2 Bakalenga 3:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Wakatuma mukenji kudi Yehoshafata, mukelenge wa Yuda, wamba ne, Mukelenge wa Moaba wakuntombokela, wewe neuye nʼanyi bua kuluangana ne Bena Moaba, anyi? Wakamukudimuna ne, Tuyaya nʼebe! Meme ndi bu wewe, bantu banyi badi bu bantu bebe, tubalu tuanyi tudi bu tubalu tuebe.

MUKANDA WA MYIDI MUKULU

⁷ Pashishe, kutumaye bantu bua kuambila Yesafate, mukalenga wa bena Yuda, ne: “Mukalenga wa bena Mowabe mmuntombokele. Tudi mua kuya nebe bua kuluisha ditunga diende anyi?” Yosafate, mukalenga wa bena Yuda, kuandamuna ne: “Ndi muanyishe. Wewe ne meme tudi bantu bamue. Bantu bebe mbanyi meme. Bantu banyi mbebe wewe. Nyama yebe ya tubalu nyanyi meme. Nyama yanyi ya tubalu nyebe wewe.”

2 Bakalenga 3:7 ပူးပေါင်းရင်းမြစ်များ

1 Bakalenga 22:4

Yeye wakebesha Yehoshafata ne, Wewe neuye nʼanyi bua kuluangana ne Bena Lamota-gilada, anyi? Yehoshafata wakambila mukelenge wa Isalele ne, Meme ndi bu wewe, bantu banyi badi bu bantu bebe, tubalu tuanyi tudi bu tubalu tuebe.

2 Bakalenga 13:20

Elisha wakafua, bakamujika. Ku tshibangidilu tshia tshidimu tshikuabo Bena Moaba bakalua mu bisumbu, bakahaula buloba.

2 Bakalenga 3:6

Ku tshikondo atshi mukelenge Yeholama wakafuma ku Samalea, wakabikila Bena Isalele bonso.

2 Bakalenga 3:8

Wakamuebesha ne, Netuyile nshila kai? Wakamukudimuna ne, Mu nshila wa mu tshihela tshia Edome.

2 Bakalenga 3:9

Mukelenge wa Isalele wakaya ne mukelenge wa Yuda ne mukelenge wa Edome; bakenda luendu lunyunguluke tô lua matuku muanda mutekete; kabakamona mai a kunuisha hau bantu anyi nyama biakadi bienda nʼabo.

2 Kulondolola 18:3

Ahaba, mukelenge wa Isalele, wakebesha Yehoshafata, mukelenge wa Yuda, ne, Wewe neuye nʼanyi ku Lamota-gilada, anyi? Yeye wakamukudimuna ne, Meme ndi bu wewe, bantu banyi badi bu bantu bebe; tuetu netuye nʼebe mu nvita.

2 Kulondolola 19:2

Yehu, muana wa Hanani, mumonyi wa malu a Nzambi, wakaya kusangakena nʼandi, wakambila mukelenge Yehoshafata ne, Bûdi nʼabu mbua kukuatshisha bantu babi ne bua kunanga badi ne Yehowa lukuna, anyi? Bua bualu ebu Yehowa wakakulesha tshiji tshiandi.