2 Bakalenga 25:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Hashishe bakashimbula tshituha tshia lumbu lua musoko, nunku bena nvita bonso bakanyema butuku mu nshila wa hankatshi ha ngumbu ibidi yakanyunguluka ku tshibunda tshia mukelenge; Bena Kasada bakadi banyunguluka musoko ku nseke yonso. Bakanyema mu nshila wa ku Alabâ.

MUKANDA WA MYIDI MUKULU

⁴ bena Babilone kupula tshitupa tshia tshimana tshia tshimenga. Butuku, bena mvita ba bena Yuda kunyema. Bena Babilone bavua anu banyungulula Yerushalayime. Kadi, bena mvita ba bena Yuda kuyila mu njila, bapitshila pa tshiibi tshivua pankatshi pa bimana bibidi bia tshimenga, pabuipi ne lupangu lua mukalenga. Diba adi, mukalenga Sedekiya uvua mulonde njila wa ku tshibandabanda tshia musulu wa Yardene.

2 Bakalenga 25:4 ပူးပေါင်းရင်းမြစ်များ

2 Bakalenga 25:5

Kadi masalayi a Bena Kasada akihata mukelenge, akamuheta mu mpata ya ku Yeleko; masalayi andi onso akatangadika kudiye.

2 Kulondolola 32:5

Yeye wakakolesha mutshima wandi, wakasa lumbu luakadi lushimbuka, wakajadika bibumba ne lumbu luakadi ku mpenge, wakakolesha Milo mu musoko wa Davidi, wakatula bintu bia nvita ne ngabu bia bungi.

Nehemya 3:15

Mushiku wa mbelu wa ku mpokolo wa mai bakalongolola kudi Shaluma, muana wa Kole-hosa, mukokeshi wa luseke lua Misepa; wakawasa, wakaubulula, wakateka bibi ne milonda ne biamu; wakalongolola lumbu lua ku dina dia mai a Shela hehi ne tshibunda tshia mukelenge tô ne ku tshibandilu tshidi tshihueka ku musoko wa Davidi.

Yeshaya 22:11

Nuakumbula tshina tshia mai hankatshi ha ngumbu ibidi bua kukuatamu mai a mu tshina tshia diambedi. Kadi kanuakatangila kudi wakavuisha muanda eu, kanuakanemeka wakadihangidishila muanda eu kale.

Yeshaya 22:3

Bakokeshi bebe bonso bakanyema diatshimue, bakabasuika hakadibo kabayi ne mata abo; bantu bebe bonso bakamonabo bakasuikibua hohamue, bobo mene bakadi banyema kule.

Yirmeya 32:4

Udi wamba kabidi ne, Sedekiya, mukelenge wa Yuda, kena uhanduka mu bianza bia Bena Kasada, kadi nebamufile mu bianza bia mukelenge wa Babulona bulelela, neayikile nʼandi mpala ne mpala, neamonangane nʼandi ku mesu.

Yirmeya 34:3

Ne wewe mene kuena uhanduka mu tshianza tshiandi, kadi nebakukuate bushuwa, nebakufile ku tshianza tshiandi; neumonangane ne mukelenge wa Babulona ku mesu mene, ne yeye neayikile nʼebe mpala ne mpala mene; neuye ku Babulona.

Yirmeya 38:18

Kadi biwabenga kuluhuka kudi baminyampala ba mukelenge wa Babulona, nunku nenfile musoko eu mu bianza bia Bena Kasada; bobo nebawoshe ne kahia, ne wewe kuena uhanduka mu bianza biabo.

Yirmeya 4:17

Yehowa udi wamba ne, Bu mudi bansentedi ba budimi habunyunguluka, badi batshintshimika Bena Yuda nseke yonso, bualu bua bakatombokela.

Yirmeya 4:29

Ba mu misoko yonso badi banyema bua tshiona tshia bena nvita, badi babanda ha nyima ha tubalu ne tshiona tshia bena mata; badi baya mu bihuka, badi babanda ha mutu ha mabue; badi bashiya misoko yonso hatuhu, kakuena muntu udi mushikamemu.

Yirmeya 44:30

Yehowa udi wamba ne, Nenfile Palô Hofela, mukelenge wa Ejipitu, mu bianza bia bena lukuna bandi, mu bianza bia badi bakeba muoyo wandi, bu munakufila Sedekiya, mukelenge wa Yuda, mu bianza bia Nebukadenesâ, mukelenge wa Babulona, wakadi muena lukuna wandi ne wakadi ukeba muoyo wandi.

Yirmeya 5:10

Endelai mu mpunga ya mionshi ya tumuma tua nvinyo, nuyikose, kadi kanuyikoshi yonso; numushe matamba ai, bualu bua kaena a Yehowa.

Muadi 1:3

Bakuya ne Yuda mu buhika bua kuikaleye ne dikenga ne bua kuenzeye mudimu mukole wa buhika; udi mushikame munkatshi mua bisamba bia bantu, kena uheta dikisha, bakadi bamuihata bakamukuata mu ntatu yandi.

Muadi 1:6

Bulengele buonso bua muana mukashi wa Siona buakumuka; baminyampala bandi bakulua bu ngulungu idi kayiyi iheta mashinde, idi inyema kayiyi ne bukole ku mpala kua udi uyihata.

Yezekiyele 12:12

Mukelenge udi munkatshi muenu neambule bintu biandi bia luendu ha diaha diandi, nealuhuke butuku; nebamutubuile disoso mu lumbu lua musoko bua kumuluhuilamu; yeye neabuikile mpala wandi bua katangidi buloba ebu ku mesu.

Yezekiyele 12:14

Nemmuangalashe badi nʼandi, bakuatshishi bandi ne masalayi andi onso, ku mpehele yonso; nempatule muele wa nvita bua kubihata.

Yezekiyele 12:4

Hatula bintu biebe bia luendu mu munya ku mesu kuabo, bu mudi bintu bia kuya nʼabi mu buhika; mu diba dia dilolo wewe muine uhatuke mu nsubu ku mesu kuabo, bu mudi bantu benza hadibo baya mu buhika.

Yezekiyele 33:21

Mu tshidimu tshia dikumi ne ibidi tshia buhika buetu, mu ngondo wa dikumi, mu dituku ditanu dia ngondo, muntu muhanduke ku Yelushalema wakalua kundi, wamba ne, Bakushiha musoko.

Lewitiki 26:17

Meme nengumushe mesu anyi kunudi, nenuhone ku mpala kua bantu badi nʼenu lukuna, bantu badi nʼenu lukuna nebanukokeshe, nenunyeme tshianana, bantu kabayi banze ku nuihata.

Lewitiki 26:36

Bungi bua bantu benu badi bashala nebikale ne mitshima mitekete mu buloba bua bantu badi nʼabo lukuna, nebanyeme hunvuabo tshiona tshia dibeshi dia mutshi didi dinyunga kudi luhehele, nebanyeme bu mundi udi unyema ku muele wa nvita, nebadishinde, mundi kayi ubihata.

Zekâya 8:19

Edi ndî didi Yehowa wa misumba wamba ne, Kujila kua bia kudia kua mu ngondo muinai, kua mu ngondo muitanu, kua mu ngondo wa muanda mutekete ne kua mu ngondo wa dikumi, nekuikale bu masanka ne musangelu, ne bu bikondo bia bia kudia bia disanka kudi Bena Yuda. Nunku suai bushuwa ne ditalala.

Dielulula 28:25

Yehowa neanuihate ku mesu kua bena lukuna benu; nuenu nenuye kudibo mu nshila umue, kadi nenunyeme ku mesu kuabo mu nshila muanda mutekete; nebanuendakashe munkatshi mua bisamba bionso bia ha buloba.

Dielulula 32:30

Muntu umue wakadi kumanya mua kuihata tshinunu tshia bantu, ne bantu babidi bakadi kumanya mua kuihata binunu dikumi bia bantu munyi, bikala Dibue kadiyi dibahane, ne Yehowa kayi mubafile kudibo?