2 Bakalenga 22:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ wewe wakalekesha mutshima webe, wakadihuekesha ku mpala kua Yehowa; hawakunvua mei anakamba bua muaba eu ne bua bena muaba eu bua bobo balue bu bantu badi bedibue mulau ne badi babutudibue, wewe wakadihanda bilulu biebe, wakadila ku mpala kuanyi; nunku Yehowa udi wamba ne, Nakukunvuila.

MUKANDA WA MYIDI MUKULU

¹⁹ Uvua muteleje bimpe tshindi muambe bua Yerushalayime ne bantu bonsu badimu. Dikenga diabu nedikale dikole. Bantu nebikale baditshipa, batele mena a bena tshimenga atshi. Kadi wewe Yoshiya, uvua mulombe luse, uvua muvuluke bubi buebe kumpala kuanyi, uvua mupanda bilamba biebe, mudile muadi. Nanku, meme Maweja-Nangila ndi nkujadikila ne: ndi mumvue dilomba diebe.

2 Bakalenga 22:19 ပူးပေါင်းရင်းမြစ်များ

1 Bakalenga 21:29

Wakutangila bu mudi Ahaba mudihuekeshe ku mesu kuanyi, anyi? Bualu bua yeye wakudihuekesha nunku ku mesu kuanyi, tshiena ngenza malu au makole onso mu matuku andi: kadi nentume malu au makole ku nsubu wandi mu matuku a bana bandi ba balume.

2 Bakalenga 19:20

Hashishe Yeshaya, muana wa Amoza, wakatumina Hezikiya dî ne, Yehowa, Nzambi wa Isalele, udi wamba ne, Bualu bua wewe wakundombela hua Saneheliba, mukelenge wa Ashû, meme nakukunvuila.

2 Bakalenga 20:5

Walukile, Wambile Hezikiya, mukelenge wa bantu banyi, ne, Yehowa, Nzambi wa Davidi tatu webe, udi wamba ne, Nakunvua kulomba kuebe ne nakutangila binsonshi biebe, nenkuondahe; hahita matuku asatu, wewe neubuele mu nsubu wa Yehowa.

2 Bakalenga 22:11

Hashishe, hakunvua mukelenge mei a mu mukandu wa mikenji, yeye wakadihanda bilulu biandi.

2 Kulondolola 32:26

Kadi Hezikiya wakadihuekesha bua kudisua kuakadiye nʼaku mu mutshima wandi, ne yeye ne bantu ba mu Yelushalema, nunku tshiji tshia Yehowa katshiakafika kudibo mu matuku a Hezikiya.

2 Kulondolola 33:12

Hakadiye mu ntatu nunku yeye wakakeba Yehowa Nzambi wandi, wakatamba kudihuekesha ku mesu kua Nzambi wa bankambua bandi.

2 Kulondolola 33:19

Mei akalombeye nʼau Nzambi bakitabusha Nzambi kutendekena kuandi, ne malu mabi onso akenzeye, ne ditomboka diandi, ne bioshelu biakaseye ha mutu ha mikuna, ne mitshi ya Bashela yakakuneye, ne mpingu yakasongeye diambedi yeye kayi muanji kudihuekesha, monai, bidi bifunda mu mukanda wa bamonyi ba malu.

2 Kulondolola 33:23

Yeye kakadihuekesha ku mesu kua Yehowa bu muakenza Manashe tatu wandi hakadihuekesheye; kadi Amona eu wakatamba kuenzenza malu mabi.

2 Kulondolola 34:27

bualu bua mutshima webe wakanyingalala ne bua wewe wakadihuekesha ku mpala kua Nzambi hawakunvua mei andi akambeye bua muaba eu ne bua bantu badi bashikamamu, wakadihuekesha ku mpala kuanyi, wakadihanda bilulu biebe, wakadila ku mpala kuanyi, Yehowa udi Wamba ne, Meme kabidi nakunvua mei ebe.

Ezela 10:1

Hakadi Ezela utendelela, utondela bantu mibi, udila, udikuma hanshi ku mpala kua nsubu wa Nzambi, tshisumbu tshinene tshia Bena Isalele, ne balume ne bakashi ne bana, tshiakadisangisha kudiye; bantu bakadila bikole.

Nehemya 1:4

Hanakunvua mei â, nakashikama hanshi, nakadila, nakajinga matuku makuabo; nakajila bia kudia, nakatendelela ku mpala kua Nzambi wa mu diulu,

Nehemya 8:9

Nehemiya gouverneur wakadi ne Ezela muakuidi ne mufundi ne Bena Lewi, bakadi bayisha bantu, bakambila bantu bonso ne, Dituku edi didi dia tshijila kudi Yehowa Nzambi wenu, kanujingi, kanutedi mua dî. Bualu bua bantu bonso bakadi badila hakunvuabo mei a mu mikenji.

Misambu 119:120

Mubidi wanyi udi uzakala bua dikutshina dianyi; ne ndi ntshina kulumbulula kuebe.

Misambu 119:136

Mesu anyi adi ahatula binsonshi bu misulu ya mai; bualu bua bantu kabena batumikila mikenji yebe.

Misambu 51:17

Milambu idi Nzambi mua kuitabusha idi mutshima wa majia. Wewe Nzambi, kuena uhetula mutshima wa majia ne udi unyingalala bua bubi buau.

Misambu 51:19

Hashishe, newikale ne disanka bua milambu mifidibue mu buakane, neusanke bua milambu ya kuosha ha kahia ne ya nyama ya kuosha mijima. Hashishe, nebafile bana balume ba ngombe ha tshioshelu tshiebe.

Ekesode 10:3

Mose ne Alona bakaya kudi Palô, bakamuambila ne, Yehowa, Nzambi wa Bena Ebelu, udi Wamba ne. Wewe neuhidie kudihuekesha ku mesu kuanyi musangu bule munyi? Ulekele bantu banyi baye kuntendelela.

Yeshaya 46:12

Nuenu, badi ne mitshima idi ne tshitshu, badi bashilangana ne buakane kule, telejai matshu enu kundi.

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Yeshaya 66:2

Yehowa udi wamba ne, Bua tshianza tshianyi tshiakufuka bintu ebi bionso, ne bintu ebi bionso biakulua bianyi. Kadi eu mmuntu undi ntekemena, nyeye udi ne mutshima muhuekele ne wa majia, udi uzakala ku dî dianyi.

Yeshaya 66:5

Nuenu badi bazakala hanunvua dî diandi, unvuai dî dia Yehowa ne, Bana benu badi nʼenu lukuna ne bakanuihata bua bualu bua dina dianyi bakuamba ne, Yehowa atumbishibue, bua tuetu tumone disanka dienu; kadi mbobo bine balualua kufuishibua bundu.

Yirmeya 13:17

Kadi binuahidia kunyua dî diandi, mutshima wanyi neudile mu musokoko bualu bua dihetu dienu; binsonshi bia bungi bia ku mesu kuanyi nebihueke hanshi, bualu bua bakukuata tshisumbu tshia mikoko ya Yehowa mu buhika.

Yirmeya 14:17

Wewe ubambile dî edi ne, Mesu anyi ahuekeshe binsonshi munya ne butuku, kabikami; bualu bua muana mukashi wa bantu banyi utshidi kamama, wakashimbuka ne kushimbuka kunene bu lumbu, wakutahibua mputa munene.

Yirmeya 26:6

nunku nenvuishe nsubu eu bu Shilo, ne musoko eu newikale wa mulau kudi bisamba bionso bia ha buloba.

Yirmeya 36:13

Nunku Mikaya wakabambila mei onso akunvueye hakabala Baluka mukanda mu matshu a bantu bonso.

Yirmeya 36:24

Kadi bantu aba kabakatshina, kabakahanda bilulu biabo, nansha mukelenge nansha mukuabo wa bantu banai bonso bakunvua mei a onso.

Yirmeya 44:22

Yehowa kakamanya mua kuitabusha kabidi bienzedi bienu bibi ne malu enu manyanguke. Bua bualu ebu buloba buenu buakulua bikulu, budi bukuatshisha buowa kudi bakuabo, budi ne mulau, kabuyi ne bantu bu mudibu dituku edi.

Yirmeya 9:1

Nakadi kusua bua mutu wanyi wikale bu mai, ne mesu anyi ikale bu mushimi wa binsonshi, bua meme ndile munya ne bufuku bua bantu bakashihabo ba muana mukashi wa bana betu!

Yezekiyele 9:4

Yehowa mene wakamuambila ne, Hitshila mu musoko, munkatshi mua misesu ya Yelushalema mene, funda tshimanyinu ha mpala ha bantu badi bahumuna muoyo ne badi badila bualu bua malu a bundu adi bakuabo benza munkatshi muau.

Mika 6:8

Wewe kampanda, bakukulesha bualu budi buakane; ne Yehowa udi utekemena malu kai kûdi? Anu bua wewe kuenza malu makane, kunanga kulesha bakuabo luse, ne kuenda ne Nzambi webe ne mutshima muhuekele.

Dibadika 25:6

Mona, mukuabo wa Bena Isalele wakalua kudi bana babo ne mukashi wa Bena Midiyana ku mesu kua Mose ne ku mesu kua tshisumbu tshionso tshia Bena Isalele, hakadibo badila ku mbelu kua ntenta wa kusambakena.

Luke 19:41

Hakafikeye ha buihi, wakatangila musoko, wakajinga,

Dielulula 29:23

ne buloba buonso budi bu butue ne luehu ne bintu bioshibue, kabena bakunamu tshintu, kabena bahuolamu tshintu; ne mashinde kaena amenamu: buloba budi buikala bu kubutuka kua misoko ya Sodoma ne Amola ne Adema ne Seboima yakashiha Yehowa mu tshiji tshiandi tshikole;

Balombodi 20:26

Hashishe Bena Isalele bonso ne bantu bonso bakaya ku Betele, bakadila, bakashikamaku ku mpala kua Yehowa, bakajila bia kudia dituku adi tô ne dilolo; bakasaku milambu ya kuosha ha kahia ne milambu ya kubavuisha nʼai ditalala kudi Yehowa.

1 Samuele 24:5

Ku nyima mutshima wa Davidi wakanyingalala bualu bua yeye wakakosa tshihesa tshia tshikowelu tshia Shaula.