2 Bakalenga 3:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Mukelenge wa Isalele wakaya ne mukelenge wa Yuda ne mukelenge wa Edome; bakenda luendu lunyunguluke tô lua matuku muanda mutekete; kabakamona mai a kunuisha hau bantu anyi nyama biakadi bienda nʼabo.

MUKANDA WA MYIDI MUKULU

⁹ Bakalenga aba, wa bena Izrayele, wa bena Yuda, ne wa bena Edome kutuadija luendu. Bobu bamane kuenda matuku muanda mutekete, kabena bapeta kabidi mayi bua bena mvita kunuabu, nansha bua kunuisha nyama ivuabu nayi to.

2 Bakalenga 3:9 ပူးပေါင်းရင်းမြစ်များ

1 Bakalenga 22:27

nubambile ne, Mukelenge udi wamba ne, Nubueshe muntu eu mu nsubu wa lukanu, numudishe bia kudia bia badi mu dikenga, numunuishe mai a badi mu dikenga tô ne hanahingana talalâ.

1 Bakalenga 22:47

Kakuakadi mukelenge mu Edome; anu muloho wakadi mukelenge.

1 Bakalenga 22:48

Yehoshafata wakenza matu a Tâshishi a kuya nʼau ku Ofî bua kuangata or; kadi kakafikaku, akafuila anu ku Esione-gebê.

2 Bakalenga 3:1

Yeholama, muana wa Ahaba, wakabanga kukokesha Bena Isalele mu Samalea mu tshidimu tshia dikumi ne muanda mukulu tshia bukelenge bua Yehoshafata, mukelenge wa Yuda; yeye wakakokesha bidimu dikumi ne bibidi.

2 Bakalenga 3:10

Mukelenge wa Isalele wakamba ne, Aka, Yehowa wakabikila bakelenge aba basatu basangisha bua kubafila mu bianza bia Bena Moaba.

2 Bakalenga 3:7

Wakatuma mukenji kudi Yehoshafata, mukelenge wa Yuda, wamba ne, Mukelenge wa Moaba wakuntombokela, wewe neuye nʼanyi bua kuluangana ne Bena Moaba, anyi? Wakamukudimuna ne, Tuyaya nʼebe! Meme ndi bu wewe, bantu banyi badi bu bantu bebe, tubalu tuanyi tudi bu tubalu tuebe.

2 Bakalenga 3:8

Wakamuebesha ne, Netuyile nshila kai? Wakamukudimuna ne, Mu nshila wa mu tshihela tshia Edome.

2 Bakalenga 8:20

Mu matuku andi Bena Edome bakatombokela Bena Yuda, bakadisunguila mukelenge.

Ekesode 11:8

Bantu bebe bonso nebalue kundi, nebankukuile, nebambe ne, Ya biebe ne bantu bonso badi balonda ku nyima kuebe, ne ku nyima kua bualu ebu nempatuke. Wakaluhuka kudi Palô ne tshiji tshikole.

Ekesode 15:22

Mose wakalombela bantu bua kuyabo ku mpala bumuke ku Dishiba Dikunze, bakaya mu tshihela tshia Shû bakaya mu tshihela matuku asatu, kabakasangana mai.

Ekesode 17:1

Bena Isalele bakabisha luendu luabo mu tshihela tshia Sinai, bakashikama mu Lefidima bu muakamba Yehowa, kabakasanganamu mai a kunua.

Dibadika 20:2

Bantu kabakadi ne mai a kunua, bakadisangisha kudi Mose ne kudi Alona.

Dibadika 20:4

Nuakulua ne bantu ba Yehowa mu tshihela etshi bualu bua kubishiha ne nyama yetu munyi?

Dibadika 21:5

Bantu bakajiana Nzambi ne Mose kabidi ne, Nuakatuluhuila mu Ejipitu bua kutufuisha mu tshihela nunku bua tshinyi? Kakuena bia kudia, kakuena mai, ne bidia ebi bia tshianana biakututonda.

Dibadika 33:14

Bakumuka mu Alusha bakashikama mu Lefidima, ne bantu kabakadi ne mai a kunua.

Balombodi 4:10

Balaka wakabikila Bena Zebuluna ne Bena Nafatale ku Kedeshe; bantu binunu dikumi bakamulonda ku makasa andi; ne Debola wakaya nʼandi.