu numuitabushe mu Mukelenge bu mudi basanto ne bualu bua kuenza, ne bua kumukuatshisha ne bualu buonso budiye ukengela kunudi; bualu bua yeye wakumana kulua mukuatshishi wa ba bungi, ne wa meme muine.

Rome 16:6

Nuele Malia muoyo; yeye wakanukuatshisha ne mudimu wa bungi.

Ebrewu 13:5

Mioyo yenu kaikadi ne lukuka lua biuma, nuikale ne disanka ne bintu binudi nʼabi, bualu bua Nzambi muine wakuamba ne, Tshiena nkulekela, nasha kakese, tshiena nkushîa tshianana.

Ebrewu 6:10

Bualu bua Nzambi kena uhanga buakane bua kuhueye muoyo wa mudimu wenu ne wa dinanga dinuakalesha bua dina diandi, hanuakakuatshila basanto mudimu ne hanutshidi nubakuatshishau.