2 Bakalenga 23:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Wakumusha bakuidi bonso mu misoko yonso ya mu Yuda, wakanyanga bitendelelu biakadi bakuidi boshahu musenga wa manananshi ku Geba tô ne ku Bê-sheba; wakashimbula bitendelelu biakadi ku tshibuelelu tshia ku tshibi tshia Yoshua, mukelenge wa musoko, biakadi ku tshianza tshia bakashi tshia ku tshibi tshia musoko.

MUKANDA WA MYIDI MUKULU

⁸ Pashishe, batuangaji bonsu bavua batendelela mvidie mu bimenga bia bena Yuda, biangatshile ku Ngeba too ne ku Bersheba, Yoshiya kubatandisha mu Yerushalayime. Kunyangakajaye miaba ya kutendelela ivua batuangaji abu balambuila milambu, kupula bilambuilu bionsu bivua pabuipi ne biibi bia Yerushalayime, nangananga tshilambuilu tshivua ku tshiibi tshia Yoshuwa, mulombodi wa tshimenga. Tshilambuilu atshi, tshivua ku dia bakaji pa kubuela.

2 Bakalenga 23:8 ပူးပေါင်းရင်းမြစ်များ

Genese 21:14

Abalahama wakabika ne dinda dionso, wakangata bidia ne mulondo wa mai, wakabika kudi Haga, wakabiteka ha diaha diandi, wakamuha muana, wakabatuma ha bule, wakaya biandi, wakendakana mu tshihela tshia Bê-sheba.

Genese 21:31

Nunku bakabikila muaba au ne, Besheba bualu bua bubidi buabo bakaditshihilaku.

Genese 26:23

Wakumukaku, wakaya ku Bê-sheba

1 Bakalenga 15:22

Hashishe mukelenge Asa wakela dî kudi Bena Yuda bonso, nansha muntu umue kashadi. Bakangata mabue a ku Lama ne mabaya akadi Bâsha wasa nʼau; mukelenge Asa wakasa nʼau Geba wa mu Benyamina ne Misepa.

1 Bakalenga 19:3

Hakunvueye dî edi, wakajuka, wakanyema bua kusungileye muoyo wandi; hakafikeye ku Bê-sheba wa mu buloba bua Yuda, wakashiyaku muntu wandi.

1 Kulondolola 6:60

ne mu tshisamba tshia Benyamina, Geba ne miaba ya ku mpenge, ne Alemeta ne miaba ya ku mpenge, ne Anatota ne miaba ya ku mpenge. Misoko yabo yonso ya meku abo onso yakadi dikumi ne isatu.

Yeshaya 10:29

Wakumana kuhitshila ku tshibuelelu tshia mu luhongo; badi bamba ne, Geba ntshitudilu tshietu tshia butuku. Ba mu Lama badi bazakala, ba mu Gibea wa Shaula badi banyema.

Yezekiyele 44:10

Kadi Bena Lewi bakumuka kundi, bakaya kule, hakahambuka Bena Isalele aba bakandekela bua kulondabo mpingu yabo, badituadile dihila diabo bua mibi yabo.

Amosa 5:5

kadi kanukebi Betele, kanuyi ku Gilegala, kanuyi ku Bê-sheba. Bualu bua ba mu Gilegala nebabuele mu buhika bulelela, ne Betele nealue muaba wa hatuhu.

Zekâya 14:10

Buloba buonso nebukudimuke bu mpata, ku Geba tô ne ku Limona, ku luseke lua Sude lua Yelushalema. Musoko wa Yelushalema newikale ha mukuna, neushale mu muaba wau, ku tshibi tshia Benyamina tô ne ku muaba wa tshibi tshia diambedi, ku tshibi tshia ku ditumba ne ku tshibumba tshia Hananele tô ne ku bikaminu bia nvinyo bia mukelenge.

Yoshua 18:24

ne Kefâ-amonai ne Ofeni ne Geba; bimenga dikumi ne bibidi ne misoko yabi;

Yoshua 21:17

Mu tshisamba tshia Benyamina, Gibeona ne miaba ya ku matshika, ne Geba ne miaba ya ku matshika,

Balombodi 20:1

Hashishe Bena Isalele bonso bakaluhuka bafume ku Dana tô ne ku Bê-sheba ne ba mu buloba bua Gilada, bakadisangisha bu muntu umue kudi Yehowa ku Misepa.