2 Bakalenga 23:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Wakumusha bakuidi batendeledi ba mpingu, bakasungula bakelenge ba Yuda bua kuoshabo musenga wa manananshi mu bitendelelu bia ku mikuna bia mu misoko ya Yuda ne ku miaba yakanyungulula Yelushalema; wakumusha bakuidi bakadi boshela Bâla ne diba ne ngondo ne mitoto ne misumba yonso ya mu diulu manananshi.

MUKANDA WA MYIDI MUKULU

⁵ Yoshiya kuipata batuangaji bavua batendelela mvidie, bavua bakalenga ba bena Yuda basungula bua kulambula milambu miaba ya kutendelela mvidie ivua mu bimenga bia bena Yuda, ne ivua pabuipi ne Yerushalayime. Yoshiya uvua muipate batuangaji aba, bualu bavua balambula milambu kudi mvidie Baale, mvidie Diba, mvidie Ngondu, kudi mitotu, ne kudi bintu bikuabu bionsu bidi mu tshibuashibuashi.

2 Bakalenga 23:5 ပူးပေါင်းရင်းမြစ်များ

2 Bakalenga 21:5

Yeye wakashila bintu bionso bia mu diulu bioshelu mu biendedi bibidi bia mu nsubu wa Yehowa.

2 Kulondolola 33:3

Bualu bua yeye wakasa kabidi bioshelu ha mutu ha mikuna biakashimbula Hezikiya tatuʼandi; wakashila Bâla bioshelu, wakakuna mitshi ya Bashela, wakatendelela bintu bia mu diulu, wakabikuatshila mudimu.

2 Kulondolola 34:4

Bakashimbula bioshelu bia Bâla ku mesu kuandi; yeye wakataha mpingu yakatendelelabo nʼai diba yakadi ha mutu ha mikuna ne mitshi ya Bashela ne mpingu yakasongabo ne mpingu yakatulabo, yeye wakabitshibula bituha bituha, wakabivuisha bu lusenga, wakalumuangalasha ha nkita ya bantu bakadi babishihela milambu.

Yobe 38:32

Udi mua kulombela mitoto ya mu Mazalota mu tshikondo tshiai, anyi? Udi mua kulombela mutoto wa Ourse Munene ne bana bandi, anyi?

Yezekiyele 8:6

Yeye wakankonka ne, Muana wa muntu, udi umona bu mudibo benza, anyi? Malu a bundu adi ba mu tshisamba tshia Bena Isalele benza munemu, adi angihata ku nsubu wanyi wa tshijila, udi umona mene, anyi? Kadi neumone malu makuabo a bundu adi ahita â bunene.

Osheya 10:5

Bua muana wa ngombe wa ku Bete-awena Bena Samalea nebakuatshike buowa; bualu bua bantu bandi ne bakuidi bandi nebamuashile madilu; nebase muadi bua butumbi buandi, bualu bua buakûmuka kudiye.

Sefanya 1:4

Nengolole tshianza tshianyi bua kukuma Bena Yuda ne bonso badi bashikame mu Yelushalema; nengumushe batendeledi ba Bâla ku muaba eu, tô ne ku difuka diabo dionso; nengumushe dina dia balama ba mpingu ne dia bakuidi babi diatshimue nʼabo;