2 Bakalenga 23:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Mukelenge wakashimbula bioshelu biakadi ku mutu kua nsubu wa Ahaza, biakenza bakelenge ba Yuda; ne bioshelu biakenza Manashe mu biendedi bibidi bia mu nsubu wa Yehowa; wakaubutula, wakela lufuishi luabi mu kasulu ka Kidelona.

MUKANDA WA MYIDI MUKULU

¹² Kupulaye bilambuilu bionsu bivua bakalenga ba bena Yuda bibake pa mutu pa nzubu wa Akaze. Kupulaye kabidi bilambuilu bionsu bivua Menashe muibake mu mbanza ibidi ya mu nzubu wa Mvidi Mukulu. Kunyangakajaye bilambuilu abi muaba awu. Kubimanshaye mu tshibandabanda tshivua mu Sedrone.

2 Bakalenga 23:12 ပူးပေါင်းရင်းမြစ်များ

1 Bakalenga 15:13

Yeye kabidi wakumusha Mâka, mamu wandi, mu nkuasa wa mukelenge mukashi, bualu bua yeye wakenzela Bashela luhingu lua bundu; Asa wakataha luhingu luandi, wakaluosha kahia hehi ne kasulu ka Kidilona.

2 Bakalenga 10:26

Bakangata makunshi akadi mu nsubu wa Bâla, bakaosha mu kahia.

2 Bakalenga 21:4

Wakasa bioshelu bikuabo mu nsubu wa Yehowa wakamba Yehowa ne, Meme nenjadike dina dianyi mu Yelushalema.

2 Bakalenga 21:5

Yeye wakashila bintu bionso bia mu diulu bioshelu mu biendedi bibidi bia mu nsubu wa Yehowa.

2 Bakalenga 23:4

Mukelenge wakela dî kudi Hilekiya, muakuidi munene, ne kudi bakuidi ba mu mulongo muibidi ne kudi balami ba nsubu bua bobo bumushe malonga onso a Bâla ne a Bashela ne a kutendelela nʼau misumba yonso ya mu diulu mu nsubu wa Yehowa; wakayosha ku mpenge kua Yelushalema mu madimi a ku Kidelona; bakaya ne butue buabi ku Betele.

2 Bakalenga 23:6

Wakumusha luhingu lua Ashela mu nsubu wa Yehowa, wakaya nʼalu ku mpenge ya Yelushalema ku kasulu ka Kidelona, wakaluosha ku kasulu ka Kidelona, wakalubutula bu luhuishi, wakela luhuishi ha nkita ya bantu ba tshianana.

2 Kulondolola 15:16

Asa wakumusha Mâka mamu wandi mumuledi kabidi, bua yeye kikadi mukelenge mukashi, bualu bua yeye wakenza luhingu lua bundu lua kutendelela nʼalu Bashela; Asa wakashimbula luhingu luandi, wakalusunsula tuhese tukese, wakaluosha ne kahia ku musulu wa Kidilona.

2 Kulondolola 33:15

Yeye wakumusha nzambi ya bende ne luhingu luakatekeye mu nsubu wa Yehowa, ne bioshelu biakaseye ku mukuna kuakadi nsubu wa Yehowa ne mu Yelushalema, wakabimasha ku mpenge kua musoko.

2 Kulondolola 33:5

Wakashila bintu bionso bia mu diulu bioshelu mu biendedi bibidi bia mu nsubu wa Yehowa.

Yirmeya 19:13

Nsubu ya mu Yelushalema ne nsubu ya bakelenge ba Yuda, nsubu idibo banyanga, neyikale bu muaba wa Tofete, nsubu yonso mene kuakadibo boshila bintu bionso bia mu diulu musenga wa manananshi ha mutu hai, kuakadibo bahongoluela nzambi mikuabo milambu ya bia kunua.

Yirmeya 31:40

Tshibanda tshionso tshia Hinoma, tshidi ne bitalu ne butue, ne madimi onso adi ayila tô ne ku kasulu ka Kidilona, tô ne ku ditumba dia tshibi tshia tubalu ku luseke lua esete, nebikale miaba ya tshijidila kudi Yehowa; kabena babitula kabidi, kabena babishimbula tô ne tshiendelele.

Sefanya 1:4

Nengolole tshianza tshianyi bua kukuma Bena Yuda ne bonso badi bashikame mu Yelushalema; nengumushe batendeledi ba Bâla ku muaba eu, tô ne ku difuka diabo dionso; nengumushe dina dia balama ba mpingu ne dia bakuidi babi diatshimue nʼabo;

Sefanya 1:5

ne badi batendelela bintu bia mu diulu ha mitu ha nsubu yabo; badi batendelela ne badi baditshiha kudi Yehowa, ne badi baditshiha kudi Milekoma diatshimue.

Dielulula 22:8

Hanuasa nsubu muhia-muhia, nenuenze kabidi lumbu tukese ku mutu kua nsubu, nunku muntu kahonyi hanshi, ne mashi andi kaikadi ku nsubu yenu.