2 Bakalenga 3:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Bakahaula misoko yabo; bakela mabue, muntu diandi muntu diandi, ha madimi mimpe, bakadisha tente; bakajibika mishimi ya mai; bakashimbula mitshi mimpe yonso, tô ne hakafikabo ku Kila-halaseta, bakashiyamu mabue nkayau. Kadi bakadi bela mabue ne bieledi, bakanyunguluka, bakaunyenga.

MUKANDA WA MYIDI MUKULU

²⁵ Kunyangakajabu bimenga. Yonsu wa kudibu kuimansha dibue mu madimi avua bena Mowabe badime, too ne pavua mabue mapite bungi mu madimi onsu. Kujibikilabu mpokolu yonsu, kupulabu mitshi ya bimuma yonsu. Anu tshimenga tshia Kirerese ke tshivua tshishale kabayi batshinyanga to. Kadi, bena mvita bavua ne ndundu ya kuela nayi nsoka, kunyungululabu tshimenga atshi, kutshiluisha.

2 Bakalenga 3:25 ပူးပေါင်းရင်းမြစ်များ

Genese 26:15

Mena onso a mai akimbabo kudi bahika ba Abalahama, tatu wandi, Bena Peleshete bakajibikila, bakelamu buloba.

Genese 26:18

Isaka wakumbula kabidi mena a mai akimbabo mu matuku a tatu wandi Abalahama, bualu bua Bena Peleshete bakelamu buloba bakafua Abalahama, Isaka wakayidika mena akidika Abalahama.

2 Samuele 8:2

Wakashiha Bena Moaba; wakahandika hanshi ha buloba, wakabidikisha ne luidi; wakasungula mulongo ibidi bua kuyishiha, wakasungula mulongo mukuabo bua kushala ne muoyo. Bena Moaba bakalua bahika ba Davidi, bakamulambula milambu.

2 Bakalenga 3:19

Nuenu nenuhaule misoko yonso idi ne ngumbu, ne misoko yonso idi miakane, nenushimbule mitshi yonso idi mimpe, nenujibike mishimi yonso ya mai, nenunyange madimi onso adi mimpe ne mabue kabidi.

2 Bakalenga 3:24

Hakafikabo ku tshitudilu tshia Bena Isalele, Bena Isalele bakajuka, bakataha Bena Moaba, bakanyema ku mpala kuabo, bakabuela mu buloba bua Bena Moaba, bakabashiha.

2 Bakalenga 3:26

Hakatangila mukelenge wa Moaba ne, Bakatuhita bukole, yeye wakasangisha bena nvita ba miele nkama muanda mutekete, wakakeba kuhitshila nʼabo tô ne kudi mukelenge wa Edome; kadi bakahanga.

2 Kulondolola 32:4

Nunku bantu ba bungi bakadisangisha hamue, bakajibika mishimi ya mai yonso ne musulu mukese wakadi muhitshile mu buloba, bamba ne, Bakelenge ba Ashû badi ne bua kulua kusangana mai a bungi bishi?

Yeshaya 15:1

Dî dia tshijila bualu bua Moaba. Bualu bua mu butuku bumue bakubutula Ala wa Moaba, bakuyisha Moaba bu muaba wa hatuhu; bualu bua mu butuku bumue bakubutula Kî wa Moaba, bakuyisha Moaba bu muaba wa hatuhu.

Yeshaya 16:11

Bua malu â mutshima wanyi udi udidila Moaba ne tshiona bu tshia lunzenze, ne munda muanyi mudi mujinga Kî-helese.

Yeshaya 16:7

Nunku Bena Moaba badidile Moaba muadi, buonso buabo badile muadi. Nudile bua mikata ya Kî-hala-sete, nuenu bamane kubutudibua.

Yirmeya 48:31

Nunku nendidile Moaba; nengashile bonso ba mu Moaba muadi, nengashile ba mu Kile-helese madilu.

Yirmeya 48:36

Nunku mutshima wanyi udi ujinga bua Moaba ne muadi bu muadi wa lushiba, mutshima wanyi udi ujinga bua Kile-helese ne muadi bu muadi wa lushiba kabidi. Nunku biuma bia bungi biakadisangishilabo biakujimina.

Dielulula 2:9

Yehowa wakangambila ne, Kanutatshishi Bena Moaba, kanuluanganyi nʼabo nvita; bualu bua tshiena munuhe buloba buabo bu buhianyi buenu; bualu bua nakamana kuha bana ba Lota buloba bua Ala bu buhianyi buabo.

Balombodi 9:45

Abimeleke wakaluangana ne bena musoko dituku adi dionso, wakanyenga musoko, wakashiha bantu bonso bakadimu. Wakabutula musoko, wakanuaminamu luehu.